ଆର.ଉଦୟଗିରି,୨୫ା୩(ଡି.ଏନ.ଏ.)- ଆର୍.ଉଦୟଗିରି ଓ ସେରଙ୍ଗ ଥାନା ଖଜୁରିପଦା ଫାଣ୍ଡି ପକ୍ଷରୁ ଲକ୍ଡାଉନ ଯୋଗୁ ଯାନବାହନ ଯାଞ୍ଚ କଡ଼ାକଡ଼ି କରିବା ସହ ସଚେତନତା ଜାରି ରଖାଯାଇଛି। ସୋମବାର ଆର୍.ଉଦୟଗିରି ହାଟ ବନ୍ଦ ଥିବାବେଳେ ମଙ୍ଗଳବାର ନୂଆଗଡ ସାପ୍ତାହିକ ହାଟ ଓ ବୁଧବାର ଖଜୁରିପଦା ହାଟ ବନ୍ଦ ରହିଛି। ପୋଲିସ ଭିଡ ନ କରିବାକୁ ପ୍ରଚାର କରୁଥିଲେ ମଧ୍ୟ କିଛି ଅଞ୍ଚଳରେ ଲୋକେ ମାନୁ ନାହାନ୍ତି। କିଣାବିକା ପାଇଁ ଆର.ଉଦୟଗିରି, ଖଜୁରିପଦା ଓ ନୂଆଗଡ ଆସୁଥିବାରୁ ଆର୍.ଉଦୟଗିରି ଥାନା ଅଧିକାରୀ ମମତା ନାୟକଙ୍କ ନେତୃତ୍ୱରେ ଅତାରସିଂ ଛକ ଓ ଖଜୁରିପଦା ଫାଣ୍ଡି ଅଧିକାରୀ ରବୀନ୍ଦ୍ର କୁମାର ପାତ୍ର ଛକଠାରେ ଲୋକଙ୍କୁ ବୁଝାଉଥିବା ଦେଖିବାକୁ ମିଳିଥିଲା।
