ନୂଆଦିଲ୍ଲୀ,୬।୧୦: ଲୋକପ୍ରିୟ ୟୁଟ୍ୟୁବର ତଥା ଭାରତୀୟ ମୂଳ ଧ୍ରୁଭ ରାଠୀ ଟାଇମ ମାଗାଜିନର ଉଦୀୟମାନ(ଏମରଜିଂ) ଲିଡର୍ସ ୨୦୨୩ ତାଲିକାରେ ଅନ୍ତର୍ଭୁକ୍ତ ହୋଇଛନ୍ତି। ତାଙ୍କର ଫ୍ୟାକ୍ଟ ଚେକିଂ ଓ ଶିକ୍ଷଣୀୟ କଣ୍ଟେଣ୍ଟ ପାଇଁ ସେ ଏହି ସମ୍ମାନର ଅଧିକାରୀ ହୋଇଛନ୍ତି। ଧ୍ରୁଭ ସୋସିଆଲ ମିଡିଆ ଐକ୍ସରେ ଟ୍ବିଟ୍ କରି ଏହି ସୂଚନା ଦେଇଛନ୍ତି। ସେ କହିଛନ୍ତି, ‘ଏହି ସମ୍ମାନଜନକ ତାଲିକାରେ ଅନ୍ତର୍ଭୁକ୍ତ ହୋବା ସହ ଭାରତକୁ ଅନ୍ତର୍ଜାତୀୟ ସ୍ତରରେ ପ୍ରତିନିଧିତ୍ୱ କରି ଗର୍ବିତ ଅନୁଭବ କରୁଛି। ଧନ୍ୟବାଦ’।
ଧ୍ରୁଭ ରାଠୀ ହେଉଛନ୍ତି ଲେକପ୍ରିୟ ୟୁଟ୍ୟୁବର। ଇନଷ୍ଟାଗ୍ରାମରେ ତାଙ୍କର ଦେଢ ଼ ଲକ୍ଷରୁ ଅଧିକ ଫଲୋର୍ସ ଅଛନ୍ତି। ୟୁଟ୍ୟୁବରେ ତାଙ୍କର ୧୧.୮ନିୟୁତ ସବର୍ସ୍କାଇବର ଅଛନ୍ତି। ଧ୍ରୁବଙ୍କ ଘର ଭାରତର ହରିୟାଣାରେ। ସେ ଜର୍ମାନୀରୁ ଇଞ୍ଜିନିୟରିଂ କରିଛନ୍ତି। ଏହା ପରେ ସେ ମାଷ୍ଟର୍ସ କରିଛନ୍ତି। ଧ୍ରୁଭ ତାଙ୍କ ୟୁଟ୍ୟୁବରେ ସାମ୍ପ୍ରତିକ ପ୍ରସଙ୍ଗ, ସାମାଜିକ ପ୍ରସଙ୍ଗ, ରାଜନୀତି, ବିଜ୍ଞାନ, ବ୍ୟକ୍ତିଗତ ବ୍ଲଗ ସହିତ ଅନେକ ଭିଡିଓ ପୋଷ୍ଟ କରିଛନ୍ତି। ଧ୍ରୁଭ ୮ ବର୍ଷ ବୟସରେ ତାଙ୍କର ପ୍ରଥମ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଥିଲେ।
ନିକଟରେ ଟାଇମ ମାଗାଜିନ ‘୨୦୨୩ ଟାଇମ ୧୦୦ ନେକ୍ସଟ ଏମରଜିଂ ଲିଡର୍ସ ସେପିଂ ଦି ଓ୍ବାଲର୍ଡ’ ତାଲିକାରେ ୩ଭାରତୀୟ ସାମିଲ ଅଛନ୍ତି। ଯେଉଁଥିରେ ଭାରତୀୟ ମହିଳା କ୍ରିକେଟ ଦଳର ଅଧିନାୟକ ହରମନପ୍ରୀତ କୌର, ନନ୍ଦିତା ଭେଙ୍କଟେସନ ଏବଂ ଭିନୋ ଡାନିଏଲ ଅନ୍ତର୍ଭୁକ୍ତ। ଏହା ବ୍ୟତୀତ ଭାରତୀୟ ମୂଳ ନାଭାରୁନ ଦାସଗୁପ୍ତା ମଧ୍ୟ ସ୍ଥାନ ପାଇଛନ୍ତି।
