ଆଜି ଭାରତର ପୂର୍ବତନ ଅଧିନାୟକ ମନସୁର ଅଲି ଖାନ ପଟୌଦିଙ୍କ ୮୧ ତମ ଜନ୍ମ ବାର୍ଷିକୀ। ଭାରତୀୟ କ୍ରିକେଟ ଇତିହାସରେ ତାଙ୍କ ନାମ ସୁବର୍ଣ୍ଣ ଅକ୍ଷରରେ ରେକର୍ଡ କରାଯାଇଛି। ପଟୌଦିଙ୍କ ଅଧିନାୟକତ୍ୱରେ ହିଁ ଭାରତ ବିଦେଶୀ ମାଟିରେ ପ୍ରଥମ ବିଜୟ ହାସଲ କରିଥିଲା। ନ୍ୟୁଜିଲାଣ୍ଡ ବିପକ୍ଷ ଏହି ମ୍ୟାଚରେ ଭାରତ ଜିତିଛି। ପଟୌଦିଙ୍କ ନେତୃତ୍ୱରେ ଭାରତ ନ୍ୟୁଜିଲାଣ୍ଡ ଯାଇ ଚାରି ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବାକୁ ଯାଇଥିଲା ଯେଉଁଠାରେ ଭାରତ ୩-୧ରେ ଜିତିଥିଲା।
ଭାରତର ଅନ୍ୟତମ ସଫଳ ଅଧିନାୟକ ମନସୁର୍ ଅଲ୍ଲୀ ଖାନ ପଟୌଦି କ୍ରିକେଟ ଜଗତରେ ଟାଇଗର ପଟୌଦ ଏବଂ ନବାବ ପଟୌଦି ନାମରେ ମଧ୍ୟ ଜଣାଶୁଣା। ସେ ୫ ଜାନୁଆରୀ ୧୯୪୧ରେ ଭୋପାଳର ନବାବ ପରିବାରରେ ଜନ୍ମଗ୍ରହଣ କରିଥିଲେ। ପଟୌଦି ମାତ୍ର ୨୦ ବର୍ଷ ବୟସରେ ଭାରତ ପାଇଁ ଡେବ୍ୟୁ କରିଥିଲେ। ସେ ମାତ୍ର ୨୧ ବର୍ଷ ବୟସରେ ଭାରତୀୟ ଦଳର ଅଧିନାୟକ ହେବାର ସୁଯୋଗ ପାଇଲେ।
ଷାଠିଏ ଦଶକରେ ପଟୌଦିଙ୍କ ଲୋକପ୍ରିୟତା ଶିଖରରେ ଥିଲା। ତାଙ୍କର ଲକ୍ଷ ଲକ୍ଷ ପ୍ରଶଂସକ ଥିଲେ, କିନ୍ତୁ ସେ ହିନ୍ଦୁ-ବଙ୍ଗାଳୀ ପରିବାରର ବଲିଉଡ ଅଭିନେତ୍ରୀ ଶର୍ମିଳା ଟାଗୋରଙ୍କ ପ୍ରେମରେ ପଡିଥିଲେ। ମନସୁରଙ୍କ ସହ ଶର୍ମିଳାଙ୍କ ସାକ୍ଷାତ ପ୍ରଥମେ କୋଲକତାରେ ହୋଇଥିଲା। ସେ ସମୟରେ ମନସୁର ଭାରତୀୟ କ୍ରିକେଟ ଜଗତର ଜଣେ ଟପ ଖେଳାଳି ଥିଲେ। ପ୍ରଥମ ଦେଖାରେ ସେମାନଙ୍କ ମଧ୍ୟରେ ପ୍ରେମ ହୋଇଯାଇଥିଲା। ପଟୌଦି ଶର୍ମିଳାଙ୍କୁ ଇମ୍ପ୍ରେସ କରିବାକୁ ଗିଫ୍ଟରେ ତାଙ୍କୁ ଫ୍ରିଜ ଦେଇଥିଲେ। କାରଣ ସେତେବେଳେ ସବୁଠୁ ଦାମିକିଆ ଜିନିଷ ମଧ୍ୟରେ ଫ୍ରିଜ ଥିଲା ଅନ୍ୟତମ। ତେବେ ଶର୍ମିଳା ଏତେ ଜଲଦି ହଁ କହି ନ ଥିଲେ। ସେ କହିଥିଲେ ଯଦି ପଟୌଦି ଲଗାତାର ତିନୋଟି ଛକା ମାରି ଭାରତକୁ ଜିତେଇବେ। ତେବେ ବିବାହ କରିବାକୁ ହଁ କହିବେ। ପ୍ରେମରେ ପାଗଳ ହୋଇ ଥିବା ପଟୌଦି ନିଜ ପ୍ରେମ ପାଇଁ ତିନୋଟି ଛକା ମାରି ଶର୍ମିଳାଙ୍କ ହୃଦୟ ଜିତିଥିଲେ। ପରେ ୧୯୬୯ ମସିହାରେ ଦୁହେଁ ବିବାହ କରିଥିଲେ।
