Posted inଖେଳ

ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲ: ପ୍ଲେଇଂ କଣ୍ଡିଶନ ନେଇ ଆଇସିସି ନିଷ୍ପତ୍ତିକୁ ଭାରତର ଅପେକ୍ଷା

ନୂଆଦିଲ୍ଲୀ,୨୦।୫(ପି.ଟି.): ଜୁନ୍‌ ୧୮ରୁ ୨୨ ତାରିଖ ମଧ୍ୟରେ ଇଂଲଣ୍ଡର ସାଉଥାମ୍ପଟନଠାରେ ଆୟୋଜନ ହେବାକୁ ଯାଉଛି ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ପ୍ରଥମ ସଂସ୍କରଣର ଫାଇନାଲ ମ୍ୟାଚ। ଏହି ହାଇପ୍ରୋଫାଇଲ ମ୍ୟାଚ୍‌ରେ ଭାରତ ଓ ନ୍ୟୁଜିଲାଣ୍ଡ ପରସ୍ପରକୁ ଭେଟିବେ। ଏବେଠାରୁ ଏହି ମ୍ୟାଚ୍‌ ନେଇ ପ୍ରଶଂସକଙ୍କ ମଧ୍ୟରେ ଉତ୍କଣ୍ଠା ଦେଖାଦେଇଛି। ତେବେ ଯଦି ଏହି ନିର୍ଣ୍ଣାୟକ ଟେଷ୍ଟ ମ୍ୟାଚ୍‌ ଡ୍ର, ଟାଇ କିମ୍ବା ଓ୍ବାଶଆଉଟ ହୁଏ ତେବେ ଫଳାଫଳ କ’ଣ ହେବ ଓ କେଉଁ ଦଳକୁ ଚାମ୍ପିୟନ ଘୋଷିତ କରାଯିବ ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ପୁଣି ମ୍ୟାଚ୍‌ର ପ୍ଲେଇଂ କଣ୍ଡିଶନ ଅର୍ଥାତ୍‌ ମ୍ୟାଚ୍‌ ସହିତ ଜଡିତ ପରିସ୍ଥିତି ସମ୍ପର୍କିତ ନିୟମ ଓ ସର୍ତ୍ତ ନେଇ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) କି ନିଷ୍ପତ୍ତି ନେଉଛି ସେ ନେଇ ଭାରତ ଉତ୍ସୁକତାର ସହ ଅପେକ୍ଷା କରିଛି। ଆଗାମୀ କିଛିଦିନରେ ଆଇସିସି ପ୍ଲେଇଂ କଣ୍ଡିଶନ ନେଇ ବିବରଣୀ ପ୍ରଦାନ କରିବ ବୋଲି ଆଶା କରାଯାଉଛି।
ଏହା ଏକ ଦ୍ୱିପାକ୍ଷିକ ସିରିଜର ଟେଷ୍ଟ ମ୍ୟାଚ୍‌ ନୁହଁ। ଏହା ଏକ ନିର୍ଣ୍ଣାୟକ ଫାଇନାଲ ମ୍ୟାଚ୍‌। ତେଣୁ ପ୍ଲେଇଂ କଣ୍ଡିଶନ ନେଇ ଆମେ ଜାଣିବାକୁ ଚାହୁଁଛୁ ବୋଲି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ଜଣେ ବରିଷ୍ଠ ଅଧିକାରୀ କହିଛନ୍ତି। ଯଦି ଏହି ମ୍ୟାଚ୍‌ ଡ୍ର, ଟାଇ କିମ୍ବା ଓ୍ବାଶଆଉଟ ହୁଏ ତେବେ ଫଳାଫଳ କ’ଣ ହେବ ଓ କେଉଁ ଦଳ ଟାଇଟଲ ଜିତିବ ସେ ନେଇ ନିଷ୍ପତ୍ତି କ’ଣ ହେବ ବୋଲି ସେ ପ୍ରଶ୍ନ ପଚାରିଛନ୍ତି। ତେଣୁ ଖୁବ୍‌ଶୀଘ୍ର ଏ ସଂକ୍ରାନ୍ତରେ ଆଇସିସି ପ୍ଲେଇଂ କଣ୍ଡିଶନ ପ୍ରକାଶ କରିବ। ତେବେ କେଉଁ ଦିନ କରିବ ଆମେ କହିପାରିବୁ ନାହିଁ ବୋଲି ସେ କହିଛନ୍ତି।
ଜୁନ୍‌ ପ୍ରାରମ୍ଭରେ ଭାରତୀୟ କ୍ରିକେଟ ଦଳ ଲଣ୍ଡନରେ ପହଞ୍ଚିବା ପରେ ଯଥାଶୀଘ୍ର ସାଉଥାମ୍ପଟନ ଯାତ୍ରା କରିବ ଓ ଏଗେଆସ ବାଉଲ୍‌ରେ ଇଂଲଣ୍ଡ ଏବଂ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ଟେଷ୍ଟ ମ୍ୟାଚ୍‌ ଅବସରରେ କ୍ୱାରାଣ୍ଟାଇନ୍‌ରେ ରହିବ। ତେବେ ଏହି କ୍ୱାରାଣ୍ଟାଇନ ଅବଧି ହାର୍ଡ ହେବ କି ସଫ୍ଟ ହେବ ଆଇସିସି ଆଗାମୀ ଦିନରେ ସୂଚନା ଦେବ। ଏହା ଏକ ଆଇସିସି ଇଭେଣ୍ଟ ହୋଇଥିବାରୁ ଫାଇନାଲ ନୋଟିଫିକେଶନ ସେମାନଙ୍କଠାରୁ ଆସିବ ବୋଲି ଜଣାଯାଇଛି। ସଫ୍ଟ କ୍ୱାରାଣ୍ଟାଇନ୍‌ରେ ଭାରତୀୟ ଦଳ ଟ୍ରେନିଂ ନେବାର ସୁଯୋଗ ପାଇବ। କ୍ୱାରାଣ୍ଟାଇନର ଅବଧି ନେଇ ମଧ୍ୟ ଆଲୋଚନା ଜାରି ରହିଛି। ଜୁନ୍‌ ୨ରେ ମୁମ୍ବାଇରେ ରହୁଥିବା ଖେଳାଳିମାନେ ଲୋକାଲ ବାୟୋ ବବଲରେ ଯୋଗଦେବେ।
ମୟଙ୍କ ଅଗ୍ରଓ୍ବାଲ, ରବିଚନ୍ଦ୍ରନ ଅଶ୍ୱିନ, ବୋଲିଂ କୋଚ୍‌ ଭାରତ ଅରୁନ ବୁଧବାର ଚେନ୍ନାଇରୁ ଚାର୍ଟାର୍ଡ ଫ୍ଲାଇଟ୍‌ ଜରିଆରେ ମୁମ୍ବାଇରେ ଆସି ପହଞ୍ଚିଛନ୍ତି। ମହମ୍ମଦ ସିରାଜ, ପୁରୁଷ ଟିମ୍‌ କୋଚ୍‌ ଆର. ଶ୍ରୀଧର, ମହିଳା ଟେଷ୍ଟ ଓ ଦିନିକିଆ ଅଧିନାୟିକା ମିଥାଲି ରାଜ ମଧ୍ୟ ହାଇଦ୍ରାବାଦରୁ ଆସିଛନ୍ତି। ତେବେ ମୁମ୍ବାଇ, ପୁଣେ ଓ ପାଖାପାଖି ସ୍ଥାନରେ ରହୁଥିତ୍ବା ଖେଳାଳିମାନେ ମେ’ ୨୪ରେ ଟିମ୍‌ ବବଲରେ ଯୋଗ ଦେବେ। ଏମାନଙ୍କ ମଧ୍ୟରେ ରହିଛନ୍ତି ବିରାଟ କୋହଲି, ଅଜିଙ୍କ୍ୟ ରାହାନେ, ରୋହିତ ଶର୍ମା ଓ ମହିଳା ଦଳ ବ୍ୟାଟର ଜେମିମା ରୋଡ୍ରିଗ୍ବେଜ। ଆପେଣ୍ଡିସାଇଟିସ୍‌ ଅସ୍ତ୍ରୋପଚାର କରାଇଥିବା ଲୋକେଶ ରାହୁଲ ମଧ୍ୟ ୨୪ରେ ବବଲରେ ଯୋଗଦେବେ ବୋଲି ଆଶା କରାଯାଉଛି। ବିସିସିଆଇ ସବୁ ପୁରୁଷ ଓ ମହିଳା ଖେଳାଳିଙ୍କ ପାଇଁ ଚାର୍ଟାର୍ଡ ବିମାନ ଓ ଯାତ୍ରା ପାଇଁ ବ୍ୟବସ୍ଥା କରିଛି।
ଷ୍ଟାଣ୍ଡ ବାଇ ପେସର ପ୍ରସିଦ୍ଧ କ୍ରିଷ୍ଣା, ରିଜର୍ଭ ଉଇକେଟକିପର ରିଦ୍ଧିମାନ ଶାହା, ଅଭିଜ୍ଞ ସ୍ପିନର ଅମିତ ମିଶ୍ରା କୋଭିଡ୍‌-୧୯ରୁ ଆରୋଗ୍ୟ ଲାଭ କରିଛନ୍ତି। ତେଣୁ ଏହି ଦୁଇ ଖେଳାଳି ସାମାନ୍ୟ ବିଳମ୍ବରେ ଯୋଗଦେବେ ବୋଲି କୁହାଯାଇଛି। ଠିକ୍‌ ସମୟରେ କ୍ରିଷ୍ଣା ଫିଟ୍‌ ନ ହୋଇପାରିଲେ ପଞ୍ଜାବ ମିଡ୍‌ଲ ଅର୍ଡର ବ୍ୟାଟ୍ସମ୍ୟାନ ମନଦୀପ ସିଂଙ୍କୁ ଷ୍ଟାଣ୍ଡବାଇ ଭାବେ ଦଳରେ ନିଆଯାଇପାରେ। ମୁମ୍ବାଇର ସୂର୍ଯ୍ୟକୁମାର ଯାଦବଙ୍କୁ ଗସ୍ତରେ ସାମିଲ କରିବାକୁ ଚର୍ଚ୍ଚା ହେଉଥିଲେ ମଧ୍ୟ ସେ ନେଇ ସୂଚନା ଦିଆଯାଇନାହିଁ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ପ୍ରତିଭା ଚିହ୍ନଟରେ ସହାୟ ହେବ: ଦୂତୀ

ନୂଆଦିଲ୍ଲୀ, ୩୦।୧(ପି.ଟି.)- ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ଦେଶରେ ପ୍ରତିଭା ଚିହ୍ନଟରେ ବିଶେଷ ଭାବେ ସହାୟ ହେବ ଓ ଭବିଷ୍ୟତରେ ଉପାଦେୟତା ଦେଖିବାକୁ ମିଳିବ ବୋଲି...

ରିଙ୍କୁଙ୍କୁ ସସ୍‌ପେଣ୍ଡ କଲା ବିସିସିଆଇ

ନୂଆଦିଲ୍ଲୀ, ୩୦ା୫ (ପି.ଟି.)-ଉତ୍ତର ପ୍ରଦେଶର ବାମହାତୀ ଖେଳାଳି ରିଙ୍କୁ ସିଂଙ୍କୁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ୩ ମାସ ସସ୍‌ପେଣ୍ଡ କରିଛି। ସ୍ବୀକୃତି ପାଇ...

ଜୁନ୍‌ରେ ଟେନିସ୍‌କୁ ଫେରିବେ ମୁରେ

  ଲଣ୍ଡନ, ୩୦ା୫ (ଏଏଫ୍‌ପି)-ଇଞ୍ଜୁରି ସମସ୍ୟାରୁ ମୁକ୍ତି ପାଇଛନ୍ତି ବ୍ରିଟିଶ ଟେନିସ୍‌ ଖେଳାଳି ଆଣ୍ଡି ମୁରେ। ୟୁନାଇଟେଡ୍‌ କିଙ୍ଗଡମ୍‌ ନ୍ୟାଶନାଲ ହେଲ୍‌ଥ ସର୍ଭିସ ଚ୍ୟାରିଟି ପାଇଁ...

ଆୟର୍ଲାଣ୍ଡକୁ ହରାଇଲା ଭାରତୀୟ ମହିଳା ହକି ଦଳ

ଡବଲିନ,୨ା୬(ପିଟି)- ଗୋଟିଏ ଗୋଲରେ ପଛୁଆ ରହିବା ପରେ ମଧ୍ୟ ଭାରତୀୟ ମହିଳା ହକି ଦଳ ୨-୧ ଗୋଲରେ ଆୟର୍ଲାଣ୍ଡକୁ ଏଠାରେ ଚାଲିଥିବା ୨୧ ବର୍ଷରୁ କମ୍‌...

ବାଂଲାଦେଶ ନିୟନ୍ତ୍ରଣରେ ପ୍ରଥମ ଟେଷ୍ଟ

ଚଟୋଗ୍ରାମ,୬।୨(ଏପି): ମେହିଦୀ ହାସନ ମିରାଜଙ୍କ ଅଲରାଉଣ୍ଡ ପ୍ରଦର୍ଶନ ବଳରେ ବାଂଲାଦେଶ ଭ୍ରମଣକାରୀ ଓ୍ବେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟ ମ୍ୟାଚକୁ ନିୟନ୍ତ୍ରଣରେ ରଖିଛି। ପ୍ରଥମ ଇନିଂସରେ ୧୦୩...

ମକା ପୋଡ଼ିବା ପାଇଁ ବୃଦ୍ଧା ବ୍ୟବହାର କଲେ ସୋଲାର, ପୂର୍ବତନ କ୍ରିକେଟର କହିଲେ ଏମିତି

ପୂର୍ବତନ କ୍ରିକେଟର ଭିଭିଏସ୍‌ ଲକ୍ଷ୍ମଣ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଜଣେ ୭୫ ବର୍ଷୀୟା ବୃଦ୍ଧାଙ୍କ ଫଟୋ ଶେୟାର କରିଛନ୍ତି। ଯେଉଁଥିରେ ବୃଦ୍ଧା ଜଣକ ଏମିତି...

ଗିରଫ ହେଲେ ଏହି ମହାନ କ୍ରିକେଟର୍‌

ସିଡନୀ,୨୦।୧୦: ଘରୋଇ ହିଂସା ଅଭିଯୋଗରେ ଅଷ୍ଟ୍ରେଲୀୟ କ୍ରିକେଟ ମହାନ ମାଇକେଲ ସ୍ଲେଟରଙ୍କୁ ବୁଧବାର ସିଡନୀରେ ଗିରଫ କରାଯାଇଛି। ଗତ ସପ୍ତାହରେ ହୋଇଥିବା ଏକ ଘଟଣାରେ ୫୧...

ଚମତ୍କାର କ୍ୟାଚ୍‌ ଧରିଲେ ଏହି କ୍ରିକେଟର୍‌, ସମସ୍ତେ ଦେଖି ଆଶ୍ଚର୍ଯ୍ୟ: ଦେଖନ୍ତୁ ଭିଡିଓ

ଆଣ୍ଟିଗୁଆ,୨।୨: ୱେଷ୍ଟଇଣ୍ଡିଜରେ ଖେଳାଯାଉଥିବା ଅଣ୍ଡର -୧୯ ବିଶ୍ୱକପରେ ଅନେକ ମହାନ ମ୍ୟାଚ ଦେଖିବାକୁ ମିଳିଥିଲା। ଟୁର୍ନାମେଣ୍ଟ ବର୍ତ୍ତମାନ ଶେଷ ହେବାକୁ ଯାଉଛି ଏବଂ ମଙ୍ଗଳବାରଠାରୁ ସେମିଫାଇନାଲ...

Advertisement
Archives

Model This Week