ବାଲେଶ୍ୱର ଅଫିସ,୧୭।୨-ବାଲେଶ୍ୱର ବାମପଦାସ୍ଥିତ ନୋସି ଉତ୍କଳା ମୁକ୍ତ ମଞ୍ଚରେ ସ୍ଥାନୀୟ ଉଦୀୟମାନ କଳାକାରମାନଙ୍କୁ ଉତ୍ସାହିତ କରିବା ପାଇଁ ପ୍ରତି ଶନିବାର ଓ ରବିବାର ସାପ୍ତାହିକ ସାଂସ୍କୃତିକ କାର୍ଯ୍ୟକ୍ରମ ନୋସି କଲଚୁରାଲ ଏକାଡେମୀ ପକ୍ଷରୁ ଆୟୋଜିତ ହୋଇଆସୁଛି। କଣ୍ଠଶିଳ୍ପୀ ଡା. ଅମିତାଭ ଗିରି ମୁଖ୍ୟଅତିଥି ଭାବରେ ଯୋଗଦେଇ ‘ଖାସ୍ ତୁମ ପାଇଁ ’ ସାଂସ୍କୃତିକ ସନ୍ଧ୍ୟା ନୂଆ ରେକର୍ଡ ସୃଷ୍ଟି କରିଛି ବୋଲି ପ୍ରକାଶ କରିଥିଲେ। ଏହି କାର୍ଯ୍ୟକ୍ରମକୁ ନୋସିର ସିଇଓ କେ. କେ. ମୁଦୁଲି ଆନୁଷ୍ଠାନିକ ଭାବେ ଉଦ୍ଘାଟନ କରିଥିବା ବେଳେ ଶିଳ୍ପୀ କେଶୁ ଦାସ ପରିଚାଳନା କରିଥିଲେ ା ଏଥିରେ ଝିଅପୁଅ କଣ୍ଠଶିଳ୍ପୀ ଓ ନୃତ୍ୟଶିଳ୍ପୀମାନେ ଦୁଇ ଜଣ ନିଜର କଳା ପ୍ରଦର୍ଶନ କରି ଦର୍ଶକମାନଙ୍କ ମନୋରଞ୍ଜନ କରିଥିବା ବେଳେ କବି କବୟିତ୍ରୀ ପ୍ରେମ କବିତା ପାଠ କରିଥିଲେ ା କବି ଗଗନ ସେଠୀ ଓ କୁମାର ସୋମୁ କାର୍ଯ୍ୟକ୍ରମକୁ ସଂଯୋଜନା କରିଥିଲେ। କୁମାର ମାନସ ସହ ଭାଗ୍ୟଶ୍ରୀ, କୁମାର କ୍ରିଷ୍ଣା ସହ ମୋନାଲୀ ଯୁଗଳ ରୋମାଣ୍ଟିକ ସଙ୍ଗୀତ ପରିବେଷଣ କରିଥିବା ବେଳେ ସୌମ୍ୟ ସହ ରଚନା, ମିଥୁନ ସହ ଅଲିଭା, ଶ୍ରୀୟା ସହ ନୀଖିଲ, ଗୌତମ ସହ ନନ୍ଦିନୀ, ନନ୍ଦିତା ସହ ଗିରିଜା, ପିକୁନ ସହ କାମନା ନୃତ୍ୟ ପରିବେଷଣ କରିଥିଲେ ା ସେହିପରି କବି ଦେବାଶିଷ ସିଂ ସହ ତୃପ୍ତିରାଣୀ ପାତ୍ର, ଇନାୟତ ଅଲ୍ଲୀ ଖାଁ, ସୁବାସ ସ୍ବାଇଁ ସୁନ୍ଦର ସୁନ୍ଦର ପ୍ରେମ କବିତାପାଠ କରିଥିଲେ ା ନିୟମ ଅନୁଷ୍ଠାନର ଛାତ୍ରଛାତ୍ରୀମାନେ ଯୋଗଦେଇ ଅର୍ଚ୍ଚନା ଘଡେଇ, ଦୀପ୍ତିରାଣୀ ଜେନା ଗୀତରେ, ଦୀପ୍ତିରାଣୀ ଜେନା, ରୁଇ ବାରିକ, ବିଶ୍ୱଶ୍ରୀ ସାହୁ ନୃତ୍ୟରେ ପୁରସ୍କୃତ ହୋଇଥିଲେ। ନୋସିର ଆବାହକ ଅମିତ ବେହେରା, ଅନ୍ୟତମ ନିର୍ଦ୍ଦେଶକ ମୁକୁଲ କୁମାର, ଡା. ଅମିତାଭ ଗିରି, ବିଶ୍ୱଜିତ ଘୋଷ, ଘନଶ୍ୟାମ ଦାସ, କନକଲତା ଦାସ ପ୍ରମୁଖ ଶିଳ୍ପୀମାନଙ୍କୁ ପ୍ରଶଂସାପତ୍ର ପ୍ରଦାନ କରି ଉତ୍ସାହିତ କରିଥିଲେ ା ନୋସିର ଗିରିଜା ଶଙ୍କର ମାଝି, ରୁଦ୍ର ପ୍ରସାଦ ବଳ, ପ୍ରଶାନ୍ତ ବେହେରା, ଅଶୋକ କୁମାର ପ୍ରମୁଖ ସହଯୋଗ କରିଥିବା ବେଳେ କଣ୍ଠଶିଳ୍ପୀ ଅତନୁ କୁମାର ଧନ୍ୟବାଦ ଦେଇଥିଲେ।
