ଆଜିକାଲି ଜୋନାଥନ ମା ନାମକ ଜଣେ ୟୁଟ୍ୟୁବର୍ ବହୁତ ଚର୍ଚ୍ଚାରେ ଅଛନ୍ତି। ୟୁଟ୍ୟୁବରେ ତାଙ୍କର ଜୋମା ଟେକ ନାମକ ଏକ ଚ୍ୟାନେଲ ଅଛି। ଏହା ଜରିଆରେ ମାତ୍ର ୪୨ ସେକେଣ୍ଡରେ ୧ କୋଟି ୭୫ ଲକ୍ଷ ଟଙ୍କା ରୋଜଗାର କରିଛନ୍ତି। ତେବେ ଟ୍ୟାକ୍ସ କଟି ଜୋନାଥନଙ୍କ ହାତକୁ ମାତ୍ର ୧ କୋଟି ୪୦ ଲକ୍ଷ ଟଙ୍କା ଆସିଛି।
ଜୋନାଥନ ତାଙ୍କର ଏନ୍ଏଫ୍ଟି(Nonfungible-token)କଲେକ୍ସନ ରିଲିଜ କରିଛନ୍ତି, ଯାହାଫଳରେ ସେ ଜଣେ ଫିଲ୍ମ ନିର୍ମାତା ହୋଇପାରିବେ। ସେ ଏନ୍ଏଫ୍ଟି ସଂଗ୍ରହ ପାଇଁ ଏକ ଡିସକୋର୍ଡ ସର୍ଭର ନିର୍ମାଣ କରିଥିଲେ। ଏହା ଏପରି ଏକ ସର୍ଭର, ଯେଉଁଠାରେ କେବଳ ସମାନ ସର୍ଭର ଥିବା ଲୋକମାନେ ସେମାନଙ୍କର ଏନ୍ଏଫ୍ଟି ସଂଗ୍ରହକୁ ଦେଖିପାରିବେ। ଯାହା ପାଖରେ ଯୋନାଥନଙ୍କ ଏନ୍ଏଫ୍ଟି ଅଛି, ସେ ଏହାକୁ ପ୍ରାଇଭେଟ ଡିସକୋର୍ଡ (ପ୍ରାଇଭେଟ ସର୍ଭର)ରେ ଦେଖିପାରିବେ।
ଫୁଲ ଟାଇମ ୟୁଟ୍ୟୁବର୍ ହେବା ପୂର୍ବରୁ ଜୋନାଥନ ମା ଫେସବୁକ ଏବଂ ଗୁଗୁଲରେ ଏକ ସଫ୍ଟୱେୟାର୍ ଇଞ୍ଜିନିୟର ଥିଲେ। ଏବେ ସେ ୟୁଟ୍ୟୁବରେ କମ୍ପ୍ୟୁଟର ପ୍ରୋଗ୍ରାମିଂ, କ୍ରିପ୍ଟୋ ଏବଂ ଟେକ୍ନୋଲୋଜି ସହିତ ଜଡିତ ଭିଡିଓ ପ୍ରସ୍ତୁତ କରନ୍ତି। ୟୁଟ୍ୟୁବରେ ତାଙ୍କର ୧୬ ଲକ୍ଷରୁ ଅଧିକ ସବ୍ସ୍ରାଇବର୍ ଅଛନ୍ତି। ତାଙ୍କର ଏକମାତ୍ର ଲକ୍ଷ୍ୟ ହେଉଛି ଫିଲ୍ମ ନିର୍ଦ୍ଦେଶକ ହେବା। ସେ ଏନ୍ଏଫ୍ଟି ଲଞ୍ଚ କରିବାର ଏହା ହେଉଛି ଏକ କାରଣ। ଏହାଦ୍ୱାରା ସେ ନିଜ ସ୍ବପ୍ନକୁ ପୂରଣ କରିପାରିବେ। ଅନ୍ୟମାନଙ୍କ ପରି, ଜୋନାଥନ ମଧ୍ୟ କ୍ରିପ୍ଟୋକରେନ୍ସି ପାଇଁ ଆଗ୍ରହୀ । ଗତ ବର୍ଷ ୧୮ ହଜାର କୋଟିରୁ ଅଧିକ ଏନ୍ଏଫ୍ଟି ବିକ୍ରି ହୋଇଛି।
ଜୋନାଥନ ମା ଚଳିତ ମାସ ଆରମ୍ଭରେ ତାଙ୍କର କଲେକ୍ସନ୍ ‘ଭ୍ୟାକ୍ସେଡ ଡଗ୍ଗୋସ’ (Vaxxed Doggos) ରିଲିଜ କରିଥିଲେ। ଏଥିରୁ ସେ ମାତ୍ର ୪୨ ସେକେଣ୍ଡରେ ୧ କୋଟି ୭୫ ଲକ୍ଷ ଟଙ୍କା ରୋଜଗାର କରିଛନ୍ତି।
ଏନ୍ଏଫ୍ଟି କ’ଣ
ଏନ୍ଏଫ୍ଟି ଅର୍ଥାତ୍ ଅଣ-ଫଙ୍ଗିବଲ ଟୋକେନ ହେଉଛି ଏକ ଡିଜିଟାଲ ଆଇଟମ, ଯାହା ବ୍ଲକ ଚେନ ଟେକ୍ନୋଲୋଜି (Blockchain Technology) ବ୍ୟବହାର କରି କିଣାଯାଏ ଏବଂ ବିକ୍ରି ମଧ୍ୟ କରାଯାଏ। କ୍ରିପ୍ଟୋକରେନ୍ସି ଏବଂ ଏନ୍ଏଫ୍ଟି ସ୍ପେଶାଲାଇଜ୍ଡ ପ୍ଲାଟଫର୍ମରେ କିଣାଯାଇ ବିକ୍ରି ହୁଏ।
