କୋନାକ୍ରି,୧୬ ।୨: କରୋନା ମହାମାରୀ ଭିତରେ ପଶ୍ଚିମ ଆଫ୍ରିକା ଦେଶ ଗିନିରେ ୫ ବର୍ଷ ପରେ ପୁଣିଥରେ ଇବୋଲା ବ୍ୟାପିବା ଆରମ୍ଭ କରିଛି । ଏବେ ପର୍ଯ୍ୟନ୍ତ ଏଥିରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି । ଏହି ସଂକ୍ରମଣକୁ ଦେଖି ଗିନି ସରକାର ଏହାକୁ ମହାମାରୀ ଘୋଷଣା କରିଛନ୍ତି । ସୂଚନାଯୋଗ୍ୟ, ଗୋଉଇକେରେ ଏକ ଅନ୍ତିମ ସଂସ୍କାର କାର୍ଯ୍ୟକ୍ରମରେ ଯୋଗଦେବା ପରେ ୭ଜଣ ଲୋକଙ୍କ ନିକଟରେ ଡାଇରିଆ, ବାନ୍ତି, ରକ୍ତ ପଡିବା ଭଳି ଲକ୍ଷଣ ଦେଖାଯାଇଥିଲା । ଏହାପରେ ସେଠାକାର ଅଞ୍ଚଳରେ ଇବୋଲା ବ୍ୟାପିଥିବା ଜଣା ପଡିଥିଲା । ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ମୁତାବିକ ଏବେ ସମସ୍ତ ସଂକ୍ରମିତଙ୍କ ଚିକିତ୍ସା ଚାଲିଛି । ଗିନିରେ ୨୦୧୩-୨୦୧୬ ମଧ୍ୟରେ ଇବୋଲା ବ୍ୟାପିଥିଲା । ଏବେ ପର୍ଯ୍ୟନ୍ତ ଏହି ମହାମାରୀରେ ପଶ୍ଚିମ ଆଫ୍ରିକାରେ ୧୧,୩୦୦ଲୋକଙ୍କ ମୃତୁ ହୋଇଥିବା କୁହାଯାଏ ।
