ଶୀତଦିନେ ନିଜକୁ ନୂଆ ଲୁକ୍ ଦେବା ପାଇଁ ଅଧିକାଂଶ କିଛି ନା କିଛି ନୂଆ ଗେଟ୍ଅପ୍ ଆପଣାନ୍ତି। ତେବେ ଏଦିନେ ସାଲ୍ ହେଉ କି ସ୍ବେଟର୍ କିମ୍ବା ଷ୍ଟୋଲ୍ ହେଉ କି ଗ୍ଲୋବ୍ସ- ସବୁଥିରେ ଆପଣ ଷ୍ଟାଇଲିସ୍ ଲାଗିପାରିବେ। ହେଲେ ଏସବୁକୁ ଆହୁରି ଫ୍ୟାଶନେବଲ୍ ତଥା ଆଇକ୍ୟାଚି କରିବା ଲାଗି ଏବେ ଡିଫରେଣ୍ଟ କ୍ୟାପ୍ ପାଲଟିଛି ଅନେକଙ୍କ ପ୍ରଥମ ପସନ୍ଦ…
କ୍ୟୁଟ୍ ବିନିଜ୍ କ୍ୟାପ୍- ଏହି ପ୍ରକାରର କ୍ୟାପରେ ଆପଣ ଅନ୍ୟମାନଙ୍କଠାରୁ ୟୁନିକ୍ ଲାଗିବେ। ଅଧିକ ଶୀତ ହେଉଥିବା ସମୟରେ ଏହାକୁ ପିନ୍ଧିଲେ ଏହା ଆରାମ ଦେବା ସହ ଡିଫରେଣ୍ଟ ଲୁକ୍ ମଧ୍ୟ ଦେବ। ପ୍ରାୟତଃ ଏହି କ୍ୟାପ୍ଗୁଡ଼ିକ ଉପରେ ଗୋଟିଏ ପ୍ରକାରର ଡିଜାଇନ୍ ଥିବାରୁ ଏହା ସବୁଠୁ ଆଟ୍ରାକ୍ଟିଭ୍ ଲାଗେ।
ମଙ୍କି କ୍ୟାପ୍- ନାଁ ରୁ ହୁଏତ ଆପଣମାନେ ଭାବୁଥିବେ ଏହା ଦେଖିବାକୁ ମାଙ୍କଡ଼ ଭଳି। ମାତ୍ର ଏହା ଆଦୌ ସେମିତି ନୁହେଁ ବରଂ ଏହା ଶୀତଦିନେ ଶରୀର ପାଇଁ ବେଶୀ ପ୍ରୋଟେକ୍ଟିଭ୍। ଏହି ପ୍ରକାରର କ୍ୟାପ୍ ଆଖିକୁ ଛାଡ଼ି ମୁହଁର ଅନ୍ୟସବୁ ଭାଗକୁ କଭର୍ କରିଥାଏ। ଉଲେନ୍ରେ ତିଆରି ହୋଇଥିବାରୁ ଏହା ହାତକୁ ବହୁତ ସଫ୍ଟ ଲାଗେ ଓ ମାସ୍କ ପିନ୍ଧିଥିବା ଭଳି ମଧ୍ୟ ଜଣାପଡ଼େ।
ବର୍ଗ୍ଲାର୍ କ୍ୟାପ୍- ଏହି କ୍ୟାପ୍ ପିନ୍ଧିଲେ ଆପଣ ସିମ୍ପଲ୍ ଏବଂ ଷ୍ଟାଇଲିସ୍ ଲାଗିବେ। ମାର୍କେଟରେ ଏହା ପ୍ରାୟ ବ୍ଲାକ୍ କଲର୍ରେ ମିଳୁଥିବାରୁ ଏହା ସହ ମ୍ୟାଚିଂ କରି ଜ୍ୟାକେଟ୍ ଏବଂ ଗ୍ଲାସ ପିନ୍ଧିଲେ ଏହା ଆପଣଙ୍କୁ ଆକର୍ଷଣୀୟ କରାଇବ।
ଷ୍ଟକିଙ୍ଗ୍ କ୍ୟାପ୍- ଏହି ପ୍ରକାରର କ୍ୟାପ୍ ଯୁବତୀମାନଙ୍କୁ ବେଶି ମାନିଥାଏ। ଏହା ଏପରି ଭାବେ ତିଆରି ହୋଇଛି, ଯାହାକୁ ପିନ୍ଧିବା ଦ୍ୱାରା ଉଭୟ ମୁଣ୍ଡ ଏବଂ କେଶ ସମ୍ପୂର୍ଣ୍ଣ ଭାବେ ସୁରକ୍ଷିତ ରହିଥାଏ। ଏହାକୁ ପିନ୍ଧି ସାଙ୍ଗମାନଙ୍କ ସହ ଯେକୌଣସି ଜାଗାକୁ ବୁଲିବାକୁ ଯାଇପାରିବେ।
ଚଙ୍କି କ୍ରଚେଟ୍ କ୍ୟାପ୍- ଏହା ଦେଖିବାକୁ ବହୁତ ସୁନ୍ଦର ଓ ହାଲୁକା ।
ଏହାର ବିଭିନ୍ନ କଲର୍ ବଜାରରେ ମିଳୁଥିବାରୁ ଆପଣ ନିଜ ଚଏସ୍ ଅନୁସାରେ ଏହାକୁ କିଣିପାରିବେ। ମାର୍କେଟରେ ଏହାର ଚାହିଦା ମଧ୍ୟ ବେଶ ଭଲ ରହିଛି। ଏହାକୁ ଡ୍ରେସ୍ କିମ୍ବା ଶାଢି ଉଭୟ ଗେଟ୍ଅପ୍ରେ ପିନ୍ଧିପାରିବେ।
