ନୂଆଦିଲ୍ଲୀ, ୨।୮ : ବିଭିନ୍ନ ଦୁର୍ନୀତି କ୍ଷେତ୍ରରେ ବିଳମ୍ବ ହେବାର କାରଣ ସମ୍ପର୍କରେ ଦିଲ୍ଲୀର ଉପରାଜ୍ୟପାଳ ବିନୟ କୁମାର ସାକ୍ସସେନା ଦୁର୍ନୀତି ନିବାରଣ ଶାଖାଠାରୁ ଜବାବ ଲୋଡିଛନ୍ତି। ଏଭଳି ମାମଲାର ତଦନ୍ତ ସମୟରେ ସତର୍କତା ସହିତ ଉପଯୁକ୍ତ କାର୍ଯ୍ୟପ୍ରଣାଳୀ ଗ୍ରହଣ ଉପରେ ସେ ଗୁରୁତ୍ୱାରୋପ କରିଛନ୍ତି। ତଦନ୍ତରେ ବିଳମ୍ବ ନେଇ ସେ ପ୍ରଶାସନିକ ବିଭାଗ ଉପରେ ବିରକ୍ତ ହୋଇଛନ୍ତି।
ସେ ଦୁର୍ନୀତି ନିବାରଣ ଶାଖାଠାରୁ ଏକ ବର୍ଷରୁ ଅଧିକ ସମୟ ଧରି ପଡ଼ିରହିଥିବା ମାମଲାର ରିପୋର୍ଟ ମାଗିଛନ୍ତି। ଏସବୁ ମାଲାରେ କାହିଁକି ବିଳମ୍ବ ହୋଇଛି ତାହାର କାରଣ ଦର୍ଶାଇ ଏହାର ତାଲିକା ଉପରାଜ୍ୟପାଳଙ୍କ କାର୍ଯ୍ୟାଳୟକୁ ପଠାଇବାକୁ ସେ ନିର୍ଦ୍ଦେଶ ଦେଇଛନ୍ତି।
ସେ ଭିଜିଲାନ୍ସ ବିଭାଗ ସହିତ ଅନ୍ୟ ବିଭାଗୀୟ ଅଧିକାରୀଙ୍କୁ ଦୁର୍ନୀତି ମାମଲାର ଯାଞ୍ଚ୍ ଏବଂ ବିଭିନ୍ନ ଅଭିଯୋଗୁ ଗୁରୁତ୍ୱ ସହ ବିଚାର କରିବା ସହିତ ଉପଯୁକ୍ତ କାର୍ଯ୍ୟପ୍ରଣାଳୀ ଗ୍ରହଣ କରିବାକୁ ପରାମର୍ଶ ଦେଇଛନ୍ତି।
ଉପରାଜ୍ୟପାଳ ସଚିବାଳୟ ବହୁଗୁଡ଼ିଏ ଦୁର୍ନୀତି ମାମଲା ୨୦୧୨ ଏବଂ ୨୦୧୭ଠାରୁ ପଡ଼ି ରହିଥିବା ଜାଣିବା ପରେ ଉପରାଜ୍ୟପାଳ ଏଭଳି ନିର୍ଦ୍ଦେଶ ଜାରି କରିଛନ୍ତି।
