ପାଟନା,୧।୧ : ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ରାଷ୍ଟ୍ର ପିତା କହିବା ନେଇ କଟାକ୍ଷ କରିଛନ୍ତି। କିଛି ଦିନ ତଳେ ଅମୃତା ଫଡନାଭିସଙ୍କ ମୋଦିଙ୍କୁ ରନୂଆ ରାଷ୍ଟ୍ରପିତା ମନ୍ତବ୍ୟକୁ ନେଇ ନୀତୀଶ ପଚାରିଛନ୍ତି ନୂଆ ଭାରତର ନୂଆ ରାଷ୍ଟ୍ର ପିତାପିତା ଦେଶ ପାଇଁ କ’ଣ କରିଛନ୍ତି। ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ସ୍ତ୍ରୀ ଅମୃତା ଫଡନାଭିସ ୨୦୨୨ ଡିସେମ୍ବର ୨୧ ରେ ପ୍ରଧାନମନ୍ତ୍ରୀ ମୋଦିଙ୍କୁ ନୂଆ ଭାରତର ପିତା ବୋଲି କହିଥିଲେ। ଏହି ମନ୍ତବ୍ୟରେ ନୀତୀଶ କହିଛନ୍ତି ଯେ ସ୍ବାଧୀନତା ସଂଗ୍ରାମ ସହିତ ମୋଦିଙ୍କର କୌଣସି ସମ୍ପର୍କ ନାହିଁ। । ସ୍ବାଧୀନତା ସଂଗ୍ରାମରେ ଆରଏସଏସ ମଧ୍ୟ ସହଯୋଗ କରି ନ ଥିଲା।
ଆଧୁନିକ ଭାରତରେ ସବୁଆଡେ ଚର୍ଚ୍ଚା ହେଉଛି, କିନ୍ତୁ ବର୍ତ୍ତମାନ ମୁଁ ପଚାରିବାକୁ ଚାହେଁ ମୋଦି କ’ଣ କରିଛନ୍ତି। ଦେଶକୁ ଆଗକୁ ନେବା ପାଇଁ ସେ କିଛି କରିଛନ୍ତି କି? ସେ ନୂତନ ଟେକ୍ନୋଲୋଜିର ଅପବ୍ୟବହାର କରୁଛନ୍ତି । ଆରଏସଏସ ଭାରତର ସ୍ବଧୀନତା ଆନ୍ଦୋଳନରେ କିଛି କରିନାହିଁ। କିନ୍ତୁ ଆଜିକାଲି କିଛି ଲୋକ ନିଜକୁ ପ୍ରକୃତ ଦେଶପ୍ରେମୀ ବୋଲି କହୁଛନ୍ତି।
ଯଦି ସେମାନେ ମୋଦି ଜୀଙ୍କୁ କେବଳ କିଛି ଧନୀ ବ୍ୟବସାୟୀଙ୍କ ପାଇଁ ନୂଆ ଭାରତର ପିତା ’କରିବାକୁ ଚାହୁଁଛନ୍ତି, ତେବେ ସେମାନଙ୍କୁ ତାହା କରିବାକୁ ଦିଅନ୍ତୁ। ମୁଁ ଏଥିପାଇଁ ସେମାନଙ୍କୁ ଅଭିନନ୍ଦନ ଜଣାଉଛି। କଂଗ୍ରେସର ବରିଷ୍ଠ ନେତା ପ୍ରମୋଦ ତିୱାରୀ ମଧ୍ୟ ଏହି ମନ୍ତବ୍ୟକୁ ଟାର୍ଗେଟ କରିଛନ୍ତି। ତିୱାରୀ କହିଛନ୍ତି, ଭାଜପାରେ ଦୁଇଜଣ ପିତା ରହିପାରନ୍ତି, କିନ୍ତୁ ଦେଶରେ ନୁହେଁ, ଦେଶର ପିତା କେବଳ ଜଣେ ହେବେ।
