ବଲିଉଡ୍ର ଦେଶୀ ଗର୍ଲ ପ୍ରିୟଙ୍କା ଚୋପ୍ରା ସରୋଗେସି ଜରିଆରେ ମା’ ହୋଇଛନ୍ତି। ଏ ନେଇ ସେ ନିଜେ ସୋସିଆଲ ମିଡିଆ ସୂଚନା ଦେଇଥିଲେ। ହେଲେ ନିକ୍ ଜୋନାସ କି ପ୍ରିଆଙ୍କା ଜଣାଇ ନ ଥିଲେ ତାଙ୍କର ପୂଅ ହୋଇଛି କି ଝିଅ। ଆମେରିକାର ଏକ ୱେବସାଇଟ୍ ଅନୁଯାୟୀ, କାଲିଫର୍ର୍ନିିଆରେ ଶିଶୁ କନ୍ୟା ଜନ୍ମ ହୋଇଛନ୍ତି । ତେବେ ଏହି ଖବର ସାମ୍ନାକୁ ଆସିବା ପରେ ସୋସିଆଲ ମିଡିଆରେ ପ୍ରିୟଙ୍କାଙ୍କ ଫର୍ଟିଲିଟି ଇଶୁ ତଥା ପ୍ରଜନନ ସମସ୍ୟାକୁ ନେଇ କିଛି ପୋଷ୍ଟ ଦେଖିବାକୁ ମିଳିଥିଲା।
ବାସ୍ତବରେ ପ୍ରିୟଙ୍କା ଏବଂ ନିକ୍ ବାପା ମା’ ହେବା ପାଇଁ ସରୋଗେସିର ମାଧ୍ୟମ ଆପଣାଇଥିଲେ । ସେବେଠାରୁ ସୋସିଆଲ ମିଡିଆରେ ଦୁହିଁଙ୍କର ଏପରି କିଛି ପୋଷ୍ଟ ଦେଖିବାକୁ ମିଳିଥିଲା। ଏହାକୁ ନେଇ ପରେ ପ୍ରିୟଙ୍କା ଫର୍ଟିଲିଟି ସମସ୍ୟା କାରଣରୁ ଏହି ନିଷ୍ପତ୍ତି ନେଇଥିବା ଆଲୋଚନା ହୋଇଥିଲା।
ରିପୋର୍ଟ ଅନୁଯାୟୀ, ‘ପ୍ରିୟଙ୍କାଙ୍କର କୌଣସି ପ୍ରକାରର ପ୍ରଜନନ ସମସ୍ୟା ତଥା ଫର୍ଟିଲିଟି ଇଶୁ ନାହିଁ, କିନ୍ତୁ ତାଙ୍କୁ ବର୍ତ୍ତମାନ ୩୯ ବର୍ଷ ବୟସ। ଏହା ତାଙ୍କ ପାଇଁ ସହଜ ନୁହେଁ। ସେହି ସମୟରେ ତାଙ୍କର ବ୍ୟସ୍ତବହୁଳ କାମ ଯୋଗୁ ଏହା ଅଧିକ କଷ୍ଟକର ହୋଇପଡ଼ିଥାନ୍ତା । ଦୁହେଁ ପରସ୍ପରଙ୍କ ଏକାଠି ସମୟ ବିତାଇବାକୁ ମଧ୍ୟ ବହୁତ କମ ସମୟ ପାଉଛନ୍ତି । ଏହାକୁ ଦୃଷ୍ଟିରେ ରଖି ଦୁହେଁ ଦମ୍ପତି ସରୋଗେସିର ରାସ୍ତା ବାଛିଥିଲେ।
ଅନ୍ୟପଟେ କୁହାଯାଉଛି ଯେ ନିକ ଏବଂ ପ୍ରିୟଙ୍କା ଏକ ଏଜେନ୍ସି ସାହାଯ୍ୟରେ ମହିଳାଙ୍କୁ ଭେଟିଥିଲେ । ଉକ୍ତ ମହିଳାଙ୍କ ଏହା ହେଉଛି ପଞ୍ଚମ ସରୋଗେସି। ଦୁହେଁ ତାଙ୍କୁ ଭେଟିଥିଲେ ଏବଂ ସେମାନେ ମଧ୍ୟ ତାଙ୍କୁ ପସନ୍ଦ କରିଥିଲେ । ସବୁଠାରୁ ବଡ କଥା ହେଲା ଶିଶୁଟି ଏପ୍ରିଲରେ ଜନ୍ମ ହେବାର ଥିଲା, କିନ୍ତୁ ପିଲାଟି ଜନ୍ମ ହେବା ତାରିଖ ପୂର୍ବରୁ ତଥା ପ୍ରିମାଚର ଡେଲିଭରି ହୋଇଥିଲା । କହିବାକୁ ଗଲେ ପ୍ରିୟଙ୍କା ଏବଂ ନିକ ମା’ ବାପା ହୋଇଥିବାରୁ ପ୍ରଶଂସକମାନେ ବହୁତ ଖୁସି ଏବଂ ସୋସିଆଲ ମିଡିଆରେ ଏହି ଦମ୍ପତିଙ୍କୁ ଅଭିନନ୍ଦନ ଜଣାଇଛନ୍ତି ।
