ମୁମ୍ବାଇ,୧୬।୧୧: ଦେଶରେ କ୍ରିକେଟ ବିଶ୍ୱକପ ଚାଲିଛି। ବିଶ୍ୱକପରେ ଭାରତୀୟ ଦଳ ଫାଇନାଲରେ ପ୍ରବେଶ କରିଛି। ନ୍ୟୁଜିଲାଣ୍ଡ ବିପକ୍ଷ ସେମିଫାଇନାଲ ମ୍ୟାଚରେ ଟିମ ଇଣ୍ଡିଆର ବିଜୟ ଧାରା ଜାରି ରହିଛି। ନ୍ୟୁଜିଲାଣ୍ଡକୁ ୭୦ ରନରେ ପରାସ୍ତ କରି ଭାରତ ଫାଇନାଲରେ ଟିକେଟ ପାଇଛି। ଏହି ବିଜୟ ପାଇଁ ବିରାଟ କୋହଲି ଏବଂ ଶ୍ରେୟସ ଆୟରଙ୍କ ଶତକ ବିଷୟରେ ଯେତିକି ଚର୍ଚ୍ଚା ହେଉଛି, ମହମ୍ମଦ ଶାମିଙ୍କ ଚମତ୍କାର ବୋଲିଂ ବିଷୟରେ ମଧ୍ୟ ଆଲୋଚନା ହେଉଛି।
ଏହି ମ୍ୟାଚରେ ୭ ଉଇକେଟ ନେଇ ମହମ୍ମଦ ଶାମି ଭାରତର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିଲେ। ଏକ ସମୟରେ ଏହା ଲାଗୁଥିଲା ଯେ ଏହି ମ୍ୟାଚ ଭାରତ ହାତକୁ ଖସିଯାଇପାରେ, କିନ୍ତୁ ଶାମି ଏହି ମ୍ୟାଚରେ ଟିମ ଇଣ୍ଡିଆର ପ୍ରତ୍ୟାବର୍ତ୍ତନ କରିବା ପ୍ରଶଂସନୀୟ। ଏଥି ସହ ମହମ୍ମଦ ଶାମିଙ୍କ ବୋଲିଂ ସମ୍ପର୍କରେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଦିଲ୍ଲୀ ଏବଂ ମୁମ୍ବାଇ ପୋଲିସ ବହୁତ ଆକର୍ଷଣୀୟ ଟୁଇଟ୍ କରିଛନ୍ତି।
ମୁମ୍ବାଇ ପୋଲିସକୁ ଟ୍ୟାଗ କରି ଦିଲ୍ଲୀ ପୋଲିସ ଲେଖିଛି, ମୁମ୍ବାଇ ପୋଲିସ ଆମେ ଆଶା କରୁଛୁ ଆଜି ହୋଇଥିବା ଆକ୍ରମଣ ପାଇଁ ଆପଣ ମହମ୍ମଦ ଶାମିଙ୍କୁ ଗିରଫ କରିବେ ନାହିଁ। ଏହାର ଜବାବରେ ମୁମ୍ବାଇ ପୋଲିସ ଜବାବ ଦେଇଛି, ଦିଲ୍ଲୀ ପୋଲିସ ଆପଣ ଅସଂଖ୍ୟ ଲୋକଙ୍କ ହୃଦୟ ଚୋରି କରିବା ପାଇଁ ଧାରା ଲଗାଇବାକୁ ଭୁଲି ଯାଇଛନ୍ତି ଏବଂ ସେହି ସମୟରେ ଆପଣ ସହ-ଅଭିଯୁକ୍ତଙ୍କ ତାଲିକା ମଧ୍ୟ ଦେଇ ନାହାଁନ୍ତି।
You missed pressing charges of stealing innumerable hearts @DelhiPolice and listing a couple of co-accused too😂
P.S.: Dear citizens, both the departments know the IPC thoroughly and trust you for a great sense of humour 😊 https://t.co/TDnqHuvTZj
— मुंबई पोलीस Mumbai Police (@MumbaiPolice) November 15, 2023
