ଭତ୍ତାରେ ପୂରୁନି ପରିବାରର ପେଟ; ସାହା ଖୋଜୁଛନ୍ତି ୭୦ ବର୍ଷୀୟା ଚମ୍ପା

ଛେଣ୍ଡିପଦା,୧୪।୧୦(ସ୍ବ.ପ୍ର.) ରୋଗରେ ବୋହୂ ଓ ସାପ କାମୁଡ଼ାରେ ପୁଅର ମୃତ୍ୟୁ ପରେ ୩ ନାତୁଣୀନାତିଙ୍କ ଭରଣପୋଷଣ କରୁଛନ୍ତି ବୃଦ୍ଧା ଜେଜେମା’। ବର୍ଷ କେଇଟା ତଳେ ଦେହରେ ବଳ ଥିଲା ତାଙ୍କର। ପର ବିଲରେ ମୂଲ ମଜୁରି କରି ୩ ପିଲାଙ୍କ ପେଟରେ ଦାନା ଦେଇପାରୁଥିଲେ ସେ। ହେଲେ ଏବେ ଆଉ ସେହି ବଳ ବୟସ ନାହିଁ। ଆଜିର ମହଙ୍ଗା ସମୟରେ ମିଳୁଥିବା ଭତ୍ତା ଅର୍ଥରେ ପରିବାରଟିଏ ଚଳାଇବା କେତେ ଯେ କଷ୍ଟଦାୟକ ତାହା ନା ବୁଝୁଛି ପ୍ରଶାସନ ନା ସରକାର। ତେଣୁ ଅସହାୟ ଅବସ୍ଥାରେ ଥିବା ଛେଣ୍ଡିପଦା ବ୍ଲକ ଟାଙ୍ଗିର ପଞ୍ଚାୟତ ପୁରୁଣାଗଡ ଗ୍ରାମର ୭୦ ବର୍ଷୀୟା ଚମ୍ପା ନାଏକ ଅଧିକ ସରକାରୀ ସହାୟତାକୁ ଚାହିଁ ରହିଛନ୍ତି। ୩ ନାତୁଣୀନାତିଙ୍କ ପାଠପଢ଼ା ସହ ମୁଣ୍ଡ ଗୁଞ୍ଜିବାକୁ ଆବାସ ଯୋଜନାରେ ଘର ଘଣ୍ଡିଏ ସରକାର କରିଦେଲେ ସେ ଚିନ୍ତାମୁକ୍ତ ହୋଇପାରନ୍ତେ ବୋଲି ଲୁହ ଛଳ ଛଳ ଆଖିରେ କହିଛନ୍ତି ବୃଦ୍ଧା ଚମ୍ପା ନାଏକ।
ପୁଅ, ବୋହୂ ଥିବାବେଳେ ଚିନ୍ତା ନ ଥିଲା ଚମ୍ପାଙ୍କର। ଠିକଣା ବାଟରେ ଚାଲିଥିଲା ତାଙ୍କ ଦୁଃଖ ସୁଖର ସଂସାର। ହେଲେ ୧୦ ବର୍ଷ ତଳେ ବୋହୂ କୁମାରୀ ନାଏକ ରୋଗଗ୍ରସ୍ତ ଅବସ୍ଥାରେ ଆଖି ବୁଜିଦେଲେ। ୩ ପିଲାଙ୍କୁ ନେଇ ସଂସାର ସଜାଡିବାକୁ ଚେଷ୍ଟା କରୁଥିବା ପୁଅ ବାବୁଲି ନାଏକ ମଧ୍ୟ ସାପ କାମୁଡ଼ାରେ ପ୍ରାଣ ହରାଇଥିଲେ। ଏହାପରେ ୩ ନାତୁଣୀ ନାତିଙ୍କୁ କେମିତି ବଡ଼ କରିବେ ସେହି ଚିନ୍ତାରେ ପଡିଥିଲେ ଚମ୍ପା। କଷ୍ଟେମଷ୍ଟେ ବଡ ନାତି ଦୀପକ ନାଏକଙ୍କୁ ଦଶମ ଯାଏ ପଢାଇଲେ। ହେଲେ ଅର୍ଥାଭାବରୁ ଦୀପକଙ୍କ ପାଠପଢାରେ ଏବେ ଡୋରି ବନ୍ଧା ହୋଇଛି। ସେହିପରି ସାନ ନାତି ବଟକୃଷ୍ଣ ନବମରେ ପଢୁଥିବାବେଳେ ନାତୁଣୀ ପାଠ ନ ପଢି ଘରେ ବସି ରହିଛି। ସରକାର ଭତ୍ତା ବାବଦରେ ୫ ଶହ ଓ ରାଶନ କାର୍ଡରେ ଚାଉଳ ଯୋଗାଣର ବ୍ୟବସ୍ଥା କରିଥିଲେ ମଧ୍ୟ ସେଥିରେ ୪ ପ୍ରାଣୀ ଚଳିବା କଷ୍ଟକର ହୋଇପଡୁଥିବା ଚମ୍ପା କହିଛନ୍ତି। ସେହିପରି ଘର ଖଣ୍ଡିଏ ନ ଥିବାରୁ ଭଙ୍ଗା ଚାଳିଆରେ ସେମାନେ ପଡି ରହିଛନ୍ତି। ଝଡ଼ବର୍ଷା ହେଲେ ଘରେ ରହି ନ ପାରି ବାରଦୁଆର ହେଉଛନ୍ତି। ଆବାସ ଯୋଜନାରେ ଘର ଖଣ୍ଡିଏ ଯୋଗାଇଦେବାକୁ ପ୍ରଶାସନ ନିକଟରେ ସେ ଆବେଦନ କରିଥିଲେ ମଧ୍ୟ କେହି ଶୁଣୁ ନ ଥିବା ଚମ୍ପା ଅଭିଯୋଗ କରିଛନ୍ତି। ଯଦି ସରକାର ମା’ ବାପା ଛେଉଣ୍ଡ ୩ ପିଲାଙ୍କ ପ୍ରତି ସହୃଦୟ ହୁଅନ୍ତେ ତା’ହେଲେ ସେମାନଙ୍କ ଭବିଷ୍ୟତ ସୁରକ୍ଷିତ ହୋଇପାରନ୍ତା ବୋଲି ଚମ୍ପା ପ୍ରକାଶ କରିଛନ୍ତି। ସରକାର ଏ ଦିଗରେ ଦୃଷ୍ଟି ଦେବାକୁ ଗ୍ରାମବାସୀ ଦାବି କରିଛନ୍ତି।
ଏ ସମ୍ପର୍କରେ ଛେଣ୍ଡିପଦା ବିଡିଓ ସୁନୀଲ କୁମାର କେରକେଟା କୁହନ୍ତି, ସମ୍ପୃକ୍ତ ପରିବାର ବିଷୟରେ ଖବର ପାଇଛି। ପୁରଣାଗଡ ଗ୍ରାମକୁ ଯାଇ ଘଟଣାର ତଦନ୍ତ କରିବା ସହ ସେମାନଙ୍କୁ ସରକାରୀ ସହାୟତା ଯୋଗାଇବାକୁ ଉଦ୍ୟମ କରିବି।


Enter your email to get our daily news in your inbox.

All Right Reserved By Dharitri.Com

ବାତ୍ୟା ‘ଅକୱନ’ ପାଇଁ ସିଲ୍ ଥିବା ଗାଜଲବାଡ଼ି ଘାଟିରେ ପୁଣି ହାଲୁକା ଯାନ ଚଳାଚଳ ଆରମ୍ଭ: ଆଉ ଦୁଇ ଦିନ ମଧ୍ୟରେ…

ଦାରିଙ୍ଗବାଡ଼ି, ୨୨/୧୧ (ଅରୁଣ ସାହୁ): ବାତ୍ୟା ‘ଅକୱନ’କୁ ଦୃଷ୍ଟିରେ ରଖି ଦାରିଙ୍ଗବାଡ଼ିରୁ ଗାଜଲବାଡ଼ିକୁ ସଂଯୋଗ କରୁଥିବା ଗାଜଲବାଡ଼ି ଘାଟି ରାସ୍ତାରେ ଯାନବାହନ ଚଳାଚଳ ଉପରେ କଟକଣା ଲଗାଯାଇଥିଲା।…

ସାଧାରଣ ଲୋକଙ୍କ ପକେଟ୍‌କୁ ଝଟକା: କ୍ଷୀର ଲିଟର ପିଛା ୪ ଟଙ୍କା ବଢ଼ିଲା

ନୂଆଦିଲ୍‌ଲୀ,୨୨।୧୧: କ୍ଷୀର ପ୍ରତ୍ୟେକ ଘରର ଦୈନନ୍ଦିନ ଆବଶ୍ୟକତା ଅଟେ। ସକାଳର ଚା’ଠାରୁ ଆରମ୍ଭ କରି ପିଲାଙ୍କ ଜଳଖିଆ ଏବଂ ଦହି-ପନିର ପର୍ଯ୍ୟନ୍ତ, ଅନେକ ଜିନିଷ ପାଇଁ ଲୋକେ…

ମୁମ୍ୱାଇ ଇଣ୍ଡିଆନ୍ସକୁ ଆଉ ଏକ ଝଟ୍‌କା: ହାର୍ଦ୍ଦିକଙ୍କ ପରେ ଏବେ ପଞ୍ଜାବ ଶିବିରରେ ଯୋଗଦେବେ ଏହି ଭାରତୀୟ ଷ୍ଟାର

ନୂଆଦିଲ୍ଲୀ,୨୨।୧୧: ଆଇପିଏଲ (IPL) ୨୦୨୭ ପୂର୍ୱରୁ ଟ୍ରେଡ ଜରିଆରେ ହାର୍ଦ୍ଦିକ ପାଣ୍ଡ୍ୟା ମୁମ୍ୱାଇ ଇଣ୍ଡିଆନ୍ସ ଛାଡ଼ି ପଞ୍ଜାବ କିଙ୍ଗ୍ସର ଅଂଶ ହୋଇଯାଇଛନ୍ତି। ଏହି ଟ୍ରେଡ ପ୍ରତ୍ୟେକ ପ୍ରଶଂସକଙ୍କୁ…

ଏଠି ଏମିତି ହୁଏ

ଭାରତରେ ସରକାରଙ୍କ ଦ୍ୱାରା କରାଯାଉଥିବା ହତ୍ୟାର ନାମ ‘ଏନ୍‌କାଉଣ୍ଟର’ ଏବଂ ହତ୍ୟାକାରୀଙ୍କୁ ‘ଏନ୍‌କାଉଣ୍ଟର ସ୍ପେଶାଲିଷ୍ଟ’ କୁହାଯାଏ। ବୋଧହୁଏ ଏନ୍‌କାଉଣ୍ଟର ପାଇଁ ନିଷ୍ଠୁର ଭାବେ ଟ୍ରିଗର ଦବାଇବା ବ୍ୟତୀତ…

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?