Posted inଖେଳ

ମାଲେସିଆ, ଦକ୍ଷିଣ ଆଫ୍ରିକା, ଆର୍ଜେଣ୍ଟିନା, ନ୍ୟୁଜିଲାଣ୍ଡ ଦଳକୁ ସ୍ବାଗତ

ଭୁବନେଶ୍ୱର, ୭ା୧(କ୍ରୀଡ଼ା ପ୍ରତିନିଧି): ଆସନ୍ତା ହକି ବିଶ୍ୱକପ ଖେଳିବା ପାଇଁ ମାଲେସିଆ, ଦକ୍ଷିଣ ଆଫ୍ରିକା, ଆର୍ଜେଣ୍ଟିନା ଓ ନ୍ୟୁଜିଲାଣ୍ଡ ଦଳ ଶୁକ୍ରବାର ଭୁବନେଶ୍ୱରରେ ପହଞ୍ଚତ୍ଛନ୍ତି। ସ୍ଥାନୀୟ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ଦଳଗୁଡ଼ିକୁ ଭବ୍ୟ ସ୍ବାଗତ କରାଯାଇଛି। ଆଗାମୀ ବିଶ୍ୱକପ ଭୁବନେଶ୍ୱର ଓ ରାଉରକେଲାରେ ଜାନୁୟାରୀ ୧୩ରୁ ୨୯ ପର୍ଯ୍ୟନ୍ତ ଅନୁଷ୍ଠିତ ହେବ।
ମାଲେସିଆ ଦଳ ପୁଲ୍‌ ‘ସି’ରେ ନେଦରଲାଣ୍ଡ୍ସ, ନ୍ୟୁଜିଲାଣ୍ଡ ଓ ଚିଲି ସହିତ ସ୍ଥାନ ପାଇଛି। ଆଗାମୀ ବିଶ୍ୱକପରେ ପ୍ରଦର୍ଶନର ଛାପ ଛାଡ଼ିବା ଏହି ଦଳର ମୁଖ୍ୟ ଲକ୍ଷ୍ୟ। ”ଓଡ଼ିଶାରେ ଖେଳିବାପାଇଁ ଆମେ ବ୍ୟଗ୍ରତାର ସହ ଅପେକ୍ଷା କରିଛୁ। ଏହି ଟୁର୍ନାମେଣ୍ଟ ଆମପାଇଁ ସ୍ବତନ୍ତ୍ର ହେବ ବୋଲି ଆଶା ରଖିଛୁ। ଅଭ୍ୟାସ ଭଲ ହୋଇଥିବାରୁ ପ୍ରଦର୍ଶନର ଛାପ ଛାଡ଼ିପାରିବୁ ବୋଲି ଆଶା ରହିଛି“ ବୋଲି ଅଧିନାୟକ ମାରହାନ ଜଲିଲ ପ୍ରକାଶ କରିଛନ୍ତି। କୋଚ୍‌ ଅରୁଲ ଆନ୍ଥୋନୀଙ୍କ ପ୍ରଶିକ୍ଷଣପ୍ରାପ୍ତ ଦଳ ୨୦୨୨ ସୁଲତାନ ଆଜଲାନ ଶାହ କପ୍‌ ଚାମ୍ପିୟନ ହୋଇଥିଲା। ୧୯୭୫ ବିଶ୍ୱକପରେ ଦଳ ଏହାର ଶ୍ରେଷ୍ଠ ପ୍ରଦର୍ଶନ କରିଥିଲା। ଆୟୋଜକ ଦଳଭାବେ ୪ର୍ଥ ସ୍ଥାନ ଅଧିକାର କରିଥିଲା। ଏହି ସଂସ୍କରଣରେ ଭାରତ ଚାମ୍ପିୟନ ହୋଇଥିଲା। ବିଶ୍ୱର ୧୬ଟି ଶ୍ରେଷ୍ଠ ଦଳ ଅଂଶଗ୍ରହଣ କରୁଥିବାରୁ ଭଲ ଆରମ୍ଭ ଆମର ପ୍ରଥମ ଲକ୍ଷ୍ୟ ରହିବ ବୋଲି ଆନ୍ଥୋନୀ ପ୍ରକାଶ କରିଛନ୍ତି।
ଦକ୍ଷିଣ ଆଫ୍ରିକା ଦଳ ପୁଲ୍‌ ‘ଏ’ରେ ଅଷ୍ଟ୍ରେଲିଆ, ଆର୍ଜେଣ୍ଟିନା ଓ ଫ୍ରାନ୍ସ ସହିତ ସ୍ଥାନ ପାଇଛି। ”ଅଷ୍ଟ୍ରେଲିଆ ଓ ଆର୍ଜେଣ୍ଟିନା ବିପକ୍ଷ ମ୍ୟାଚ ଉପରେ ଆମର ମୁଖ୍ୟତଃ ଫୋକସ ରହିବ। ଏଥର ୨ଟି ଭେନ୍ୟୁରେ ଟୁର୍ନାମେଣ୍ଟ ହେବାକୁ ଯାଉଛି। ଭରପୂର ଦର୍ଶକଙ୍କ ସମ୍ମୁଖରେ ଖେଳିବାର ଭିନ୍ନ ଅନୁଭୂତି ରହିବ“ ବୋଲି ମୁଖ୍ୟ କୋଚ୍‌ ଚେସଲିନ୍‌ ଗି’ ପ୍ରକାଶ କରିଛନ୍ତି। ୧୯୭୪ରେ ଅଷ୍ଟ୍ରେଲିଆର ସିଡ୍‌ନୀରେ ପ୍ରଥମ ବିଶ୍ୱକପ ଖେଳିଥିବା ଦକ୍ଷିଣ ଆଫ୍ରିକା ପାଇଁ ଏହା ହେବ ହକି ମହାକୁମ୍ଭ। ଡାୟାନ କାସିଏମ୍‌ ଦଳର ଅଧିନାୟକ ଅଛନ୍ତି। ପ୍ରଦର୍ଶନ ମାଧ୍ୟମରେ ଦେଶକୁ ଗର୍ବିତ କରିବା ଆମର ମୁଖ୍ୟ ଲକ୍ଷ୍ୟ ବୋଲି କାସିଏମ ପ୍ରକାଶ କରିଛନ୍ତି।
ବ୍ଲାକ୍‌ ଷ୍ଟିକ୍ସ (ନ୍ୟୁଜିଲାଣ୍ଡ) ଦଳର ନେତୃତ୍ୱ ନେଉଛନ୍ତି ନିକ୍‌ ଉଡ୍ସ। ଏହି ଦଳ ୨୦୨୨-୨୩ ପ୍ରୋ-ଲିଗ୍‌ରେ ଏଠାରେ ଭାରତ ବିପକ୍ଷରେ ମ୍ୟାଚ ଖେଳିଥିଲା। ଗ୍ରେଗ୍‌ ନିକୋଲ ଏହାର ମୁଖ୍ୟ କୋଚ୍‌। ଓଡ଼ିଶାକୁ ପ୍ରତ୍ୟାବର୍ତ୍ତନ କରି ଆମେ ବହୁତ ଖୁସି। ଏଠାକାର ହକିପ୍ରିୟ ଦର୍ଶକଙ୍କ ସମ୍ମୁଖରେ ଖେଳିବାର ମଜା ଭିନ୍ନ ରହିବ। ପ୍ରୋ ଲିଗ୍‌ରେ ଆମେ ଏଠାରେ ଭାରତ ଓ ସ୍ପେନ୍‌ ବିପକ୍ଷରେ ଖେଳିଥିଲୁ। ଏହାପରେ ସ୍ବଦେଶ ଯାଇ ଟ୍ରେନିଂ କ୍ୟାମ୍ପ କରିଥିଲୁ। ଆକ୍ରମଣାତ୍ମ ରଣନୀତିରେ ଖେଳିବା ଆମର ମୁଖ୍ୟ ଲକ୍ଷ୍ୟ ରହିବ ବୋଲି ଉଡ୍ସ ପ୍ରକାଶ କରିଛନ୍ତି।
ଲିଓନେଲ ମେସି ଓ ଜାତୀୟ ଫୁଟବଲ ଦଳରୁ ପ୍ରେରଣା ଲାଭ କରିଥିବା ଆର୍ଜେଣ୍ଟିନା ଏଠାରେ ଶ୍ରେଷ୍ଠ ପ୍ରଦର୍ଶନ ପାଇଁ ପ୍ରତିଶ୍ରୁତିବଦ୍ଧ। ଆର୍ଜେଣ୍ଟିନା ଦଳ କାତାରରେ ଫିଫା ବିଶ୍ୱକପ ଚାମ୍ପିୟନ ହୋଇଥିଲା। ଆଗାମୀ ହକି ବିଶ୍ୱକପରେ ମଧ୍ୟ ଦଳ ଅନୁରୂପ ପ୍ରଦର୍ଶନ ଆଶା ରଖିଛି। ଏହା କଷ୍ଟସାଧ୍ୟ ହୋଇଥିଲେ ହେଁ ଆମେ ଟ୍ରଫି ଜିତି ଦେଶକୁ ଗର୍ବିତ କରିବାକୁ ଚାହୁଁ ବୋଲି ଅଧିନାୟକ ମାଥିଆସ ରେ’ ପ୍ରକାଶ କରିଛନ୍ତି। ମାରିଆନୋ ରୋନକୋନି ଆର୍ଜେଣ୍ଟିନା ଦଳର କୋଚ୍‌ ଅଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଐତିହାସିକ ବିଜୟ ପରେ ଆଫଗାନିସ୍ତାନ ସଡ଼କରେ ଜନ ସମୁଦ୍ର

କାବୁଲ,୨୫।୬: ଯାହା ଆଶା କରାଯାଇନଥିଲା ଆଫଗାନିସ୍ତାନ କ୍ରିକେଟ ଟିମ ବିଶ୍ୱରେ ତାହା କରି ଦେଖାଇଲା। ଏହି ଦଳ ଟି -୨୦ ବିଶ୍ୱକପ ୨୦୨୪ର ସେମିଫାଇନାଲରେ ପ୍ରବେଶ...

ଅନ୍ତର୍ଜାତୀୟ କ୍ରିକେଟରେ ଡେଭିଡଙ୍କ କ୍ୟାରିୟର ଶେଷ

ନୂଆଦିଲ୍ଲୀ,୨୫।୬: ଆଫଗାନିସ୍ତାନ କ୍ରିକେଟ ଦଳ ଟି -୨୦ ବିଶ୍ୱକପ ୨୦୨୪ର ସେମିଫାଇନାଲରେ ସ୍ଥାନ ପାଇଛି। ବାଂଲାଦେଶ ଉପରେ ବିଜୟ ସହ ଆଫଗାନିସ୍ତାନ ପ୍ରଥମ ଥର ପାଇଁ...

ଇତିହାସ ରଚିଲା ଆଫଗାନିସ୍ତାନ, ପ୍ରଥମ ଥର ପହଞ୍ଚିଲା ସେମିଫାଇନାଲ

ନୂଆଦିଲ୍ଲୀ, ୨୫।୬: ଟି-୨୦ ବିଶ଼୍ବକପ୍‌ ୨୦୨୪ରେ ଇତିହାସ ରଚିଛି ଆଫଗାନିସ୍ତାନ ଟିମ୍‌ । ଦଳ ସେମିଫାଇନାଲ୍‌ ରାସ୍ତା ସଫା କରିଛି । ପ୍ରଥମ ଥର ଏହି...

ଭାରତ ପାଖରେ ବଡ଼ ସୁଯୋଗ

ସେଣ୍ଟ ଲୁସିଆ, ୨୫।୬: ଭାରତ ଚଳିତ ଟି୨୦ କ୍ରିକେଟ ବିଶ୍ୱକପର ସେମିଫାଇନାଲରେ ପ୍ରବେଶ କରିଛି। ସୋମବାର ଅନୁଷ୍ଠିତ ସୁପର-୮ ମ୍ୟାଚରେ ଅଷ୍ଟ୍ରେଲିଆକୁ ୨୪ ରନରେ ହରାଇ...

ଚମକାଇ ଦେଲେ ରୋହିତ୍‌, ପାରିଲେନି ଅଷ୍ଟ୍ରେଲିଆ ବୋଲର

ନୂଆଦିଲ୍ଲୀ, ୨୫।୬: ଅଧିନାୟକ ରୋହିତ ଶର୍ମାଙ୍କ ବିସ୍ଫୋରକ ବ୍ୟାଟିଂ ବଳରେ ଭାରତ ଟି୨୦ କ୍ରିକେଟ ବିଶ୍ୱକପର ସୋମବାର ଅନୁଷ୍ଠିତ ଅଷ୍ଟ୍ରେଲିଆ ବିପକ୍ଷ ସୁପର-୮ ମ୍ୟାଚରେ ବୃହତ...

ବଦ୍‌ଲା ନେବ ଭାରତ, ଏହି ଦେଶ ସହ ବଡ଼ ମୁକାବିଲା

ନୂଆଦିଲ୍ଲୀ, ୨୫।୬: କଙ୍ଗାରୁ ଦଳକୁ ହରାଇ ଟିମ ଇଣ୍ଡିଆ ଟି-୨୦ ବିଶ୍ୱକପ ୨୦୨୪ର ସେମିଫାଇନାଲରେ ପ୍ରବେଶ କରିଛି । ସୁପର-୮ର ଶେଷ ମ୍ୟାଚ୍‌ରେ ଟିମ ଇଣ୍ଡିଆ...

ଅଷ୍ଟ୍ରେଲିଆକୁ ହରାଇ ସେମିଫାଇନାଲରେ ପହଞ୍ଚିଲା ଭାରତ

ଗ୍ରସ ଆଇସ୍ଲେଟ, ୨୪।୬: ସେଣ୍ଟ ଲୁସିଆସ୍ଥିତ ଡାରେନ ସାମି ଜାତୀୟ କ୍ରିକେଟ ଷ୍ଟାଡିୟମରେ ସୋମବାର ଖେଳାଯାଇଥିବା ଟି୨୦ କ୍ରିକେଟ ବିଶ୍ୱକପର ଶେଷ ସୁପର-୮ ମ୍ୟାଚ୍‌ରେ ଅଷ୍ଟ୍ରେଲିଆକୁ...

ଅଷ୍ଟ୍ରେଲିଆ ଆଗରେ ୨୦୬ ରନ୍‌ର ଟାର୍ଗେଟ୍‌

ଗ୍ରସ ଆଇସ୍ଲେଟ, ୨୪।୬: ସେଣ୍ଟ ଲୁସିଆସ୍ଥିତ ଡାରେନ ସାମି ଜାତୀୟ କ୍ରିକେଟ ଷ୍ଟାଡିୟମରେ ସୋମବାର ଖେଳାଯାଉଥିବା ଶେଷ ସୁପର-୮ ମ୍ୟାଚ୍‌ରେ ଅଷ୍ଟ୍ରେଲିଆ ଟସ୍‌ ଜିତି ପ୍ରଥମେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri