ଗୋଟିଏ ଦିନରେ ସାପ କାମୁଡ଼ାରେ ୮ ଆହତ
11:30 pmAugust 5, 2019 / 21

ଭଞ୍ଜନଗର,୫।୮(ଡି.ଏନ.ଏ.)-ବର୍ଷାଦିନେ ଗାତ ଗୁଡିକରେ ପାଣି ଭର୍ତ୍ତି ହୋଇଯାଉ ଥିବାରୁ ସାପ ବାହାରି ଶୁଖିଲା ସ୍ଥାନକୁ ଚାଲିଆସି ଲୋକଙ୍କୁ କାମୁଡ଼ୁଛନ୍ତି। ଏପରିକି ଘର ଭିତରକୁ ମଧ୍ୟ ପଶି ଆସୁଛନ୍ତି। ଗତ ସପ୍ତାହକ ମଧ୍ୟରେ ଭଞ୍ଜନଗର ଅଞ୍ଚଳରେ ସାପ କାମୁଡାରେ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ଏକାଧିକ ଆହତ ହୋଇଛନ୍ତି। ମୃତକ ହେଲେ କନ୍ଧନୂଆପଲ୍ଲୀର ଜୟ ମାଝି ଓ ଅନ୍ୟ ଜଣେ ଭଞ୍ଜନଗର ବ୍ଲକ ଡୁମାକୁମ୍ପା ଗ୍ରାମର। ରବିବାର ଗୋଟିଏ ଦିନରେ ଉପଖଣ୍ଡର ବିଭିନ୍ନ ଅଞ୍ଚଳରେ ସାପ କାମୁଡ଼ାରେ ୮ଜଣ ଆହତ ହୋଇ ଭଞ୍ଜନଗର ଡାକ୍ତରଖାନାରେ ଭର୍ତ୍ତି ହୋଇଥିଲେ। ସେଥିମଧ୍ୟରୁ କେତେଜଣ ସୁସ୍ଥ ହୋଇ ସୋମବାର ଘରକୁ ଫେରିଛନ୍ତି। ସାପ କାମୁଡ଼ାରେ ଆହତଙ୍କ ସଂଖ୍ୟା ବଢ଼ୁଥିବାରୁ ଡାକ୍ତରଖାନାରେ ଆବଶ୍ୟକ ଔଷଧ, ଇଞ୍ଜେକ୍ସନ ମହଜୁଦ୍‌ ରଖିବା ଆବଶ୍ୟକ ହୋଇପଡିଛି। ଅନ୍ୟପକ୍ଷରେ ସାପ ଧରିବାକୁ ବନ ବିଭାଗ ପାଖକୁ ଏକାଧିକ ଫୋନ କଲ୍‌ ଆସୁଛି । କିନ୍ତୁ ଏଠାରେ ଥିବା କର୍ମଚାରୀ ଜଣଙ୍କ ପାଖରେ ଲାଇସେନ୍ସ ନ ଥିବା ଯୋଗୁ ସାପ ଧରିବାକୁ ସେ ଆଭଗର ହେଉନାହାନ୍ତି। ବିଭାଗ ପକ୍ଷରୁ ଅଞ୍ଚଳବାସୀଙ୍କ ସୁବିଧା ପାଇଁ କିଛିଦିନ ହେବ କୌଣସି ପଦକ୍ଷେପ ନିଆଯାଉନାହିଁ। ଏ ନେଇ ପଦକ୍ଷେପ ନେବାକୁ ସାଧାରଣରେ ଦାବି ହୋଇଛି । ଅବସରପ୍ରାପ୍ତ ରେଞ୍ଜର ଅନୁପମ ବାନାର୍ଜି କହିଛନ୍ତି, ବର୍ଷା ଦିନେ ସାପ ଗାତରୁ ବାହାରିବା ଯୋଗୁ ସମସ୍ୟା ହେଉଛି । ଏହି ଦିନେ ସାପ ଅଣ୍ଡା ଦିଅନ୍ତି। ତେଣୁ ଲୋକେ ନିଜ ଘର ଚତୁପାର୍ଶ୍ୱ ସଫା ରଖିବା ଆବଶ୍ୟକ। ଚାଳ ଓ ଝାଟିମାଟି ଘର ହୋଇଥିଲେ ଅଧିକ ସତର୍କ ରହିବା ଦରକାର। ରାତିରେ ଅନ୍ଧାରରେ ନ ଯାଇ ପର୍ଯ୍ୟାପ୍ତ ଆଲୁଅରେ ଯିବାକୁ ହେବ। ଘର ଚତୁପାଶ୍ୱର୍ର୍ରେ କଳା ଫିନାଇଲ, ଦାନାଦାର ପକାଇଲେ ଗନ୍ଧରେ ସାପ ଘରେ ପଶିବେ ନାହିଁ। ଶୀତଦିନେ ସାପ ପ୍ରାୟ ଗାତକୁ ଚାଲିଯାଆନ୍ତି। କାହାକୁ ସାପ କାମୁଡ଼ିଲେ ତୁରନ୍ତ ଚିକିସତ୍ା ପାଇଁ ଡାକ୍ତରଖାନା ନେବା ଆବଶ୍ୟକ। ଝଡା ଼ଫୁଙ୍କା ଅନ୍ଧବିଶ୍ୱାସ ବୋଲି ଲୋକେ ସଚେତନ ହେବା ଦରକାର ବୋଲି ବାନାର୍ଜି କହିଥିଲେ ।