ତୁମେ, ମୁଁ ଆଉ ମୋବାଇଲ୍‌ ଫୋନ୍‌

ବର୍ତ୍ତମାନ ଅନେକଙ୍କଠାରେ ମୋବାଇଲ୍‌ ଫୋନ୍‌ କ୍ରେଜ୍‌ ଏତେ ଅଧିକ ଯେ, ପରିବାର ସଦସ୍ୟ ଏକାଠି ଥିଲେ ସୁଦ୍ଧା କାହାକୁ କାହା ପାଇଁ ଯେମିତି ସମୟ ଅଣ୍ଟୁନି। ବିଶେଷ କରି ପରସ୍ପରକୁ ଯଥେଷ୍ଟ ସମୟ ଦେବା ଏବଂ ସୁଖ ଦୁଃଖରେ ସମଭାଗୀ ହେବା ଭଳି ଉତ୍ତମ ଦାମ୍ପତ୍ୟ ଜୀବନର ନିୟମ ବି ଏହି ଆଳରେ ବଦଳି ଗଲାଣି। ଆଉ ଏହା ହିଁ ଅନେକ ଦମ୍ପତିଙ୍କ ମଧ୍ୟରେ ମନାନ୍ତର, ମତାନ୍ତର ସହ କେବେ କେବେ ବିଚ୍ଛେଦର ବି ସାଜୁଛି କାରଣ…

ବର୍ତ୍ତମାନ ମୋବାଇଲ୍‌ ଫୋନ୍‌ର ବ୍ୟବହାର କେବଳ କଥାବାର୍ତ୍ତାରେ ସୀମିତ ନାହିଁ। ଦେଶ ବିଦେଶର ଖବର ଜାଣିବାଠାରୁ ଆରମ୍ଭ କରି ବ୍ୟାଙ୍କିଙ୍ଗ୍‌, ଶପିଂ ପାଠ ପଢ଼ା, ୟୁଟ୍ୟୁବ୍‌ରୁ ଅନେକ ଜିନିଷ ଶିଖିବା, ସୋସିଆଲ୍‌ ସାଇଟ୍‌ରେ ସଭିଙ୍କ ସହ ଯୋଗାଯୋଗରେ ରହିବା ପର୍ଯ୍ୟନ୍ତ ପ୍ରାୟ ଅଧିକାଂଶ କାମ ଏଥିରେ ଖୁବ୍‌ ସହଜରେ ହୋଇପାରୁଛି। ହେଲେ ମୋବାଇଲ୍‌ ଫୋନ୍‌ର ଅତ୍ୟଧିକ ବ୍ୟବହାର ଯୋଗୁ ଦମ୍ପତି ପରସ୍ପରକୁ ସମୟ ଦେବା ବଦଳରେ ଏହାକୁ ବ୍ୟବହାର କରିବାରେ ଅଧିକ ସମୟ ଅତିବାହିତ କରୁଛନ୍ତି; ଯାହା କି କେବେ କେବେ ଅଜାଣତରେ ବୈବାହିକ ସମ୍ପର୍କରେ ଦୂରତା ବଢ଼ାଇବାର କାରଣ ସାଜୁଛି….
ମନାନ୍ତର, ମତାନ୍ତର ବଢୁଛି
ମୋବାଇଲ୍‌ ଫୋନ୍‌ ବ୍ୟବହାର କରିବା ଅନେକଙ୍କ ଲାଗି ବର୍ତ୍ତମାନ ଏକ ନିଶାରେ ପରିଣତ ହୋଇସାରିଛି। ପ୍ରତିକ୍ଷଣ ମୋବାଇଲ୍‌ରେ କିଛି ନା କଛି ବ୍ୟବହାର ମିଳିଯାଉଛି। ଯେଉଁଥିଲାଗି ବେଡ୍‌ରୁମ୍‌ଠାରୁ ବାଥ୍‌ରୁମ୍‌ ପର୍ଯ୍ୟନ୍ତ ସବୁ ସମୟରେ ହାତରୁ ଅଲଗା ହେଉନାହିଁ ମୋବାଇଲ୍‌। ତେଣୁ ଏକାଠି ଥାଇ ସୁଦ୍ଧା ଜୀବନସାଥୀ ସହ ବିତାଇବାକୁ ସମୟ ଅଣ୍ଟୁନି। ଆଉ ଏହି କାରଣରୁ ଅନେକ ସମୟରେ ଉଭୟଙ୍କ ମନାନ୍ତର, ମତାନ୍ତର ଏବଂ କଳହ ସୃଷ୍ଟି ହେଉଛି। ତେଣୁ ସୋସିଆଲ୍‌ ସାଇଟ୍‌ ନିଶା ବର୍ତ୍ତମାନ ସୁଖମୟ ଦାମ୍ପତ୍ୟ ଜୀବନର ଶତ୍ରୁ ସାଜି ଆବିର୍ଭାବ ହୋଇଛି।
ବଢ଼ାଉଛି ଦ୍ୱନ୍ଦ୍ୱ: ବର୍ତ୍ତମାନ ସମୟରେ ଅଧିକାଂଶ ବିଶେଷ କରି ମହିଳାମାନେ ଫୋନ୍‌ରେ ବିଶେଷ କରି ସୋସିଆଲ୍‌ ନେଟ୍‌ଓ୍ବର୍କିଂ ସାଇଟ୍‌ରେ ସର୍ବଦା ଅପ୍‌ଡେଟ୍‌ ରହୁଛନ୍ତି। ନୂଆ ପୋଷ୍ଟ କରିବା, ଚାଟିଂ କରିବା, ଅଧିକ ଲାଇକ୍‌ କମେଣ୍ଟସ୍‌ ପାଇବା ଲାଗି ଏଥିରେ ଘଣ୍ଟା ଘଣ୍ଟା ଧରି ସମୟ ବିତାଉଥିବାର ଦେଖିବାକୁ ମିଳୁଛି। ଯାହାଫଳରେ କର୍ମମୟ ଜୀବନରୁ ମିଳୁଥିବା ଅବସର ସମୟ ପରିବାରକୁ ଦେବା ପରିବର୍ତ୍ତେ ଏଥିରେ ଚାଲିଯାଉଛି। ଆଉ ଏଥିରେ ସ୍ବାମୀଙ୍କ ପ୍ରତିବାଦକୁ ସେମାନେ ନ ସହିପାରି ଯୁକ୍ତି ତର୍କ ଏବଂ ଦାମ୍ପତ୍ୟ ଜୀବନରେ ଦ୍ୱନ୍ଦ୍ୱର କାରଣ ସାଜୁଛି।
ସାଜୁଛିି ସନ୍ଦେହର କାରଣ
ପତ୍ନୀପତିଙ୍କ ସମ୍ପର୍କକୁ ଯୋଡି ରଖିବା ଲାଗି ସବୁଠୁ ଅଧିକ ଆବଶ୍ୟକ ବିଶ୍ୱାସ। ହେଲେ ଏବେ ମୋବାଇଲ୍‌ ଫୋନ୍‌ର ଦୀର୍ଘ ସମୟ ବ୍ୟବହାର ଏହି ବିଶ୍ୱାସକୁ ସନ୍ଦେହରେ ରୁପାନ୍ତରିତ କରିବାରେ ବଳିଷ୍ଠ ଭୂମିକା ଗ୍ରହଣ କରିଛି। ବିଶେଷ କରି ଫେସ୍‌ବୁକ୍‌, ହ୍ବାଟ୍ସ ଆପ୍‌ ଭଳି ସାଇଟ୍‌ଗୁଡ଼ିକରେ ଦୀର୍ଘ ସମୟ ଚାଟ୍‌ କରିବା, ହାତରୁ କ୍ଷଣେ ହେଁ ମୋବାଇଲ୍‌ ଅଲଗା ନ କରିବା, ଘରେ ମଧ୍ୟ ମୋବାଇଲ୍‌କୁ ପାସଓ୍ବାର୍ଡ ପ୍ରୋଟେକ୍ଟେଡ୍‌ କରି ରଖିବା ଏବଂ ସର୍ବୋପରି ଏସବୁ ଲାଗି ଜୀବନସାଥିଙ୍କୁ ସମୟ କମ ଦେବା ଆଦି କାରଣ ଅନେକଙ୍କ ମନରେ ସନ୍ଦେହ ଉପୁଯାଉଛି। ଫଳରେ ପରସ୍ପର ମଧ୍ୟରେ ଅଶାନ୍ତି ସୃଷ୍ଟି ହେଉଛି।
ବଢ଼ାଉଛି ଈର୍ଷା : ସୋସିଆଲ୍‌ ସାଇଟ୍‌ ଗୁଡ଼ିକରେ ପତ୍ନୀପତିଙ୍କ ଏକାଠି ଫଟୋ ଦେବାକୁ କେତେଜଣ ପସନ୍ଦ କରୁଥିବା ବେଳେ ଆଉ କେତେଜଣ କେବଳ ନିଜର ଭଳିକି ଭଳି ପୋଜ୍‌ ଏବଂ ଗେଟ୍‌ଅପ୍‌ରେ ଫଟୋ, ଭିଡିଓ ଆଦି ଅପ୍‌ଲୋଡ୍‌ କରିଥାନ୍ତି। ଆମେରିକାରେ ହୋଇଥିବା ଏକ ସର୍ଭେ ରିପୋର୍ଟ ମୁତାବକ କେବଳ ନିଜର ଫଟୋ ଦେଉଥିବା ଅନେକଙ୍କ ଜୀବନସାଥୀଙ୍କ ମନରେ ନା କେବଳ ସନ୍ଦେହ ଉପୁଜିଥାଏ ବରଂ ସେମାନେ ଏଥିରେ ଆସୁଥିବା କମେଣ୍ଟ କିମ୍ବା ଜୀବନସାଥୀ ଅନ୍ୟମାନଙ୍କ ଫଟୋରେ ଦେଉଥିବା ପ୍ରଶଂସାମୂଳକ କମେଣ୍ଟରେ ଈର୍ଷା ପରାୟଣ ହୋଇଥାନ୍ତି। ଏହା ମଧ୍ୟ କେତେକାଂଶରେ ଝଗଡ଼ାର କାରଣ ସାଜିଥାଏ।
ହେଉଛି ବିବାହ ବିଚ୍ଛେଦ
ନିଜ ବୈବାହିକ ଜୀବନ ସୁଖମୟ କରିବାକୁ କିଏ ବା ନ ଚାହେଁ। ଆଉ ଏଥିପାଇଁ ଜୀବନସାଥୀ ପ୍ରତି ସ୍ନେହ, ଶ୍ରଦ୍ଧା, ସମ୍ମାନ ରହିବା ଯେତିକି ଆବଶ୍ୟକ ପରସ୍ପରକୁ ଯଥେଷ୍ଟ ସମୟ ଦେବା ମଧ୍ୟ ସେତିକି ଜରୁରୀ। ହେଲେ ବର୍ତ୍ତମାନ ଦୁହିଁଙ୍କ ଏହି ସୁଖ ସମୟରେ ଭାଗ ବସେଇବାରେ ଲାଗିଛି ବିଭିନ୍ନ ମୋବାଇଲ୍‌ ଫୋନ୍‌ ଆଉ ସୃଷ୍ଟି କରୁଛି ଅନେକ ଦାମ୍ପତ୍ୟ ଜୀବନରେ ଅଶାନ୍ତି ଏବଂ କେବେ କେବେ ସାଜୁଛି ବିଚ୍ଛେଦର କାରଣ। ବିଶେଷ କରି ଫେସ୍‌ବୁକ୍‌ର ବହୁଳ ବ୍ୟବହାର ଯୋଗୁ ଅଧିକ ବିବାହ ବିଚ୍ଛେଦ ହେଉଥିବାର ଦେଖିବାକୁ ମିଳୁଛି ବୋଲି ଆମେରିକାନ ଏକାଡେମୀ ଅଫ୍‌ ମାଟ୍ରିମୋନିଆଲ ଲୟର୍ସ ପକ୍ଷରୁ ହୋଇଥିବା ଏକ ସର୍ଭେରୁ ଜଣାପଡ଼ିଛି। ବିବାହ ପରେ ମ୍ୟାରେଟାଲ ଷ୍ଟାଟସ୍‌ରେ ଅନ୍‌ମ୍ୟାରେଡ୍‌ ଲେଖିବା, ପରସ୍ପରଠାରୁ ପାସ୍‌ଓ୍ବାର୍ଡ ଗୋପନ ରଖିବା, ଜୀବନସାଥୀଙ୍କୁ ସମୟ ଦେବା ପରିବର୍ତ୍ତେ ଅଧିକ ସମୟ ଚାଟିଂ କରିବା ଆଦି ଭଳି ବିଭିନ୍ନ କାରଣରୁ ସନ୍ଦେହ ଏବଂ ପରିଶେଷରେ ବିଚ୍ଛେଦ ହେଉଥିବା ଜଣାପଡିଛି। ତେବେ ପ୍ରତି ୭ଟି ବିଚ୍ଛେଦ ମଧ୍ୟରୁ ଗୋଟିଏ ଏହି କାରଣରୁ ହେଉଥିବା ଜଣାପଡ଼ିଛି।
ମନେ ରଖନ୍ତୁ… ଏକ ସୁଖମୟ ଦାମ୍ପତ୍ୟ ଜୀବନ ଚାହୁଁଥିଲେ ପରସ୍ପରକୁ ଏବଂ ପରିବାରକୁ ସମୟ ଦିଅନ୍ତୁ। ମୋବାଇଲ୍‌ ବ୍ୟବହାର କରିବା କୌଣସି ଖରାପ କାର୍ଯ୍ୟ ନୁହେଁ ହେଲେ ଏହାର ନିର୍ଦ୍ଧିଷ୍ଟ ସମୟ ସୀମା ରଖନ୍ତୁ। ଏହାକୁ ବ୍ୟବହାର କରିବା ଆଳରେ ଯେପରି ପରିବାରକୁ ଅବହେଳା ନ କରି ବସନ୍ତି ସେଥିପ୍ରତି ସର୍ବଦା ସଜାଗ ରୁହନ୍ତୁ। ପତିପତ୍ନୀ ଉଭୟ ନିଜର ଫୋନକୁ ସିକ୍ରେଟ୍‌ ପାସ୍‌ଓ୍ବାର୍ଡ ଦେଇ ରଖିବା କିମ୍ବା ପରସ୍ପରକୁ ଲୁଚେଇବା ଭଳି ଭୁଲ ଆଦୌ କରନ୍ତୁ ନାହିଁ। ଏକାଠି ସମୟ ବିତେଇବା ବେଳେ ଅତ୍ୟାବଶ୍ୟକ ନ ଥିଲେ ମୋବାଇଲ୍‌ଠୁ ଦୂରେଇ ରୁହନ୍ତୁ। ମୋବାଇଲ୍‌ ବ୍ୟବହାରକୁ ନେଇ ନିଜ ପାର୍ଟନର ମନରେ ସନ୍ଦେହ ଉପୁଯିବା ଭଳି କାର୍ଯ୍ୟ ଆଦୌ କରନ୍ତୁ ନାହିଁ।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

ନ୍ୟୁଜିଲାଣ୍ଡ ସିରିଜ ପୂର୍ବରୁ ଟିମ ଇଣ୍ଡିଆରେ ବଡ଼ ହଲଚଲ: ୧୦ ନୂଆ ଖେଳାଳିଙ୍କ ଏଣ୍ଟ୍ରି, ଦେଖନ୍ତୁ ପୂରା ତାଲିକା

ନୂଆଦିଲ୍ଲୀ,୧୬।୧୧: ଟି-୨୦ ଓ ଦିନିକିଆ ସିରିଜ ପରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳାଯିବ। ନଭେମ୍ବର ୧୯ ତାରିଖରୁ ଏହି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?