ମୁମ୍ବାଇ: ବଲିଉଡ୍ ଗାୟିକା କନିକା କପୁର କିଛିଦିନ ତଳେ କରୋନାରେ ଆକ୍ରାନ୍ତ ହୋଇ ଚିକିତ୍ସିତ ହେଉଥିବା ଖବର ଶୁଣିବାକୁ ମିଳିଥିଲା। ସେ ଲଣ୍ଡନରୁ ଫେରି ଏହି ରୋଗରେ ଆକ୍ରାନ୍ତ ହୋଇଥିବା ଜଣାପଡ଼ିଥିଲା। ଏକଥା ନିଜେ କନିକା ଟ୍ବିଟ୍ କରି ଫ୍ୟାନ୍ମାନଙ୍କୁ ଜଣାଇଥିଲେ। ଏବେ କନିକାଙ୍କୁ ନେଇ ପୁଣି ଚର୍ଚ୍ଚା ହେଉଛି। କାରଣ କନିକା ନିଜ ଇନ୍ଷ୍ଟାଗ୍ରାମରେ ପୋଷ୍ଟ କରିଥିବା ଫଟୋଟିକୁ ଡିଲିଟ୍ କରିଦେଇଛନ୍ତି। ଯେଉଁଥିରେ ସେ କରୋନା ପଜିଟିଭ୍ ସମ୍ପର୍କିତ ଖବର ଫ୍ୟାନ୍ମାନଙ୍କୁ ସୂଚନା ଦେଇଥିଲେ। ସେ ଏଥିରେ ଲେଖିଥିଲେ, ତାଙ୍କଠାରେ ଫ୍ଲୁ’ର ଲକ୍ଷଣ ଦେଖାଦେଇଥିଲା। ଏହାର ପରକ୍ଷା କରିବାରୁ ଜଣାପଡ଼ିଥିଲା ସେ କରୋନା ଭାଇରସ୍ରେ ଆକ୍ରାନ୍ତ ହୋଇଛନ୍ତି। ବର୍ତ୍ତମାନ ମୁଁ ଠିକ୍ ଅଛି। ବ୍ୟସ୍ତ ହେଲେ ପରିସ୍ଥିତି ଆହୁରି ବିଗିଡ଼ିଯିବ ବୋଲି ଲେଖିଥିଲେ। କିନ୍ତୁ କନିକା ଏହି ଫଟୋଟିକୁ ଏବେ ଇନ୍ଷ୍ଟାଗ୍ରାମରୁ ହଟାଇ ଦେଇଛନ୍ତି। ତେବେ ସେ କାହିଁକି ଏମିତି କଲେ ସେ ସମ୍ପର୍କରେ କୌଣସି ସୂଚନା ଏପର୍ଯ୍ୟନ୍ତ ମିଳିନାହିଁ।
