ନୂଆଦିଲ୍ଲୀ,୧୧।୬: ଭୋକ ସହ ଲଢ଼େଇରେ ଦେଶର ୫ ରାଜ୍ୟ ଆଗୁଆ ରହିଛନ୍ତି। ଏନେଇ ନୀତି ଆୟୋଗ ପକ୍ଷରୁ ପ୍ରକାଶିତ ରିପୋର୍ଟରେ ଦର୍ଶାଯାଇଛି। ପଞ୍ଜାବ, କେରଳ, ଗୋଆ, ମିଜୋରାମ୍ ଏବଂ ନାଗାଲାଣ୍ଡ ଆଦି ରାଜ୍ୟ ଏହି କ୍ଷେତ୍ରରେ ବେଶ୍ ଭଲ କାର୍ଯ୍ୟ କରୁଥିବା ରିପୋର୍ଟରେ କୁହାଯାଇଛି। ଅନ୍ୟ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ଲୋକେ ଦୁଇବେଳା ଖାଇବାକୁ ପାଉ ନ ଥିବା ନୀତି ଆୟୋଗ ପକ୍ଷରୁ ସୂଚିତ କରାଯାଇଛି। ଝାଡ଼ଖଣ୍ଡ, ବିହାର, ମଧ୍ୟପ୍ରଦେଶ, ଉତ୍ତରପ୍ରଦେଶ, ମେଘାଳୟ, ରାଜସ୍ଥାନ ଅଦି ରାଜ୍ୟରେ ଭୋକ ସମସ୍ୟା ଉତ୍କଟ ରହିଛି। ଅପରପକ୍ଷରେ ଜମ୍ମୁ-କଶ୍ମୀର, ହିମାଚଳପ୍ରଦେଶ, ଉତ୍ତରାଖଣ୍ଡ, ହରିୟାଣା,ତାମିଲନାଡୁ, କର୍ନାଟକ ଆଦି ରାଜ୍ୟ ଯୋଜନାବଦ୍ଧ ଭାବେ ଭୋକ ସହିତ ଲଢ଼ିବା ଜାରି ରଖିଛନ୍ତି। ଭୋକରୁ ମୁକ୍ତି ଲାଗି ଭାରତ ସରକାର ୨୦୩୦କୁ ସମୟସୀମା ଭାବେ ଧାର୍ଯ୍ୟ କରିଛନ୍ତି। ତେବେ ଏହି ଲକ୍ଷ୍ୟ ହାସଲ କରିବା କଷ୍ଟକର ହେବ ବୋଲି ନୀତି ଆୟୋଗ ରିପୋର୍ଟରେ ଦର୍ଶାଯାଇଛି।
