ନୂଆଦିଲ୍ଲୀ,୮।୩: କମ୍ପାନୀ YouTubeର ନୀତି ଉଲ୍ଲଂଘନ କରୁଥିବା ଭିଡିଓ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି। କମ୍ପାନୀ ତା’ର ରିପୋର୍ଟରେ କହିଛି ଯେ ଗତ ବର୍ଷ ଅକ୍ଟୋବରରୁ ଡିସେମ୍ବର ମଧ୍ୟରେ, YouTubeର ସମ୍ପ୍ରଦାୟ ନିର୍ଦ୍ଦେଶାବଳୀ ଉଲ୍ଲଂଘନ କରୁଥିବା ୨୯ ଲକ୍ଷ ଭିଡିଓ ପ୍ଲାଟଫର୍ମରୁ ହଟାଇ ଦିଆଯାଇଛି। ଏହା ବିଶ୍ୱର କୌଣସି ଦେଶରେ ହଟାଇବା ଭିଡିଓର ସର୍ବାଧିକ ସଂଖ୍ୟକ।
ଅକ୍ଟୋବରରୁ ଡିସେମ୍ବର ପର୍ଯ୍ୟନ୍ତ, ପୂର୍ବ ତ୍ରୈମାସିକ ତୁଳନାରେ ୩୨ ପ୍ରତିଶତ ଅଧିକ ଭିଡିଓ ଡିଲିଟ କରାଯାଇଛି। ଜଣାଇ ଦେଉଛୁ ଯେ ୨୦୨୦ ପରଠାରୁ, YouTube ଭାରତରେ ଏହାର ପ୍ଲାଟଫର୍ମରୁ ସର୍ବାଧିକ ସଂଖ୍ୟକ ଭିଡିଓ ଡିଲିଟ କରୁଛି। ଭାରତ ପରେ, ବ୍ରାଜିଲ ପରବର୍ତ୍ତୀ ସ୍ଥାନରେ ଅଛି। YouTube କହିଛି ଯେ ଏହାର ସ୍ବୟଂଚାଳିତ ବିଷୟବସ୍ତୁ ମଡରେଶନ ଟୁଲ୍ସ ଏହାର ନିୟମ ଉଲ୍ଲଂଘନ କରୁଥିବା ଭିଡିଓଗୁଡ଼ିକୁ ଚିହ୍ନଟ କରେ। ଏହି ଟୁଲ ନିୟମ ଉଲ୍ଲଂଘନ କରୁଥିବା ୯୯.୭ ପ୍ରତିଶତ ଭିଡିଓକୁ ଫ୍ଲାଗ କରିଥିଲା।
ଭାରତ ସହିତ YouTube ବିଶ୍ୱର ଅନ୍ୟ ଦେଶରୁ ନିୟମ ଉଲ୍ଲଂଘନ କରୁଥିବା ଭିଡିଓଗୁଡ଼ିକୁ ତା’ର ପ୍ଲାଟଫର୍ମରୁ ହଟାଇ ଦେଇଛି। ଏଥିମଧ୍ୟରୁ ୮୧.୭ ପ୍ରତିଶତ ଭିଡିଓ ସ୍କାମ, ଭ୍ରାମକ ବୋଲି ହଟାଇ ଦିଆଯାଇଛି। ସେହିପରି ୬.୬ ପ୍ରତିଶତ ଭିଡିଓ ଉତ୍ପୀଡନ, ଶିଶୁ ସୁରକ୍ଷା ପାଇଁ ୫.୯ ପ୍ରତିଶତ ଏବଂ ହିଂସା ଯୋଗୁ ୩.୭ ପ୍ରତିଶତ ଭିଡିଓ ଅପସାରିତ ହୋଇଛି। ଏହି ଭିଡିଓଗୁଡ଼ିକୁ ହଟାଇବା ସହିତ, କମ୍ପାନୀ ଅକ୍ଟୋବରରୁ ଡିସେମ୍ବର ମଧ୍ୟରେ ପ୍ରାୟ ୪୮ ଲକ୍ଷ ଚ୍ୟାନେଲକୁ ବନ୍ଦ କରିଦେଇଛି। ଏହା ବ୍ୟତୀତ ନୀତି ଉଲ୍ଲଂଘନ କରୁଥିବା ୧୩୦ କୋଟି ମନ୍ତବ୍ୟ ମଧ୍ୟ ଡିଲିଟ କରାଯାଇଛି।
ନିକଟରେ ୟୁଟ୍ୟୁବ ମାଲିକାନା କମ୍ପାନୀ ଗୁଗଲ ତାର ନୀତି ପରିବର୍ତ୍ତନ କରିଛି। ଏବେ କମ୍ପାନୀ ଅନଲାଇନ ଜୁଆ ସାଇଟ ଏବଂ ଆପ୍ସକୁ ପ୍ରୋତ୍ସାହିତ କରୁଥିବା କ୍ରିଏଟରଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ। ଏପରି କ୍ରିଏଟରଙ୍କ ଚ୍ୟାନେଲଗୁଡ଼ିକୁ ମଧ୍ୟ ବନ୍ଦ କରାଯାଇପାରେ।
