ନୂଆଦିଲ୍ଲୀ,୯ ।୧୨: ଗୁଜରାଟ ନିର୍ବାଚନରେ ଭାରତୀୟ ଜନତା ପାର୍ଟି(ଭାଜପା)କୁ ମିଳିଥିବା ଐତିହାସିକ ବିଜୟ ପରେ ଅନ୍ତର୍ଜାତୀୟ ଗଣମାଧ୍ୟମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱକୁ ଜନସାଧାରଣଙ୍କ ଗ୍ରହଣୀୟତାର ସଙ୍କେତ ବୋଲି ଦର୍ଶାଇଛି । ଅଧିକାଂଶ ରିପୋର୍ଟ ଏବଂ ବିଶ୍ଳେଷଣ ଅନୁଯାୟୀ, ମୋଦିଙ୍କ ଚରିତ୍ରବାଦୀ ନେତୃତ୍ୱ ବିଜେପକୁ ଅଦୃଶ୍ୟ ସଫଳତା ଆଣିଦେଇଛି । ତାଙ୍କ ନେତୃତ୍ୱର କରିସ୍ମାକୁ ଡିକୋଡ କରି ବିକାଶ ଓ ହିନ୍ଦୁତ୍ୱବାଦୀ ଭାବମୂର୍ତ୍ତିର ମିଶ୍ରଣ ହେଉଛି ତାଙ୍କର ଚରିତ୍ରବାଦୀ ଭାବମୂର୍ତ୍ତିର ମୁଳଦୁଆ ବୋଲି ବିଶ୍ୱାସ କରାଯାଏ । ବିବିସି ଲେଖିଛି, ଭାଜପାର ବିଜୟ ଭାରତରେ ମୋଦିଙ୍କ ଆଭିମୁଖ୍ୟକୁ ଦୃଢ କରିଦେଇଛି, ସେ ଗୁଜରାଟ ନିର୍ବାଚନକୁ ନିଜର ଜନମନ ସଂଗ୍ରହ କରିଦେଇଛନ୍ତି ।
ବ୍ରିଟିଶ ନ୍ୟୁଜ ପୋର୍ଟାଲ ଇଣ୍ଡିପେଣ୍ଡେଣ୍ଟ ଏହାକୁ ୨୦୨୪ ଲୋକ ସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ବଡ ଆଶ୍ୱସ୍ତି ବୋଲି କହିଛି । ବିଶେଷ ଭାବେ ବଢି ଚାଲିଥିବା ଦରଦାମ ଓ ବେକାରୀ ସମସ୍ୟା ମଧ୍ୟରେ ଏମିତି ଅଭୁତପୂର୍ବ ଜନସମର୍ଥନକୁ ବିକାଶବାଦ ଓ ହିନ୍ଦୁତ୍ୱର ଚମତ୍କାରୀ ନେତୃତ୍ୱର ଫଳ ବୋଲି କୁହାଯାଉଛି । କତର ରାଜପରିବାର ସ୍ୱାମୀତ ବାଲା ଅଲ ଜଜିରା ଲେଖିଛି, ପ୍ରଧାନମନ୍ତ୍ରୀ ମୋଦିଙ୍କ ହିନ୍ଦୁ ରାଷ୍ଟ୍ରବାଦୀ ପାର୍ଟିର ଭାରତର ପଶ୍ଚିମ ରାଜ୍ୟ ଗୁଜରାଟ ଉପରେ ନିୟନ୍ତ୍ରଣ ଅପରିବର୍ତ୍ତିତ ।
ବ୍ରିଟିଶ ମିଡିଆ ହାଉସ ‘ଦ ଗାର୍ଡିୟନ’ ଲେଖିଛି ଗୁଜରାଟ ବହୁ ସମୟ ଧରି ହିନ୍ଦୁ ରାଷ୍ଟ୍ରବାଦୀ ଭାଜପାର ଗଡ ରହି ଆସିଛି, ଯିଏ ୧୯୯୫ ପରେ ଲଗାତାର ୭ ଥର ନିର୍ବାଚନ ଜିତି ଆସିଛି । ହେଲେ ଗୁରୁବାର ଆସିଥିବା ନିର୍ବାଚନ ଫଳାଫଳ ଭାଜପାର ସବୁଠାରୁ ବଡ ନିର୍ବାଚନି ସଫଳତା । ଆମେରିକା ମିଡିଆ ହାଉସ ଏବିସି ନ୍ୟୁଜ ଗୁଜରାଟକୁ ଐତିହାସିକ ବିଜୟ ବୋଲି କହି ଲେଖିଛି, ମହଙ୍ଗାମାଡ, କେବାରୀ ସମସ୍ୟା ଓ ଧାର୍ମିକ ଧ୍ରୁବିକରଣର ଆଲୋଚନା ପରେ ବି ମୋଦିଙ୍କ ପାର୍ଟିର ବଢିଚାଲିଥିବା ଲୋକପ୍ରିୟତା ଆଶ୍ଚର୍ଯ୍ୟ କରୁଛି ।
ବିଶ୍ୱର ସବୁଠାରୁ ଅଧିକ ବିକ୍ରି ହେଉଥିବା ବିଜସେନ ଖବରକାଗଜ ନିକେଇର ୱେବସାଇଟ ଏସିଆ ନିକେଇ ଲେଖିଛି, ଉଚ୍ଚ ମୁଦ୍ରାସ୍ଫିତି, ବଢି ଚାଲିଥିବା ବେକାରି ସମସ୍ୟାର ଚିନ୍ତା ପରେ ବି ଭାଜପାର ବିଶ୍ୱସ୍ତ ହିନ୍ଦୁ ଭୋଟ ବ୍ୟାଙ୍କ ସ୍ଥିର ନଜର ଆସୁଛି । ପ୍ରଧାନମନ୍ତ୍ରୀ ମୋଦି ତାଙ୍କର ଷ୍ଟାର ପାୱାର ବଳରେ ଭାଜପାକୁ ଆଶାତିତ ସଫଳତା ଦେଇଛନ୍ତି । ସିଙ୍ଗାପୁରର ନ୍ୟୁଜ ପୋର୍ଟାଲ ଷ୍ଟ୍ରେଟ ଟାଇମ୍ସ ଲେଖିଛି, ଗୁଜରାଟ ଭାଜପାର ଗଡ । ପ୍ରଧାନମନ୍ତ୍ରୀ ମୋଦି ୨୦୦୧ରୁ ୨୦୧୪ ମଧ୍ୟରେ ୧୩ ବର୍ଷ ପର୍ଯ୍ୟନ୍ତ ରାଜ୍ୟରେ ଶାସନ କରିଛନ୍ତି ଓ ଏହାକୁ ଆର୍ଥିକ ମହାଶକ୍ତିରେ ପରିବର୍ତ୍ତନ କରିଛନ୍ତି । ପିଏମ ମୋଦିଙ୍କ ପ୍ରଭାବର ଏହା ହେଉଛି ଫଳ କି ଅନେକ ସ୍ଥାନୀୟ ପ୍ରସଙ୍ଗ ସହ ମୋରବିରେ ହୋଇଥିବା ଦୁର୍ଘଟଣା ପରେ ବି ଭାଜପା ଅବିଶ୍ୱନୀୟ ବିଜୟ ହାଲ କରିଛି ।
