ଟୋକିଓ, ୧ା୮ (ଏପି)- ଚାଇନାର ଲିୟୁ ଜିଆଓଜୁନ୍ ସବୁଠାରୁ ବୟସ୍କ ଭାବେ ଅଲିମ୍ପିକ୍ସ ଭାରୋତ୍ତୋଳନରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ଶନିବାର ପୁରୁଷ ୮୧ କେ.ଜି. ଶ୍ରେଣୀରେ ସେ ସ୍ନାଚ୍ରେ ୧୭୦କେଜି, କ୍ଲିନ୍ ଆଣ୍ଡ୍ ଜର୍କରେ ୨୦୪କେଜି ଏବଂ ମୋଟ ୩୭୪ କେଜି ଉତ୍ତୋଳନ କରିଛନ୍ତି। ଦ୍ୱିତୀୟ ସ୍ଥାନ ଅଧିକାର କରିଥିବା ଡୋମିନିସିଆନ ରିପବ୍ଲିକର ଜ୨ାକାରିଆସ୍ ବୋନାଟଙ୍କଠାରୁ ୭ କେଜି ଏବଂ ବ୍ରୋଞ୍ଜ ଜିତିଥିବା ଆଣ୍ଟୋନିଓ ପିଜୋଲାଟୋଙ୍କଠାରୁ ସେ ୯ କେଜି ଅଧିକ ଉତ୍ତୋଳନ କରିଥିଲେ। ଲିୟୁ ୫ ବର୍ଷ ପୂର୍ବେ ୨୦୧୬ ରିଓ ଡି’ ଜେନିରୋ ଅଲିମ୍ପିକ୍ସରେ ରୌପ୍ୟ ଜିତିଥିଲେ। ସେ ଆହୁରି ମଧ୍ୟ ୨୦୧୨ରେ ସ୍ବର୍ଣ୍ଣ ଜିତିଥିଲେ। କିନ୍ତୁ ସେ ବର୍ତ୍ତମାନ ଅବସର କଥା ଚିନ୍ତା କରି ନ ଥିବା କହିଛନ୍ତି।
