ହାଇଦ୍ରାବାଦ୍,୧୯।୨: ତେଲେଙ୍ଗାନାର ଓ୍ବାଇଏସ୍ଆରଟିପି ମୁଖ୍ୟ ଓ୍ବାଏସ୍ ଶର୍ମିଲାଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ତାଙ୍କ ନାଁରେ ମହାବୁବାବାଦ ବିଧାୟକ ବନୋଠ ଶଙ୍କର ନାୟକଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇଥିବା ଅଭିଯୋଗ ହୋଇଛି। ପୋଲିସର ସୂଚନାନୁସାରେ, ଓ୍ବାଇଏସ୍ ଶର୍ମିଳାଙ୍କ ବିରୋଧରେ ଧାରା ୫୦୪ ଅନୁଯାୟୀ ଏକ ମାମଲା ରୁଜୁ ହୋଇଛି ଏବଂ ତାଙ୍କୁ ହାଇଦ୍ରାବାଦ ନିଆଯାଇଛି।
ଏନେଇ ଶର୍ମିଲା ରବିବାର କହିଛନ୍ତି, ତେଲେଙ୍ଗାନା ହେଉଛି ଭାରତର ଆଫଗାନିସ୍ତାନ ଏବଂ ମୁଖ୍ୟମନ୍ତ୍ରୀ କେସିଆର ହେଉଛି ତାଲିବାନ। କେସିଆର ଜଣେ କ୍ରୁର ଶାସକ, ସେ ଜଣେ ଅତ୍ୟାଚାରୀ, ତେଲେଙ୍ଗାନାରେ କୌଣସି ଭାରତୀୟ ସମ୍ବିଧାନ ନାହିଁ, କେବଳ କେସିଆରଙ୍କ ସମ୍ବିଧାନ ସେଠାରେ ଚାଲିଛି।
ସୂଚନାଯୋଗ୍ୟ, ଓ୍ବାଏସ୍ ଶର୍ମିଲା ଏବଂ ତାଙ୍କ ସମର୍ଥକଙ୍କୁ ଟାର୍ଗେଟ୍ କରି ମହାବୁବାବାଦ ବିଧାୟକ ବାନୋଠ ସେମାନଙ୍କୁ ପ୍ରବାସୀ ବୋଲି କହିଥିଲେ। ଏହା ପରେ ଶର୍ମିଲା ପାଲଟା ଜବାବ୍ ଦେଇ ବନୋଠଙ୍କ ଉପରେ ବର୍ଷିଥିଲେ।
ପ୍ରଜା ପ୍ରସ୍ତାନମ୍ ପଦଯାତ୍ରା ସମୟରେ ଓ୍ବାଇଏସ୍ ଶର୍ମିଳା ବାନୋଠଙ୍କୁ ଚେତାବନୀ ଦେଇ କହିଛନ୍ତି, ଏହି ଲଜ୍ଜାହୀନ ବିଧାୟକ ଆମ ବିରୋଧରେ ଅପମାନଜନକ ଭାଷା ବ୍ୟବହାର କରିବାକୁ କିପରି ସାହସ କଲେ? ଏହା ତାଙ୍କର ଭୁଲ ଏବଂ ଏହି ନିର୍ବାଚନମଣ୍ଡଳୀର ଲୋକଙ୍କ ପାଇଁ ଉତ୍ତମ ଶାସନ ସୁନିଶ୍ଚିତ କରିବାରେ ବିଫଳତା ଉପରେ ପ୍ରଶ୍ନ କରେ। ଶର୍ମିଳା ମଧ୍ୟ ଏଠାରେ ଅଟକି ଯାଇ କହିଥିଲେ, ତୁମର ସ୍ତ୍ରୀ ନେଲୋରରୁ ଆସିଛନ୍ତି। ମୁଁ ତୁମକୁ ଚ୍ୟାଲେଞ୍ଜ କରୁଛି, ଯଦି ତୁମେ ତେଲେଙ୍ଗାନାକୁ ଭଲ ପାଅନ୍, ତେବେ ତାଙ୍କଠାରୁ ଅଲଗା ହୋଇଯାଅ।
