ମୁମ୍ବାଇ,୨୯ା୪: ବଲିଉଡ୍ ଅଭିନେତା ଇର୍ଫାନ୍ ଖାନ୍ ଅସୁସ୍ଥ ହୋଇପଡ଼ିବା ପରେ ତାଙ୍କୁ ମଙ୍ଗଳବାର ମୁମ୍ବାଇର କୋକିଳାବେନ୍ ଧୀରୁଭାଇ ଅମ୍ବାନୀ ହସ୍ପିଟାଲ ଆଇସିୟୁରେ ଭର୍ତ୍ତି କରାଯାଇଛି। ପେଟ ଓ ମଳାଶୟ ସଂକ୍ରମଣ ଯୋଗୁ ସେ ହଠାତ୍ ଅସୁସ୍ଥ ହୋଇପଡ଼ିଥିବା ଜଣାପଡ଼ିଛି। ଏବେ ଡାକ୍ତରମାନେ ତାଙ୍କୁ ନିରୀକ୍ଷଣ କରୁଛନ୍ତି। ପ୍ରକାଶଥାଉ କି, ପୂର୍ବରୁ ସେ ନ୍ୟୁରୋଏଣ୍ଡୋକ୍ରାଇନ୍ ଟ୍ୟୁମର ଯୋଗୁ ବିଦେଶରେ ଚିକିତ୍ସିତ ହୋଇ ଫେରିଥିଲେ। ଗତ ଶନିବାର ସେ ତାଙ୍କ ମା’ ସଇଦା ବେଗମ୍(୯୫) ଙ୍କୁ ହରାଇଥିଲେ। ଏଠାରେ ସୂଚନାଯୋଗ୍ୟ ଯେ, ଇର୍ଫାନ୍ ଅଭିନୀତ ହିଟ୍ ଫିଲ୍ମ ‘ଅଙ୍ଗ୍ରେଜି ମିଡିୟମ୍’ କରୋନା ଆସିବା ପୂର୍ବରୁ ରିଲିଜ୍ ହୋଇସାରିଛି।
