ପିନ୍ଧିବେ ନା ସଜାଇ ରଖିବେ

ପାଦକୁ ସୁରକ୍ଷା ଦେବା ସହିତ ଏବେ ଜୋତା ସୌଖୀନ ଓ ଷ୍ଟାଟସ୍‌ର ପ୍ରତୀକ ବି ପାଲଟିଗଲାଣି। ଆଉ ମହିଳାଙ୍କର ପ୍ରିୟ ହେଉଛି ହାଇ ହିଲ୍ସ। ଏହି ହାଇ ହିଲ୍ସରେ ବି ଏମିତି ସବୁ ଆକର୍ଷକ ଡିଜାଇନ୍‌ ଉପଲବ୍ଧ ହେଉଛି ଯେ, ତାକୁ ପିନ୍ଧିବାକୁ ଇଚ୍ଛା ହେବ ନାହିଁ ବରଂ ସଜାଇ ରଖିବାକୁ ଇଚ୍ଛା ହେବ…

ହୁଲା ଗର୍ଲ ହିଲ୍ସ: ହାଓ୍ବାଇର ହୁଲା ନୃତ୍ୟ ସାରା ପୃଥିବୀରେ ଚର୍ଚ୍ଚିତ। ଏଥିରେ ସୁନ୍ଦରୀ ମହିଳାମାନେ ପତ୍ର, ଫୁଲ, ଫଳକୁ ନେଇ ପ୍ରସ୍ତୁତ ସୁନ୍ଦର ପୋଷାକ ଓ ଅଳଙ୍କାର ପିନ୍ଧି ପ୍ରକୃତିରାଣୀ ଭଳି ଦେଖାଯାଆନ୍ତି। ଆଉ ପାରମ୍ପରିକ ହୁଲା ନୃତ୍ୟ କରନ୍ତି। ଏହି ହୁଲା ନୃତ୍ୟ ଥିମ୍‌କୁ ନେଇ ତିଆରି ହୋଇଛି ମହିଳାଙ୍କ ପାଇଁ ଏକପ୍ରକାରର ଖୁବ୍‌ ଆକର୍ଷକ ହାଇ ହିଲ୍ସ। ଏହାର ହିଲ୍‌ରେ ସୁନ୍ଦର ହୁଲା ଗର୍ଲ କଣ୍ଢେଇ ଦେଖିବାକୁ ମିଳେ। ତା’ସହ ସୁଜ୍‌ରେ ହୋଇଥିବା ଫ୍ଲୋରାଲ ପ୍ରିଣ୍ଟ ଓ ଏଥିରେ ଖଚିତ ଆର୍ଟିଫିସିଆଲ ଫୁଲ ଏହାକୁ ଅଧିକ ଆକର୍ଷକ କରିଥାଏ। ଏହାର ମୂଲ୍ୟ ୧୯୦ ଡଲାରରୁ ୨୨୦ ଡଲାର ମଧ୍ୟରେ ରହିଥାଏ।

ଗାର୍ଡେନ ପାର୍ଟି ଓ୍ବେଜେସ୍‌: ଏହି ସୁଜ୍‌ ମଧ୍ୟ ବେଶ୍‌ ଆକର୍ଷକ। ଫ୍ଲୋରାଲ୍‌ ପ୍ରିଣ୍ଟର ଏମ୍ବ୍ରୋଡୋରି ହେବା ସହ ଏହାର ହିଲ୍‌ ସ୍ଥାନରେ ଦେଖିବାକୁ ମିଳେ କାଚ ମଧ୍ୟସ୍ଥ ଏକ ଛୋଟ ବଗିଚା। ଏହି ବଗିଚା ଭିତରେ ସୁନ୍ଦର ଗଛ, ଫୁଲ ଓ କୁନି ହରିଣ ଦେଖିପାରିବେ। ଫଳରେ ଏହି ସୁଜ୍‌କୁ ପିନ୍ଧିବା ପାଇଁ ମନ ଜମାରୁ ହେବନି। ବରଂ ଘରେ ଶୋ’ ପିସ୍‌ଭାବ ସଜାଇ ରଖିବାକୁ ଚାହିଁବେ। ଏହାର ମୂଲ୍ୟ ୨୪୯ ଡଲାର।

ଡୋଲ୍ସ ଗବାନାର ପାଇନାପଲ୍‌ ସ୍ୟାଣ୍ଡଲ: ଡୋଲ୍ସ ଆଣ୍ଡ ଗବାନା କମ୍ପାନୀର ଏହା ହେଉଛି ସ୍ପ୍ରିଙ୍ଗ/ସମର୍‌ କଲେକ୍ସନ। ଗୋଲାପୀ ରଙ୍ଗର ଏହି ସ୍ୟାଣ୍ଡେଲରେ ପାଇନାପଲ୍‌ ପ୍ରିଣ୍ଟ ହେବା ସହ ହିଲ୍‌ରେ ପାଇନାପଲ୍‌ ବା ସପୁରି କଳାକୃତୀ ଦେଖିବାକୁ ପାଇବେ।
ମିକି ମାଉସ୍‌ ପମ୍ପ୍‌ସ: ଏହି ସୁଜ୍‌ ମିକି ମାଉସ୍‌ ଆଣ୍ଡ ଫ୍ରେଣ୍ଡସ୍‌ ସୁଜ୍‌ କଲେକ୍ସନର ଅନ୍ତର୍ଭୁକ୍ତ ଅଟେ। ଲାଲ ଓ କଳା ରଙ୍ଗର ଏହି ପମ୍ପସ୍‌ର ହିଲ୍‌ ସ୍ଥାନରେ ମିକି ମାଉସ୍‌ ଠିଆ ହୋଇଥିବା ଭଳି ଡିଜାଇନ୍‌ କରାଯାଇଛି। ଏହାର ମୂଲ୍ୟ ୨୬୫ ଡଲାର।

ଗୁସି ବ୍ରାଣ୍ଡର ଜେବ୍ରା ପ୍ରିଣ୍ଟ ଲେଦର ଓ ଫର୍‌ ପମ୍ପ୍‌ସ: ଜେବ୍ରା ପ୍ରିଣ୍ଟ ପୋଷାକ ତ ପିନ୍ଧିଥିବେ। ତେବେ ଜେବ୍ରା ପ୍ରିଣ୍ଟର ହାଇ ହିଲ୍ସ ବି ଅଛି। ଗୁସି ବ୍ରାଣ୍ଡ ଏହି ଜୋତା ତିଆରି କରିଛି। ଏହା ଏକ ପମ୍ପସ୍‌ ଅଟେ। ଉକ୍ତ ପମ୍ପସ୍‌ର ଏକ କୌତୁହଳମୟ ବିଶେଷତ୍ୱ ହେଉଛି ଯେ, ଜୋତାର ପଛଭାଗରେ ଜେବ୍ରା ପରି ଲାଞ୍ଜ ବି ଅଛି। କିଛି ୟୁନିକ ପିନ୍ଧିବାକୁ ପସନ୍ଦ କରୁଥିବା ମହିଳାଙ୍କ ପାଇଁ ଲେଦର୍‌ ଓ ଫର୍‌ରେ ପ୍ରସ୍ତୁତ ଏହି ଜେବ୍ରା ପମ୍ପ୍‌ସ ଭଲ ଅପ୍ସନ।

ଗନ୍‌ ପରି ହିଲ୍ସ: ମିନି ବ୍ଲାକ୍‌ ଡ୍ରେସ୍‌ ସହ ଗନ୍‌ ବା ବନ୍ଧୁକ ପରି ଦେଖାଯାଉଥିବା ଏହି ହିଲ୍ସ ବୋଲ୍ଡ ଲୁକ୍‌ ଦେବ। କେବଳ ଯେ ଏହା ଗନ୍‌ ପରି ଦେଖିବାକୁ ତାହା ନୁହେଁ, ଏଥିରେ ବୁଲେଟ୍‌ ବା ଗୁଳି ବି ଦେଖିବାକୁ ପାଇବେ। ତେବେ ଏହାକୁ ଏୟାରପୋର୍ଟ ପରି ହାଇ ସିକ୍ୟୁରିଟି ସ୍ଥାନରେ ପିନ୍ଧିପାରିବେ ନାହିଁ।

ଡାଇସ୍‌ ହିଲ୍‌ ପମ୍ପସ୍‌: ଲୁଡୋ ଖେଳରେ ବ୍ୟବହୃତ ଡାଇସ୍‌ ବା ଗୋଟି ଥିମ୍‌ର ଅଟେ ଏହି ପମ୍ପସ୍‌। ଉକ୍ତ ପମ୍ପସ୍‌ର ପଛଭାଗରେ ଡାଇସ୍‌ଗୁଡିକ ଥାକ ଥାକ ହୋଇ ରହି ହିଲ୍‌ର କାମ କରିଥାଏ। କଳା ଓ ଲାଲ ରଙ୍ଗରେ ଉପଲବ୍ଧ ଏହି ଡାଇସ୍‌ ହିଲ୍‌ ପମ୍ପସ୍‌ ଦେଖିବାକୁ ବେଶ୍‌ ଆକର୍ଷକ।

ମୋଜିତୋ ଟୁଇଷ୍ଟେଡ୍‌ ସ୍ୟାଣ୍ଡେଲ: କମଳା ଲେମ୍ବୁର ଚୋପା ଛଡ଼ାଇଲେ ଚୋପା ଯେଉଁଭଳି ମୋଡ଼ି ମୋଡ଼ି ହୋଇ ରହେ, ଠିକ୍‌ ସେହିଭଳି ଦେଖିବାକୁ ଅଟେ ଏହି ସ୍ୟାଣ୍ଡେଲ। ପ୍ରଥମ ନଜରରେ ତ ଯେକେହି ଏହାକୁ କିଭଳି ପିନ୍ଧାଯିବ ଦ୍ୱନ୍ଦ୍ୱରେ ପଡ଼ିଯିବେ। ଏହି ଅଜବ ସ୍ୟାଣ୍ଡେଲର ମୂଲ୍ୟ ୩୯୦ ଡଲାର ଅଟେ।


Enter your email to get our daily news in your inbox.

All Right Reserved By Dharitri.Com

ସ୍ତନ୍ୟପାନ କରାଉଥିବା ମା’ଙ୍କୁ ଡାଇବେଟିସ୍‌ ଆଶଙ୍କା କମ୍‌…

ଜନ୍ମ ପରେ ନବଜାତକଙ୍କୁ ସ୍ତନ୍ୟପାନ କରାଉଥିବା ମହିଳା ଡାଇବେଟିସ୍‌ରୁ ଦୂରେଇ ରୁହନ୍ତି। ସେମାନଙ୍କ କ୍ଷେତ୍ରରେ ଡାଇବେଟିସ୍‌ ଆଶଙ୍କା ହ୍ରାସ ପାଇଥାଏ ବୋଲି ଚିକିତ୍ସା ବିଜ୍ଞାନୀ ପରାମର୍ଶ...

ସୌନ୍ଦର୍ଯ୍ୟ ବଢ଼ାଇବାକୁ ଚାହୁଁଥିଲେ…

ଅଦା ସ୍ବାସ୍ଥ୍ୟ ଲାଗି ଲାଭ ଦାୟକ ହୋଇଥାଏ। ଏହାର ଅନେକ ପ୍ରକାର ଚମତ୍କାର ଗୁଣ ସମ୍ପର୍କରେ ଆପଣ ଆଗରୁ ଜାଣିଥିବେ ବା ନିଜେ ମଧ୍ୟ ଅନୁଭବ...

ଏସବୁ ଦିଗପ୍ରତି ଧ୍ୟାନଦେଲେ ଅଣ୍ଟା ଯନ୍ତ୍ରଣାରୁ ମିଳେ ମୁକ୍ତି

ଆଜିକାଲି ଅଧିକାଂଶ ଲୋକ ଅଣ୍ଟା ଯନ୍ତ୍ରଣାକୁ ନେଇ ଚିନ୍ତିତ। କିନ୍ତୁ କିଛିଦିଗ ପ୍ରତି ଧ୍ୟାନ ଦେଲେ ଏହି ଯନ୍ତ୍ରଣାରୁ ମୁକ୍ତି ମିଳିବ। ଜାଣନ୍ତୁ ଏ ସମ୍ପର୍କରେ…...

ଉଚ୍ଚ ରକ୍ତଚାପରେ ପୀଡ଼ିତ କି? ଭୁଲରେ ବି ଖାଆନ୍ତୁ ନାହିଁ ଏସବୁ..

ଆଜିକାଲି ମଧୁମେହ, ରକ୍ତଚାପ ଜନିତ ସମସ୍ୟା ସାଧାରଣ କଥା ପାଲଟିଲାଣି। ହେଲେ ଏହା ସ୍ବାସ୍ଥ୍ୟ ପ୍ରତି ହାନିକାରକ। ସାରା ଜୀବନ ଏହା ପିଛା ଛାଡ଼ି ନ...

ଅସନ୍ତୁଳିତ ଜୀବନଶୈଳୀ ଓ ମେଦବହୁଳତା

ଆଜିକାଲିର ବ୍ୟସ୍ତମୟ ଜୀବନରେ ନିଜର ସ୍ବାସ୍ଥ୍ୟ ପ୍ରତି ସଚେତନ ରହିବା ନିହାତି ଦରକାର। ହେଲେ ଅଧକାଂଶ ବ୍ୟକ୍ତି ନିଜର ଜୀବନଶୈଳକୁ ସନ୍ତୁଳିତ ରଖିବାକୁ ଚେଷ୍ଟା କରିଥାଆନ୍ତି।...

ହାଡ଼ ମଜଭୁତ କରେ କଞ୍ଚା ପନିର

ପନିର ଖାଇଲେ ଶରୀରରେ ଚର୍ବି ଅଂଶ ବୃଦ୍ଧି ପାଇଥାଏ ବୋଲି ଅଧିକାଂଶ ଲୋକଙ୍କ ମନରେ ଧାରଣା ଅଛି। ହେଲେ କଞ୍ଚା ପନିର ଶରୀର ପାଇଁ ଖୁବ୍‌...

ନିଜ ଖୁସି ନିଜ ହାତରେ

ବାସ୍ତୁଶାସ୍ତ୍ର ଅନୁଯାୟୀ, ଘରକୁ ଯେ କେବଳ କିଛି ନୂଆ ଜିନିଷ କିଣି ଆଣିଲେ କିମ୍ବା କିଛି ନୂଆ ଉପାୟ ଅବଲମ୍ବନ କଲେ ନୂଆବର୍ଷର ଖୁସି ବଢିଯିବ,...

ବଲିଉଡ୍‌ ଡିଭାଙ୍କ ହ୍ୟାଣ୍ଡବ୍ୟାଗ୍‌: ଯାହା ଉପରେ ସେମାନେ କରିଥାନ୍ତି ଲକ୍ଷାଧିକ ଖର୍ଚ୍ଚ

ଲୁକ୍‌କୁ ପରଫେକ୍ଟ କରେ ଏକ ମ୍ୟାଚିଂ ହ୍ୟାଣ୍ଡବ୍ୟାଗ୍‌। ଏହା ଗ୍ଲାମର୍‌କୁ ବି ବଢ଼ାଇଥାଏ। ସେଇଥିପାଇଁ ତ ବଲିଉଡ୍‌ର ଡିଭାମାନେ ଏହା ଉପରେ କରନ୍ତି ଅନେକ ଖର୍ଚ୍ଚ।...

Advertisement


Archives

Model This Week