ଉଦଳା,୧୪ା୩(ଡ଼ି.ଏନ୍.ଏ.)- ବକେୟା ବିଲ୍ ଆଦାୟ ନ ହେବାରୁ ବିଦ୍ୟୁତ୍ କାଟକୁ କେନ୍ଦ୍ର କରି ମୟୂରଭଞ୍ଜ ଜିଲା ଉଦଳା ନେସ୍କୋ କାର୍ଯ୍ୟାଳୟ କର୍ମଚାରୀ ଏବଂ ଉପଭୋକ୍ତା ମୁହଁାମୁହିଁ ହୋଇଛନ୍ତି ା ଉଭୟ ପକ୍ଷଙ୍କ ମଧ୍ୟରେ ପ୍ରଥମେ ବାକ୍ବିତଣ୍ଡା ଓ ପରେ ହାତାହାତି ପର୍ଯ୍ୟନ୍ତ କଥା ଯାଇଥିଲା। ନେସ୍କୋ କର୍ମଚାରୀଙ୍କ ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା(ନଂ.୭୫/୨୦୨୦) ରୁଜୁ କରି ଘଟଣାର ତଦନ୍ତ ଜାରି ରଖିଛି।
ସୂଚନା ଅନୁଯାୟୀ, ଉଦଳା ନେସ୍କୋ ଡିଭିଜନ୍ ଅଧୀନ କୁଟଲିଂ ଗ୍ରାମର ବହୁ ଉପଭୋକ୍ତାଙ୍କ ବକେୟା ବିଜୁଳି ବିଲ୍ ରହିଛି ା ବାରମ୍ବାର ତାଗିଦ୍ ପରେ ମଧ୍ୟ ବିଲ ପୈଠ କରା ନ ଯିବାରୁ ଗୁରୁବାର ଉଦଳା ନେସ୍କୋ ଡିଭିଜନ୍ ପକ୍ଷରୁ ଉକ୍ତ ଗ୍ରାମରେ ବିଜୁଳି କାଟ କରାଯାଇଥିଲା ା ସନ୍ଧ୍ୟାରେ ଗ୍ରାମର ୫ ଜଣ ଉପଭୋକ୍ତା ବିଲ୍ ପୈଠ ଲାଗି ନେସ୍କୋ କାର୍ଯ୍ୟାଳୟକୁ ଆସିଥିଲେ। ତେବେ ବିଲ୍ ପୈଠ ପୂର୍ବରୁ କ’ଣ ପାଇଁ ବିଜୁଳି କାଟ କରାଗଲା ବୋଲି ସେମାନେ ବିଭାଗୀୟ ଜେଇ ତାପସ କୁମାର ସାହୁଙ୍କୁ ପ୍ରଶ୍ନ କରିଥିଲେ। ଏନେଇ ନେସ୍କୋ କର୍ମଚାରୀ ଏବଂ ଉପଭୋକ୍ତାଙ୍କ ମଧ୍ୟରେ ବାକବିତଣ୍ଡା ହେବା ସହ ହାତାହାତି ପର୍ଯ୍ୟନ୍ତ କଥା ଯାଇଥିଲା। ଉପଭୋକ୍ତା ଚନ୍ଦନ କୁମାର ବିଶ୍ୱାଳ ଜେଇ ସାହୁ ଏବଂ ଅନ୍ୟ ଦୁଇ କର୍ମଚାରୀଙ୍କୁ ମାଡ଼ ମାରିଥିବା ଥାନାରେ ଅଭିଯୋଗ ହୋଇଛି। ଅନ୍ୟପକ୍ଷେ ନେସ୍କୋ କର୍ମଚାରୀଙ୍କ ମାଡ଼ରେ ଉପଭୋକ୍ତା ବିଶ୍ୱାଳ ଆହତ ହୋଇଥିବା ମଧ୍ୟ ଅଭିଯୋଗ ହୋଇଛି।
