ଗାଁ ହେଉକି ସହର, ଭାରତର ଯେକୌଣସି ସ୍ଥାନକୁ ଗଲେ ସବୁଜ କ୍ଷେତ ଦେଖିବାକୁ ମିଳେ। ପ୍ରତ୍ୟେକ ସ୍ଥାନ ନିଜର କିଛି ଖାସ୍ ଉତ୍ପାଦନ ପାଇଁ ବି ପ୍ରସିଦ୍ଧ ଥାଏ। ଯେମିତିକି ନାଗପୁର କମଳା ପାଇଁ ତ ଉତ୍ତର ପ୍ରଦେଶ ଆମ୍ବଚାଷ ପାଇଁ ପ୍ରସିଦ୍ଧ। ହେଲେ କେବେ ଆପଣ ଏମିତି କ୍ଷେତ ଦେଖିଛନ୍ତି, ଯେଉଁଠି ଖାଇବା ଜିନିଷ ନୁହେଁ ବରଂ କାର୍ର ଚାଷ ହେଉଥିବ। ଶୁଣି ଆଶ୍ଚର୍ଯ୍ୟ ଲାଗୁଥିବ। କିନ୍ତୁ ଆମେରିକାର ନେଭାଡାରେ ଗୋଲ୍ଡଫିଡ୍ ନାମକ ପାହାଡ଼ ଅଛି, ଯେଉଁଠି ଜଣେ ବ୍ୟକ୍ତି କାର୍ ଚାଷ କରିଛନ୍ତି। ୨୦୧୧ ମସିହାରେ ମାଇକେଲ ମାର୍କ ରିପ୍ପି ନାମକ ଜଣେ ବ୍ୟକ୍ତି ମାଟିରେ କାର୍କୁ ଅଧା ପୋତିବା ଆରମ୍ଭ କଲେ। ମାର୍କ କାର୍ ରିସାଇକେଲ କାମ କରନ୍ତି। ମାର୍କଙ୍କର ଏହି କାମରେ କ୍ୟାଡ ସର୍ଗ ବି ସାମିଲ ହେଲେ। ଆଉ ଉକ୍ତ କ୍ଷେତର ନାମ ଦେଲେ ‘ଦ ଇଣ୍ଟରନ୍ୟାଶନାଲ କାର୍ ଫରେଷ୍ଟ ଅଫ୍ ଦ ଲାଷ୍ଟ ଚର୍ଚ୍ଚ’। ଏବେ ତାଙ୍କର ଏହି କ୍ଷେତରେ ୪୦ରୁ ଊର୍ଦ୍ଧ୍ୱ ଛୋଟ ବଡ଼ କାର୍ ଓ ଟ୍ରକ୍ ବାଲି ଓ ମାଟିରେ ଅଧା ପୋତିହୋଇ ଥିବାର ଦେଖିବାକୁ ମିଳେ। ଏହାକୁ ଦେଖି ଲାଗେ ସତେ ଯେମିତି କାର୍ର ଫସଲ ଲଗାଯାଇଛି। ରଙ୍ଗବେରଙ୍ଗ ଗାଡ଼ି ଓ ସେଥିରେ ଲାଗିଥିବା ସୁନ୍ଦର ଲାଇଟ୍ ପାଇଁ ଏହି ସ୍ଥାନ ବହୁତ ସୁନ୍ଦର ଦେଖାଯାଏ।
