ବେଗୁନିଆପଡ଼ା,୧୫ା୫(ଡି.ଏନ.ଏ.)- ଭୋଜିପରେ ନିଶାସକ୍ତ ଅବସ୍ଥାରେ ଗଣ୍ଡଗୋଳ ଓ ସହଯୋଗୀଙ୍କ କାଠ ଫାଳିଆ ମାଡରେ ଜଣେ ଯୁବକ ଗୁରୁତର ହୋଇଛନ୍ତି। ଏଭଳି ଘଟଣା ଘଟିଛି ବେଗୁନିଆପଡା କଞ୍ଚଣା ଛକଠାରେ।
ପୋଲିସ ସୂଚନା ପ୍ରକାରେ, ଗୁରୁବାର ରାତିରେ ଜେ.ମାନସ ଭାଟପଡ଼ା ଗ୍ରାମର ୨ଜଣ ବ୍ୟକ୍ତିଙ୍କ ସହ ମିଶି ଭୋଜି କରୁଥିଲେ। ଖାଇସାରିବା ପରେ ମାନସ ନିଶାସକ୍ତ ଅବସ୍ଥାରେ ଅନ୍ୟ ୨ଜଣଙ୍କୁ ଗାଳିଗୁଲଜ ସହ ମାରପିଟ କରିଥିଲେ। ସେମାନେ ମିଶି ମାନସଙ୍କ ମୁଣ୍ଡକୁ କାଠଫାଳିଆରେ ପିଟି ଦେଇଥିଲେ। ସ୍ଥାନୀୟ ଲୋକେ ଏନେଇ ପୋଲିସକୁ ଖବର ଦେବା ସହ ଆମ୍ବୁଲାନ୍ସରେ ବ୍ରହ୍ମପୁର ପଠାଇଥିଲେ। ବେଗୁନିଆପଡ଼ା ଫାଣ୍ଡି ଅଧିକାରୀ ଦୀପ୍ତି ରଞ୍ଜନ ବେହେରା ତଦନ୍ତ ଚଳାଇଥିଲେ ମଧ୍ୟ ଏତଲା ହୋଇ ନ ଥିବା କହିଛନ୍ତି। ମାନସଙ୍କୁ ତାଙ୍କ ଭଉଣୀ ମେଡିକାଲ ଯାଇଥିବା ପୋଲିସ କହିଛି।
