ଅନେକ ଯୁବକ ଥାନ୍ତି, ଯେଉଁମାନେ ଯୁବତୀଙ୍କଠାରୁ ହଁ ଶୁଣି ଖୁସି ହୁଅନ୍ତି ଆଉ ନା ଶବ୍ଦକୁ ଆଦୌ ସହିପାରନ୍ତି ନାହିଁ। ସେମାନେ ଭାବନ୍ତି ଯୁବତୀଙ୍କ ମନା କରିବା ଅର୍ଥ ସେମାନଙ୍କୁ ଅପମାନ ଦେବା। ତେଣୁ ଏଥିରେ କ୍ରୋଧିତ ହୋଇ କେତେ କ’ଣ କାଣ୍ଡ ଘଟାଇଥାନ୍ତି। ଏବେ ସୋସିଆଲ ମିଡିଆରେ ସେମିତି ଜଣେ ଯୁବକଙ୍କ ଭିଡିଓ ଭାଇରାଲ ହେଉଛି। ଯାହା ଦେଖିଲେ ଆଶ୍ଚର୍ଯ୍ୟ ହେବେ।
ଆମେରିକାର ନ୍ୟୁୟର୍କର ବାସିନ୍ଦା ମାଇକେଲ ପାଲାସିଓସ ବିଳମ୍ବିତ ରାତିରେ ଏକ ରେଷ୍ଟୁରାଣ୍ଟକୁ ଯାଇଥିଲେ। ସେଠାରେ ଜଣେ ଯୁବତୀଙ୍କୁ ଫୋନ୍ ନମ୍ବର ଏବଂ ତାଙ୍କ ଠିକଣା ମାଗିଥିଲେ। ଯୁବତୀ ଜଣକ ନ ଦେବାରୁ ମାଇକେଲ ହଙ୍ଗାମା ଆରମ୍ଭ କରିଥିଲେ। ଏହି ସମୟରେ ସେଠାରେ ଉପସ୍ଥିତ ଥିବା କିଛି ଯୁବକ ମାଇକେଲଙ୍କୁ ମାଡ଼ ମାରିଥିଲେ। ମାଇକେଲ ସେମାନଙ୍କ ମାଡ଼କୁ ଅତି କଷ୍ଟରେ ସହିଥିଲେ। ପରେ ସେ ତାଙ୍କର କରାମତି ଦେଖାଇଥିଲେ। ଯାହାକି ରେଷ୍ଟୁରାଣ୍ଟରେ ଥିବା ସମସ୍ତ ଗ୍ରାହକଙ୍କୁ ଆଶ୍ଚର୍ଯ୍ୟ କରିଥିଲା।
Another day in nyc pic.twitter.com/OCOPIkIzuO
— World Latin Honey (@WorldLatinHoney) September 17, 2022
ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି, ଯୁବତୀ ଜଣକ ମାଇକେଲଙ୍କୁ ଫୋନ୍ ନମ୍ବର ଦେବାକୁ ମନା କରିବା ପରେ ମଧ୍ୟ ମାଇକେଲ ସେଠାରୁ ଯାଉ ନ ଥିଲେ। ତେଣୁ ତାଙ୍କ ସାଙ୍ଗମାନେ ଏଥିରେ ହସ୍ତକ୍ଷେପ କରିଥିଲେ ଏବଂ ମାଇକେଲଙ୍କ ସହ ଯୁକ୍ତିତର୍କ ଆରମ୍ଭ ହୋଇଥିଲା। ମାଇକେଲ କୌଣସି ପ୍ରତିକ୍ରିୟା ନ ଦେଇ କିଛି ସମୟ ପାଇଁ ସେହି ଲୋକମାନଙ୍କର ମାଡ଼କୁ ସହିଥିଲେ। ତା’ପରେ ତାଙ୍କ ବ୍ୟାଗରୁ ଏକ ଛୋଟ କୁରାଢ଼ି ବାହାର କରିଥିଲେ। ଏହା ପରେ ସେ ଯୁବତୀଙ୍କ ସାଙ୍ଗମାନଙ୍କ ଉପରେ ଆକ୍ରମଣ କରିଥିଲେ। ଏପରିକି ରେଷ୍ଟୁରାଣ୍ଟର ଚେୟାର, ଟେବୁଲ, ଝରକା ଭାଙ୍ଗିଥିଲେ। କିଛି ସମୟ ପରେ ସେଠାରୁ ସେ ଚାଲି ଯାଇଥିଲେ। କିନ୍ତୁ ପରେ ପୋଲିସ ତାଙ୍କୁ ଗିରଫ କରିଥିଲା। ପ୍ରତ୍ୟକ୍ଷଦର୍ଶୀମାନେ କହିଛନ୍ତି, ମାଇକେଲ ମଦ୍ୟପାନ କରିଥିଲେ, ଯେତେବେଳେ ସେ ତାଙ୍କ ନିକଟକୁ ଯାଇଥିଲେ, ମଦ୍ୟପାନର ଦୁର୍ଗନ୍ଧ ହେଉଥିଲା।
