ନୂଆଦିଲ୍ଲୀ,୨୪।୮: ଶିଖର ଧାୱନ ଆଜି କ୍ରିକେଟରୁ ଅବସର ନେଇଛନ୍ତି। ସେ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି କ୍ରିକେଟ ଜଗତକୁ ବିଦାୟ ଦେଇଛନ୍ତି । ତାଙ୍କର ଅବସର ପ୍ରଶଂସକଙ୍କୁ ତାଜୁବ କରି ଦେଇଛି। ଧାୱନ ଦୀର୍ଘ ସମୟ ଧରି ଟିମ ଇଣ୍ଡିଆ ବାହାରେ ଥିଲେ। ସେ ଡିସେମ୍ବର ୨୦୨୨ ରେ ବାଂଲାଦେଶ ବିପକ୍ଷରେ ତାଙ୍କର ଶେଷ ମ୍ୟାଚ ଖେଳିଥିଲେ। କିନ୍ତୁ ଆଜି ଧାୱନ ହଠାତ ଅବସର ଘୋଷଣା କରିଥିଲେ। କିନ୍ତୁ ଆପଣ ଜାଣନ୍ତି କି ଶିଖର ଧାୱନଙ୍କ ବ୍ୟକ୍ତିଗତ ଜୀବନରେ ଦୀର୍ଘ ସମୟ ଧରି ଅନେକ ଅଶାନ୍ତି ଦେଖାଦେଇଥିଲା । ଗତ ଅକ୍ଟୋବର ୨୦୨୩ରେ ତାଙ୍କର ଛାଡପତ୍ର ମାମଲାର ନିଷ୍ପତ୍ତି ଆସିଲା ଓ ୮ ବର୍ଷର ବିବାହରେ ପୂର୍ଣ୍ଣଚ୍ଛେଦ ପଡ଼ିଥିଲା ।
ରିପୋର୍ଟ ଅନୁଯାୟୀ, ଶିଖର ଏବଂ ଆୟେଶା ଫେସବୁକରେ ସାକ୍ଷାତ ହୋଇଥିଲେ। ଆୟେଶା ଜଣେ କିକ ବକ୍ସର ଓ ପୂର୍ବରୁ ତାଙ୍କର ଛାଡପତ୍ର ହୋଇସାରିଛି । ସେ ମଧ୍ୟ ୨ ଝିଅର ମା ଥିଲେ, କିନ୍ତୁ ଶିଖର ତାଙ୍କୁ ଗ୍ରହଣ କରିଥିଲେ । ଦୁହେଁ ୨୦୦୯ ମସିହାରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଶିଖର ତାଙ୍କଠୁ ୧୦ ବର୍ଷର ବଡ଼ ଆୟେଶାଙ୍କୁ ୨୦୧୨ରେ ବିବାହ କରିଥିଲେ, କିନ୍ତୁ ଏହି ବିବାହ ବର୍ଷେ ପର୍ଯ୍ୟନ୍ତ ମଧ୍ୟ ଭଲରେ କଟିନଥିଲା । ଆୟେଶା ଶିଖରଙ୍କୁ ଭାରତରେ ରହିବାକୁ ପ୍ରତିଶ୍ରୁତି ଦେଇଥିଲେ, କିନ୍ତୁ ବିବାହ ପରେ ସେ ଅଷ୍ଟ୍ରେଲିଆ ଯାଇ ରହିଥିଲେ।
ଶିଖରଙ୍କ ପୁଅ ଜୁରାବର ଜନ୍ମ ହୋଇନଥିଲେ ମଧ୍ୟ ଶିଖର ତାଙ୍କ ସହ ଅଧିକ ସମୟ ବିତାଇ ପାରିନଥିଲେ। ଏହି ସମୟରେ, ସେମାନଙ୍କ ସମ୍ପର୍କରେ ତିକ୍ତତା ଦେଇଥିଲା । ସେପ୍ଟେମ୍ବର ୨୦୨୧ରେ ଆୟେଶା ହଠାତ ଶିଖର ଧାୱନଙ୍କଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ, କିନ୍ତୁ ସେ ଶିଖରଙ୍କୁ ତାଙ୍କ ପୁଅ ଜୁରାବରଙ୍କୁ ଭେଟିବାକୁ ଦେଇନଥିଲେ। ଏଥିରେ ଅସନ୍ତୁଷ୍ଟ ହୋଇ ଶିଖର ମାର୍ଚ୍ଚ ୨୦୨୩ ରେ କୋର୍ଟରେ ଛାଡପତ୍ର ମାମଲା ଦାୟର କରି ତାଙ୍କ ପୁଅର ହେପାଜତ ମାଗିଥିଲେ। ଆଇନଗତ କାର୍ଯ୍ୟାନୁଷ୍ଠାନ ପରେ ଶିଖର ଛାଡପତ୍ର ପାଇଥିଲେ ମଧ୍ୟ ତାଙ୍କ ପୁଅର ହେପାଜତ ପାଇପାରିନଥିଲେ।
ଧାୱନ ପ୍ରାୟ ୮ ବର୍ଷ ପର୍ଯ୍ୟନ୍ତ ବିବାହ ବନ୍ଧନରେ ରହିଥିଲେ । ଏହି ୮ ବର୍ଷରେ ସେ ତାଙ୍କ ସ୍ତ୍ରୀ ଆୟେଶା ଏବଂ ତାଙ୍କର ଦୁଇ ଝିଅଙ୍କର ସମ୍ପୂର୍ଣ୍ଣ ଦାୟିତ୍ୱ ଗ୍ରହଣ କରିଥିଲେ । ଆୟେଶା ତାଙ୍କ ତିନି ପିଲାଙ୍କ ସହ ଅଷ୍ଟ୍ରେଲିଆରେ ରହୁଥିବାରୁ ସେ ସେଠାରେ ମଧ୍ୟ ଏକ ସମ୍ପତ୍ତି କିଣିଥିଲେ, କିନ୍ତୁ ସମ୍ପର୍କ ତିକ୍ତତା ହେତୁ ସେ ଆୟେଶାଙ୍କ ନାମରେ ସମ୍ପତ୍ତି ସ୍ଥାନାନ୍ତର କରିବାକୁ ମନା କରିଦେଇଥିଲେ। ବୋଧହୁଏ ଏହା ଶିଖର ଏବଂ ଆୟେଶାଙ୍କ ମଧ୍ୟରେ ତିକ୍ତତାର ଅନ୍ୟତମ କାରଣ ଥିଲା, କିନ୍ତୁ ଛାଡପତ୍ର ମାମଲାରେ ଶିଖର ମାନସିକ ନିର୍ଯାତନାର ସମ୍ମୁଖୀନ ହୋଇଥିଲେ ଏବଂ ତାଙ୍କ ପୁଅର ହେପାଜତକୁ ନେଇ ଆଇନଗତ ଯୁଦ୍ଧ କରିଥିଲେ।
