ବାସ୍ତୁଶାସ୍ତ୍ର ଅନୁଯାୟୀ, ଘରର ସୁଖସମୃଦ୍ଧି ଓ ଆର୍ଥିକ ସ୍ଥିତିକୁ ସୁଧାରିବା ପାଇଁ ଘରେ ପିତ୍ତଳର କଇଁଛ ପ୍ରତୀମା ରଖିବା ଶୁଭ ହୋଇଥାଏ। ଏହି ପ୍ରତୀମାକୁ ଘରର ଉତ୍ତର ଦିଗ କିମ୍ବା ଉତ୍ତର-ପୂର୍ବ କୋଣରେ ରଖିବା ସବୁଠୁ ଉପଯୁକ୍ତ ଅଟେ। ବିଶ୍ୱାସ ରହିଛି ଏହି ସ୍ଥାନରେ ପିତତଳ କଇଁଛ ରଖିଲେ, ପରିବାରରେ ସୁଖଶାନ୍ତି ବଢ଼ିଥାଏ। ଘରର ପରିବେଶ ସକାରାତ୍ମକ ରହିଥାଏ। ତା’ଛଡ଼ା ଏହି ପ୍ରତୀମାକୁ ଘରର ମୁଖ୍ୟ ଦ୍ୱାର ଭିତର ପଟକୁ ଘର ଆଡ଼କୁ ମୁହଁ କରି ରଖିବା ବି ଶୁଭଫଳ ଦେଇଥାଏ। ଯଦି ଏହି ପ୍ରତୀମାକୁ ଠାକୁର ଘରେ ରଖିବାକୁ ଚାହୁଁଥାନ୍ତି, ତା’ହେଲେ କଇଁଛର ମୁହଁକୁ ଠାକୁରଙ୍କ ଆଡ଼କୁ କରିକି ରଖିବା ଠିକ୍। ତା’ସହିତ ଆଉ ଏକ କଥାକୁ ଧ୍ୟାନଦେବା ଦରକାର ଯେ, ପିତ୍ତଳର କଇଁଛ ପ୍ରତୀମାକୁ ସବୁବେଳେ ପାଣିରେ ବୁଡେଇକି ରଖିବେ। ଅର୍ଥାତ୍ କଇଁଛର ପାଦ ଯେମିତି ପାଣି ଭିତରେ ବୁଡିକି ରହୁଥିବ। ଆଉ ପ୍ରତିଦିନ ଏହି ପାଣିକୁ ବଦଳାଇବା ସହ ପ୍ରତୀମାକୁ ସଫା କରୁଥିବେ। ବିଶ୍ୱାସ ରହିଛି ଏପରି କଲେ ଘରର ସମୃଦ୍ଧି ବଢ଼ିବା ସହ ପରିବାରରେ ଶାନ୍ତିର ବାତାବରଣ ବଜାୟ ରହିଥାଏ।
