ନୂଆଦିଲ୍ଲୀ,୨୨।୫: IPL 2025ର ୬୩ତମ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସ ୫୯ ରନ୍ରେ ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରିଛି। ଏହି ବିଜୟ ସହିତ, ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ମୁମ୍ବାଇ ପ୍ଲେଅଫରେ ପହଞ୍ଚିଛି। ଫଳରେ ଦିଲ୍ଲୀର ଟାଇଟଲ ଜିତିବାର ସ୍ବପ୍ନ ଭାଙ୍ଗି ଯାଇଛି। ସୂର୍ଯ୍ୟକୁମାର ଯାଦବଙ୍କୁ ପ୍ଲେୟାର ଅଫ ଦି ମ୍ୟାଚ ଟାଇଟଲ ମିଳିଥିଲା, ସେ ୭୩ ରନର ଏକ ଚମତ୍କାର ଇନିଂସ ଖେଳିଥିଲେ। ସୂର୍ଯ୍ୟା ଅରେଞ୍ଜ କ୍ୟାପର ବହୁତ ନିକଟତର ହୋଇଛନ୍ତି। ସେହିପରି ୩ ଉଇକେଟ ନେଇଥିବା ଜଶପ୍ରୀତ ବୁମରା ପର୍ପଲ କ୍ୟାପ ଦୌଡ଼ରେ ଉପରକୁ ଉଠିଛନ୍ତି।
ସୂର୍ଯ୍ୟ ଏହି ସିଜନରେ ଅରେଞ୍ଜ କ୍ୟାପ ପାଇଥିଲେ କିନ୍ତୁ ମଝିରେ ସେ ପଛରେ ପଡ଼ିଯାଇଥିଲେ। କିନ୍ତୁ ୭୩ ରନ କରି ସୂର୍ଯ୍ୟ ପୁଣି ଥରେ ଏହି କ୍ୟାପ ପାଖରେ ପହଞ୍ଚି ଯାଇଛନ୍ତି। ସେ ତୃତୀୟ ସ୍ଥାନରେ ଅଛନ୍ତି, ସେ ଏପର୍ଯ୍ୟନ୍ତ ୧୩ଟି ମ୍ୟାଚ ଖେଳି ୫୮୩ ରନ କରିଛନ୍ତି। ବର୍ତ୍ତମାନ, ସାଇ ସୁଦର୍ଶନଙ୍କ ପାଖରେ ଅରେଞ୍ଜ କ୍ୟାପ ଅଛି, ତାଙ୍କର ୧୨ଟି ମ୍ୟାଚ୍ରେ ୬୧୭ ରନ ଅଛି। ଏପର୍ଯ୍ୟନ୍ତ ସର୍ବାଧିକ ରନ କରିଥିବା ଶ୍ରେଷ୍ଠ ୫ ବ୍ୟାଟସମ୍ୟାନଙ୍କ ତାଲିକା ଦେଖନ୍ତୁ।
IPL 2025 ଅରେଞ୍ଜ କ୍ୟାପ୍ ଲିଷ୍ଟ୍
ସାଇ ସୁଦର୍ଶନ (GT): ୬୧୭ ରନ
ଶୁଭମନ ଗିଲ (GT): ୬୦୧ ରନ
ସୂର୍ଯ୍ୟକୁମାର ଯାଦବ (MI): ୫୮୩ ରନ
ଯଶସ୍ବୀ ଜୟସ୍ବାଲ (RR): ୫୫୯ ରନ
ବିରାଟ କୋହଲି (RCB): ୫୦୫ ରନ
ପ୍ରଥମ କିଛି ମ୍ୟାଚ୍ରେ ଆଘାତ ଯୋଗୁ ବାହାରେ ଥିବା ଜସପ୍ରୀତ ବୁମରା ଏବେ ସମ୍ପୂର୍ଣ୍ଣ ଫିଟ ଅଛନ୍ତି। ସେ ସର୍ବାଧିକ ଉଇକେଟ ନେଇଥିବା ବୋଲର ତାଲିକାରେ କ୍ରମାଗତ ଭାବରେ ଉପରକୁ ଉଠିଛନ୍ତି। ବୁଧବାର ସେ ଦିଲ୍ଲୀ ବିପକ୍ଷରେ ୩ ଉଇକେଟ ନେଇଥିଲେ। ଏବେ ସେ ତାଲିକାର ଷଷ୍ଠ ସ୍ଥାନରେ ପହଞ୍ଚି ଯାଇଛନ୍ତି। ବୁମରା ଏବେ ୯ଟି ମ୍ୟାଚ ଖେଳି ୧୬ଟି ଉଇକେଟ ହାସଲ କରିଛନ୍ତି। ପର୍ପଲ କ୍ୟାପ ପାଇଁ ରେସ୍ରେ ଥିବା ଶ୍ରେଷ୍ଠ ୫ ବୋଲରଙ୍କ ତାଲିକା ଦେଖନ୍ତୁ।
IPL 2025 ପର୍ପଲ କ୍ୟାପ
ପ୍ରସିଦ୍ଧ କ୍ରିଷ୍ଣା (GT): ୨୧ ଉଇକେଟ
ନୁର ଅହମ୍ମଦ (CSK): ୨୧ ଉଇକେଟ
ଟ୍ରେଣ୍ଟ ବୋଲ୍ଟ (MI): ୧୯ ଉଇକେଟ
ଜୋଶ ହାଜେଲଉଡ (RCB): ୧୮ ଉଇକେଟ
ବରୁଣ ଚକ୍ରବର୍ତ୍ତୀ (KKR):୧୭ ଉଇକେଟ
