ବିମାନରେ ବସିବାକୁ କାହାର ବା ଇଚ୍ଛା ନ ଥାଏ। କିନ୍ତୁ ଏହି ଯାତ୍ରା ସହିତ ଜଡ଼ିତ ଅନେକ ନିୟମ ଅଛି, ଯାହା କି ଅନେକ ଲୋକ ଏ ବିଷୟରେ ଜାଣି ନ ଥାନ୍ତି। ଯେମିତି କି ବିମାନ ଉଡ଼ାଣ ଏବଂ ଅବତରଣ ସମୟରେ ଝରକା ଖୋଲି ଦିଆଯାଏ। ଏହାର କାରଣ କ’ଣ ଜାଣନ୍ତି। ଯଦି ନା ତେବେ ଜାଣନ୍ତୁ ଏ ବିଷୟରେ…
ଏକ ରିପୋର୍ଟ ଅନୁଯାୟୀ, ଝରକା ଖୋଲିବାର ପ୍ରତ୍ୟକ୍ଷ କାରଣ ଯାତ୍ରୀମାନଙ୍କ ସୁରକ୍ଷା ସହିତ ଜଡ଼ିତ। ଫ୍ଲାଇଟ୍ ସେଫ୍ଟି ଫାଉଣ୍ଡେଶନର ଅଧିକାରୀ କହିଛନ୍ତି, ବିମାନ ସହ ଜଡ଼ିତ ଅଧିକାଂଶ ଦୁର୍ଘଟଣା ଉଡ଼ାଣ ଏବଂ ଅବତରଣ ସମୟରେ ହିଁ ଘଟିଥାଏ। ତେଣୁ ଝରକା ଖୋଲିବାର କାରଣ ହେଉଛି, ବାହାରେ ଘଟୁଥିବା କୌଣସି ଘଟଣା ବିଷୟରେ ଯାତ୍ରୀମାନେ ସଚେତନ ହେବା ଉଚିତ ଏବଂ ଏହା ଦେଖିବା ମାତ୍ରେ ନିଜକୁ ପ୍ରସ୍ତୁତ କରିବା ଉଚିତ।
ଉଡ଼ାଣ ଏବଂ ଅବତରଣ ସମୟରେ ଟ୍ରେ ଟେବୁଲଗୁଡ଼ିକ ବି ବନ୍ଦ ହୋଇଯାଏ ଏବଂ ସିଟ୍ରେ ବସିବାକୁ କୁହାଯାଏ। ଏହାର କାରଣ ସୁରକ୍ଷା ସହିତ ମଧ୍ୟ ଜଡ଼ିତ। କୌଣସି ଦୁର୍ଘଟଣାରେ, ଯଦି ବିମାନର ଭାରସାମ୍ୟ ବିଗିଡ଼ି ଯାଏ ତେବେ ଯାତ୍ରୀମାନେ ସେମାନଙ୍କ ଆଗ ସିଟ୍ ଆଡ଼କୁ ପଡ଼ନ୍ତି, ତେବେ ଖୋଲା ଟ୍ରେ ଟେବୁଲ ଏବଂ ପଛ ସିଟ୍ରେ ବସିଥିବା ଯାତ୍ରୀଙ୍କୁ ଆଘାତ ଲାଗିପାରେ। ତେଣୁ ଟ୍ରେ ଟେବୁଲକୁ ବନ୍ଦ କରିଦିଆଯାଏ। ବିମାନରେ ଯାତ୍ରା ସମୟରେ ଏପରି ଅନେକ ନୀତି ନିୟମ ମାନିବାକୁ ପଡ଼ିଥାଏ।
