ନୂଆଦିଲ୍ଲୀ,୧।୧: ଦେଶର ପ୍ରମୁଖ ଦୁଇଚକିଆ ଇଲେକ୍ଟ୍ରି ଭେହିକିଲ୍(ଇଭି) ଷ୍ଟାର୍ଟଅପ୍ କମ୍ପାନୀ ‘ପିଓର ଇଭି’ର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ଅଲ୍-ନ୍ୟୁ କମ୍ୟୁଟ୍ ଇଲେକ୍ଟ୍ରିକ୍ ମୋଟରସାଇକେଲ ‘ଇକୋଡ୍ରାଫି୍ଟ’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ଏହାର ସର୍ବଭାରତୀୟ ଉନ୍ମୋଚନ ମଧ୍ୟ ନିକଟ ଅତୀତରେ କରାଯିବ ବୋଲି ସୂଚନା ମିଳିଛି। ଏହି ନୂତନ ଇଭି ଯାନ ‘ଇକୋଡ୍ରାଫ୍ଟି’କୁ ହାଇଦ୍ରାବାଦସ୍ଥିତ ପିଓର ଇଭିର ଟେକ୍ନିକାଲ ଓ ମାନୁଫ୍ୟାକ୍ଚରିଂ ସେଣ୍ଟର ଠାରେ ଡିଜାଇନ୍ ଓ ନିର୍ମାଣ କରାଯାଇଛି। ଏହା ଭାରତୀୟ ଇଭି ଯାନ କ୍ଷେତ୍ରରେ ଏକ ବଡ଼ ସଫଳତା ବୋଲି କୁହାଯାଉଛି। ଏ ସମ୍ପର୍କରେ ପିଓର ଇଭିର ପ୍ରତିଷ୍ଠାତା ଡ. ନିଶାନ୍ତ ଡୋଙ୍ଗରି କହିଛନ୍ତି, ଏହି କମ୍ୟୁଟ୍ ମୋଟରସାଇକେଲର ଉନ୍ମୋଚନ ହେଉଛି ଏକ ଗେମ୍ ଚେଞ୍ଜର ଏବଂ ଆମର ଆର୍ ଆଣ୍ଡ୍ ଡି ସେଣ୍ଟରରେ ପାୱାର ଟ୍ରେନ୍ ଡିଜାଇନ୍ ଓ ଡେଭ୍ଲପମେଣ୍ଟ କ୍ଷେତ୍ରରେ ପିଓର ଇଭିର ଗୁରୁତ୍ୱପୂର୍ଣ୍ଣ ଶିକ୍ଷାର ଏକ ପ୍ରଦର୍ଶନ ହେବ। ସେହିଭଳି ପିଓର ଇଭି ଷ୍ଟାର୍ଟଅପ୍ର ସହ ପ୍ରତିଷ୍ଠାତା ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରୋହିତ ଭଦେରା କହିଛନ୍ତି, ଆମର ପୂର୍ବ ପରଫର୍ମାନ୍ସ ମୋଟରସାଇକେଲ-ଇଟ୍ରିଷ୍ଟ ୩୫୦ର ଶୁଭାରମ୍ଭ ପାଇଁ ଆମେ ଅତୁଳନୀୟ ପ୍ରତିକ୍ରିୟା ହାସଲ କରିଛୁ ଏବଂ ଅଲ୍-ନ୍ୟୁ ଇକୋଡ୍ରାଫି୍ଟର ଶୁଭାରମ୍ଭ କମ୍ପାନୀର ଅଭିବୃଦ୍ଧି କାହାଣୀର ଏକ ପ୍ରମୁଖ ସଫଳତା ହେବ।
