ବ୍ରହ୍ମପୁର ଅଫିସ୍,୭ା୬- ମଡର୍ଣ୍ଣ ୟୁଥ୍ କ୍ଲବ ତରଫରୁ ତଥା ବିଏମ୍ସି ସହଯୋଗରେ ଏସ୍ପିଙ୍କ କାର୍ଯ୍ୟାଳୟ ପରିସରରେ ଚାଲିଥିବା ଗ୍ରୀଷ୍ମକାଳୀନ ବାସ୍କେଟବଲ୍ ପ୍ରଶିକ୍ଷଣ ଶିବିର ଗୁରୁବାର ଉଦ୍ଯାପିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଏମ୍ପି ଚନ୍ଦ୍ରଶେଖର ସାହୁ ଯୋଗ ଦେଇଥିଲେ। କ୍ରୀଡ଼ାରେ ଭବିଷ୍ୟତ ଗଢ଼ିବାକୁ ହେଲେ ଲକ୍ଷ୍ୟ ସ୍ଥିର ରଖିବାକୁ ପରାମର୍ଶ ଦେଇଥିଲେ। ଏଥିସହ ବ୍ରହ୍ମପୁରରେ ଥିବା ବାସ୍କେଟବଲ୍ କୋର୍ଟଗୁଡ଼ିକର ଉନ୍ନତୀକରଣ ପାଇଁ ଖୁବ୍ ଶୀଘ୍ର ଯୋଜନା ପ୍ରସ୍ତୁତ କରାଯିବ ବୋଲି ପ୍ରତିଶ୍ରୁତି ଦେଇଥିଲେ। ସମ୍ମାନିତ ଅତିଥି ଭାବେ ବିଡ଼ିଏ ଅଧ୍ୟକ୍ଷ ସୁବାସ ମହାରଣା, ପୂର୍ବତନ ବିଧାୟକ ଡା. ରମେଶ ଚନ୍ଦ୍ର ଚ୍ୟାଉପଟ୍ଟନାୟକ, ଏଏସ୍ପି ମହାଧର ସେଠୀ, ଡିଏସ୍ପି ଅଜୟ ମିଶ୍ର, ଜିଲା କ୍ରୀଡ଼ା ସଂସଦ ସାଧାରଣ ସମ୍ପାଦକ ଅଶୋକ କୁମାର ସାହୁ ଏବଂ ଯୁଗ୍ମ ସମ୍ପାଦକ ସନ୍ତୋଷ ସାହୁ ଯୋଗ ଦେଇଥିଲେ। ଏହି ଅବସରରେ କ୍ଲବର ପ୍ରତିଷ୍ଠାତା ସଦସ୍ୟ ଗୋବିନ୍ଦ ଚନ୍ଦ୍ର ସାହୁ ଏବଂ ଉପେନ୍ଦ୍ର ପଟ୍ଟନାୟକଙ୍କୁ ସ୍ବତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଥିଲା। ପ୍ରଶିକ୍ଷାର୍ଥୀଙ୍କୁ ପ୍ରମାଣପତ୍ର ସହ ଉପହାର ଦିଆଯାଇଥିଲା। ଏଥି ସହ ଶିବିର ଅବସରରେ ଆୟୋଜିତ ହୋଇଥିବା ଧ୍ୟାନଚାନ୍ଦ ମହାନ୍ତି ସ୍ମାରକୀ ବାସ୍କେଟବଲ୍ ପ୍ରତିଯୋଗିତାର ବାଳିକା ଚାମ୍ପିୟନ୍ ଥଣ୍ଡର୍ସ ଏବଂ ବାଳକ ଚାମ୍ପିୟନ୍ ରାଇଜିଙ୍ଗ୍ ଷ୍ଟାର୍କୁ ପୁରସ୍କୃତ କରାଯାଇଥିଲା। କ୍ଲବ ସମ୍ପାଦକ ଶରତ ଚନ୍ଦ୍ର ମହାପାତ୍ରଙ୍କ ତତ୍ତ୍ୱାବଧାନରେ ଅନୁଷ୍ଠିତ ଶିବିର ତଥା କାର୍ଯ୍ୟକ୍ରମରେ ବିନାୟକ ହୋତା, ଶ୍ରୀମନ୍ ନାୟକ ଏବଂ ଦୀପକ ରଥ ପ୍ରଶିକ୍ଷଣ ପ୍ରଦାନ କରୁଥିଲେ। କ୍ଲବ କର୍ମକର୍ତ୍ତା ପ୍ରଶା
