ଗୋପ,୮।୨(ଡି.ଏନ୍.ଏ.): ପୁରୀ ଜିଲା ଗୋପ ବ୍ଲକ ଅଞ୍ଚଳରେ ଅଏଲ ଇଣ୍ଡିଆ କମ୍ପାନୀ ପକ୍ଷରୁ ଚାଲିଥିବା ତୈଳ ସନ୍ଧାନ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଲାଣି। ୫୦ରୁ ଊଦ୍ଧର୍ବ ଅତ୍ୟାଧୁନିକ ମେଶିନ ଲଗାଯାଇଥିବା ବେଳେ ଖନନ କାର୍ଯ୍ୟ ପାଇଁ ପଶ୍ଚିମବଙ୍ଗରୁ ଆସିଥିବା ରିଗ୍ ମେଶିନ ମଧ୍ୟ ମଙ୍ଗଳବାର ବସାଯାଇଛି। ପ୍ରଥମ ପର୍ଯ୍ୟାୟରେ ୩୦ ମିଟର ବୋରିଂ କାର୍ଯ୍ୟ ସରିଥିବାବେଳେ ଷ୍ଟ୍ରକ୍ଚର କାର୍ଯ୍ୟ ମଧ୍ୟ ଶେଷ ହୋଇଛି। ସପ୍ତାହ ପରେ ଦ୍ୱିତୀୟ ପର୍ଯ୍ୟାୟରେ ୨୨୫୦ ମିଟର ବୋରିଂ କାର୍ଯ୍ୟ ଆରମ୍ଭ ହେବ ବୋଲି ସୂଚନା ମିଳିଛି। ତେବେ ବୋରିଂ ପରେ ବାହାରିବା ମାଟିପାଣି ଓ କାଦୁଅ ଅସ୍ଥାୟୀ ପୋଖରୀରେ ରଖାଯିବାର ବ୍ୟବସ୍ଥା କରାଯାଇଛି। ଏହି ସବୁ ପଦାର୍ଥଗୁଡିକୁ ପରୀକ୍ଷା ନିରୀକ୍ଷା କରାଯିବା ପରେ ରି-ଫାଇନ ପ୍ରକ୍ରିୟା କରାଯିବ ବୋଲି ଅଏଲ ଇଣ୍ତିଆ କମ୍ପାନୀ ପକ୍ଷରୁ ସୂଚନା ମିଳିଛି।
ଯେ, ଗୋପ ବ୍ଲକ ଅନ୍ତର୍ଗତ କୁଶୁପୁରୁ ମୌଜାରେ ଏବେ ଅଏଲ ଇଣ୍ତିଆ କମ୍ପାନୀ ପକ୍ଷରୁ ପ୍ରାକୃତିକ ଗ୍ୟାସ ସହିତ ପେଟ୍ରୋଲ, ଡିଜେଲ ଥିବା ସୂଚନା ସାଟେଲାଇଟ ଚିତ୍ର ମାଧ୍ୟମରେ ଆସିବା ପରେ କମ୍ପାନୀ କୁଶୁପୁରୁ ମୌଜାର ୩୭ଜଣ ଚାଷୀଙ୍କୁ ୯୭ ଲକ୍ଷ ଟଙ୍କା ଦେଇ ୩ ବର୍ଷ ଲାଗି ଲିଜ ସୂତ୍ରରେ ନେଇ ଖନନ କାର୍ଯ୍ୟ ଆରମ୍ଭ ହୋଇଥିଲା। କାର୍ଯ୍ୟ ଆରମ୍ଭର ପ୍ରଥମ ପର୍ଯ୍ୟାୟରେ ୩୦ ମିଟର ବୋରିଂ କରାଯାଇଥିଲା। ଦେଶ ବିଦେଶରୁ ୫୦ରୁ ଊଦ୍ଧର୍ବ ଅତ୍ୟାଧୁନିକ ମେଶିନ ଅଣାଯାଇଥିବା ବେଳେ ବୋରିଂ କାର୍ଯ୍ୟ କରିବାରେ ମୁଖ୍ୟ ମେଶିନ କୁହାଯାଉଥିବା ରିଗ ମେଶିନ ମଧ୍ୟ ଲଗାଇ ଦିଆଯାଇଛି। ତେବେ ଅଏଲ ଇଣ୍ତିଆ କମ୍ପାନୀ ପକ୍ଷରୁ ମୋଟ ୩ ହଜାର ମିଟର ବୋରିଂ ପ୍ରକ୍ରିୟା କରାଯିବ ବୋଲି ସୂଚନା ମିଳିଥିବା ବେଳେ ପ୍ରଥମ ପର୍ଯ୍ୟାୟରେ ୩୦ ମିଟର ବୋରିଂ ସରିଥିବା ବେଳେ ଦ୍ୱିତୀୟରେ ୨୨୫୦ ମିଟର ଓ ତୃତୀୟ ପର୍ଯ୍ୟାୟ ବାକିଥିବା ୭୨୦ ମିଟର ବୋରିଂ ପ୍ରକ୍ରିୟା ଆରମ୍ଭ କରାଯିବ। ଏହି କାର୍ଯ୍ୟ ପାଇଁ ୩୫ରୁ ଊଦ୍ଧର୍ବ ଇଞ୍ଜିନିୟର,୨୦ରୁ ଊର୍ଦ୍ଧ୍ୱ କର୍ମଚାରୀ ନିୟୋଜିତ ହୋଇଛନ୍ତି।
୨୦୨୦ ମସିହାରୁ ରାଜ୍ୟ ଓ ଜିଲାର ବିଭିନ୍ନ ସ୍ଥାନରେ ଖନନ ପ୍ରକ୍ରିୟା କାର୍ଯ୍ୟ ଆରମ୍ଭ ହୋଇଥିବା ବେଳେ ଗୋପ ବ୍ଲକର କୁଶୁପୁରୁ ମୌଜାର କୁଶୁପୁରୁ ଓ ମହଲପଡା ପଞ୍ଚାୟତର ଚିତ୍ରା ମୌଜାରେ ପ୍ରଚୁର ପରିମାଣର ପ୍ରାକୃତିକ ଗ୍ୟାସ ସହିତ ପେଟ୍ରୋଲ ଡିଜେଲର ସନ୍ଧାନ ମିଳିଥିଲା। ସମସ୍ତ କାର୍ଯ୍ୟ ସମ୍ପର୍କରେ ଅଏଲ ଇଣ୍ତିଆ କମ୍ପାନୀ ପକ୍ଷରୁ ଥିବା ଜଣେ ଇଞ୍ଜିନିୟରଙ୍କୁ ପଚାରିବାରେ କ୍ବିପା ସଂସ୍ଥା ଦ୍ବାରା ସମସ୍ତ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଦ୍ୱିତୀୟ ପର୍ଯ୍ୟାୟରେ ବଡ଼ ଆକାରର ବୋରିଂ ପ୍ରକ୍ରିୟା ଶେଷ ହେବା ପରେ କେତେ ପରିମାଣର ପ୍ରାକୃତିକ ଗ୍ୟାସ ସହିତ ଅନ୍ୟାନ୍ୟ ଜିନିଷ ରହିଥିବାର ସ୍ପଷ୍ଟ ଚିତ୍ର ଜଣାପଡ଼ିବ ବୋଲି ସୂଚନା ଦେଇଥିଲେ।
