ଖରାଦିନ ଆରମ୍ଭରୁ ରାଜକନିକାରେ ଜଳକଷ୍ଟ

ରାଜକନିକା,୧୨।୪(ଡି.ଏନ.ଏ.): ଖରାର ପ୍ରକୋପ ଯେତେ ଯେତେ ବଢୁଛି, ପାନୀୟ ଜଳର ସେତେ ଅଭାବ ପରିଲକ୍ଷିତ ହେଉଛି। କେନ୍ଦ୍ରାପଡ଼ା ଜିଲା ରାଜକନିକା ବ୍ଲକ ଅଞ୍ଚଳରେ ଲୋକେ ଏବେ ପାନୀୟ ଜଳ ପାଇଁ ଡହଳ ବିକଳ ହେଉଛନ୍ତି। ଯେଉଁ ବ୍ଲକରୁ ଦିନେ ସରକାରୀ ଖାତା କଲମରେ ଜଳସ୍ତର କମିବ ନାହିଁ ଆକଳନ କରି ଅନ୍ୟ ଜିଲାକୁ ଖରସ୍ରୋତା ନଦୀରୁ ଜଳ ଯୋଗାଇ ଦେବାକୁ ପ୍ରଶାସନ ବଦ୍ଧ ପରିକର ଥିଲା ଏବେ ଚିନ୍ତା ପ୍ରକଟ କରୁଛି। ନଦୀନାଳ ଘେରା ରାଜକନିକା ଅଞ୍ଚଳର ପ୍ରାୟ ସମସ୍ତ ଗଁାରେ ଏବେ ଜଳକଷ୍ଟ ଆରମ୍ଭ ହେଲାଣି।
ନଦୀ ଜଳ ସମୁଦ୍ରକୁ ଭାସି ଯାଉଥିବା ଦର୍ଶାଇ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଜିଲାର ଖରସ୍ରୋତା ନଦୀର ପାଣିକୁ ପଡ଼ୋଶୀ ଭଦ୍ରଜ ଜିଲାକୁ ଦେଇ ମହାନତା ଦେଖାଇବାକୁ କଳବଳ କୌଶଳ ପ୍ରୟୋଗ କରିଥିଲେ। ଏହି ଅଞ୍ଚଳର ପାନୀୟ ଜଳ ବ୍ୟବସ୍ଥା ସ୍ବାଭାବିକ ନ ଥିବା ବେଳେ, ପଡ଼ୋଶୀ ଜିଲାର ଜଳକଷ୍ଟ ସହି ନ ପାରି ଖରସ୍ରୋତାରୁ ପାଣି ଶୋଷଣକୁ ରାଜକନିକାବାସୀ ସହଜରେ ହଜମ ନ କରି ଦୀର୍ଘଦିନ ଧରି ଆନ୍ଦୋଳନ ଓ ପ୍ରତିବାଦ କରିଥିଲେ। ଏଥିସହ ଖରାସ୍ରୋତା ପ୍ରକଳ୍ପକୁ ବନ୍ଦ କରିବାକୁ ସ୍ଥାନୀୟ ଲୋକେ ଓ ପ୍ରଶାସନ ମୁହଁାମୁହିଁ ମଧ୍ୟ ହୋଇଥିଲେ। ଏଥିପାଇଁ ସ୍ଥାନୀୟ ଲୋକଙ୍କୁ ଜେଲ ଦଣ୍ଡ ଭୋଗିବାକୁ ପଡିଥିଲା। ଫଳରେ ରାଜକନିକା ଅଞ୍ଚଳକୁ ପାଇପ ଯୋଗେ ପାଣି ଯୋଗାଇ ଦେବାକୁ ସରକାରୀ ବ୍ୟୟବରାଦରେ ଏକ ପ୍ରକଳ୍ପ ଆରମ୍ଭ ହୋଇଥିଲେ ମଧ୍ୟ ତାହା ଆଶାନୁରୂପ ଅଗ୍ରଗତି ହୋଇପାରିନାହିଁ। ଏମିତି କି ରାଜକନିକା ଗ୍ରାମ୍ୟ ପାନୀୟ ଜଳ ଯୋଗାଣ ବିଭାଗ ପକ୍ଷରୁ ସ୍ଥାପନ କରାଯାଇଥିବା ୯୦ ଭାଗ ନଳକୂପଗୁଡ଼ିକରେ ଭୂତଳ ଜଳସ୍ତର କମିଯିବାରୁ ଆବଶ୍ୟକ ମୁତାବକ ସ୍ବଚ୍ଛ ପାନୀୟ ଜଳ ଯୋଗାଇ ପାରୁନାହିଁ। କେତେ ଗୋଟି ନଳକୂପରୁ ଅଳ୍ପ ପାଣି ବାହାରୁଛି ତ ଆଉ କେତେକ ବାଲିଚର ହୋଇ ପଡ଼ି ରହିଛି। ପୁନଶ୍ଚ ପାଇପ ପାଣିକୁ ଭରସା କରି ୫ରୁ ୭ ଲକ୍ଷ ଟଙ୍କା ବ୍ୟୟରେ ସମସ୍ତ ପଞ୍ଚାୟତରେ ବସା ଯାଇଥିବା ଓ୍ବାଟର ଏଟିଏମ୍‌ଗୁଡ଼ିକ ରକ୍ଷଣାବେକ୍ଷଣ ଅଭାବରୁ ଅକାମୀ ହୋଇପଡ଼ିଛି। ପଞ୍ଚାୟତ ରାଜକୋଷରୁ ଲକ୍ଷାଧିକ ଟଙ୍କା ଖର୍ଚ୍ଚ କରି ପୁଣି ମେଶିନରେ ଟଙ୍କା ପୂରାଇଲେ ପିଇବା ପାଣି ମିଳିବା ଭଳି ଭେଳିକି ସାଧାରଣରେ ଅନେକ ପ୍ରଶ୍ନବାଚୀ ସୃଷ୍ଟି କରିଛି। ସେହିପରି ପ୍ରତି ପଞ୍ଚାୟତରେ ସ୍ବଜଳ ଧାରା ହେଉ କି ବସୁଧା ଯୋଜନାରେ ବସା ଯାଇଥିବା ଓଭରହେଡ ପାଣି ଟାଙ୍କିଗୁଡ଼ିକ ଠିକ୍‌ ଢଙ୍ଗରେ ପରିଚାଳିତ ହେଉ ନ ଥିବାରୁ ଏହିସବୁ ପ୍ରକଳ୍ପରୁ ପାଣି ପାଇବାକୁ ଲୋକେ ହଇରାଣ ହେଉଥିବା ଅଭିଯୋଗ ହେଉଛି। ଗଁା ଗହଳି କଥା ପଚାରେ କିଏ, ସଦର ରାଜକନିକାର ବିଭିନ୍ନ ଗ୍ରାମ, କଲୋନୀ, ବଜାରକୁ ପାଣି ଯୋଗାଇବା ବ୍ୟବସ୍ଥାରେ ମଧ୍ୟ ନିୟମିତ କରାଯାଉନାହିଁ। କେଉଁଠି ପାଣି ପାଇପ୍‌ ଅଛି ତ, ଆଉ କେଉଁଠାରେ ନାହିଁ। ତେବେ ଲୋକଙ୍କୁ ପିଇବା ପାଣି ଯୋଗାଇବାରେ ବ୍ଲକ ପ୍ରଶାସନ ସମ୍ପୂର୍ଣ୍ଣ ବିଫଳ ହୋଇଛି। ଲୋକଙ୍କୁ ସୁବିଧାରେ ପିଇବା ପାଣି ଯୋଗାଇ ଦେବାକୁ ପାନୀୟ ଜଳ ବିଭାଗକୁ ପଞ୍ଚାୟତିରାଜ ବିଭାଗ ସହ ଯୋଡ଼ି ସରକାର ଗୁରୁତର ସହ ନେଇଥିଲେ ମଧ୍ୟ ଲୋକମାନଙ୍କ ସମସ୍ୟା ସମାଧାନ ହେବା ପରିବର୍ତ୍ତେ ବଢ଼ି ଚାଲିଛି। ପଞ୍ଚାୟତ ଦାୟିତ୍ୱରେ ଥିବା ଅଧିକାଂଶ ପାନୀୟ ଜଳ ପ୍ରକଳ୍ପ ବ୍ୟବସ୍ଥାର କେଉଁଠି ମୋଟର ଅଚଳ ତ କେଉଁଠାରେ ବିଜୁଳି ବିଲ ବାକି ପଡ଼ିଛି। ଏ ସବୁ ସତ୍ତ୍ୱେ ରାଜକନିକାର ୨୯ଟି ପଞ୍ଚାୟତରେ କୌଣସି ଗୋଟିକରେ ପାନୀୟ ଜଳର ସୁବ୍ୟବସ୍ଥା ନ ଥାଇ ୨ ବର୍ଷ ହେବ ଘରେ ରହି ପାଇପ୍‌ ଯୋଗେ ପାଣି ପାଇବା ବାହାନାରେ କୌଣସି ନୂଆ ନଳକୂପ ନ ବସାଇବା ସମସ୍ୟାକୁ ଦ୍ୱିଗୁଣିତ କରିଛି। ପାଇପ ଯୋଗେ କେବେ ପାଣି ଆସିବ ବୋଲି ବର୍ତ୍ତମାନ ସମୟରୁ ଜଳର ଉତ୍ସକୁ ଅଣଦେଖା କରିବା, ସୋଲାର ସିଷ୍ଟମରେ ବସା ଯାଇଥିବା ବଟରପଡ଼ା, ବାଘୁଆଶୁଣି, ଦଶଭଗାରିଆଠାରେ ପ୍ରକଳ୍ପ ଅଚଳ ହେବା ରାଜକନିକା ବ୍ଲକର ପାନୀୟ ଜଳ ସମସ୍ୟାକୁ ଉତ୍କଟ କରିଛି। ଏହି ସମସ୍ୟାର ତୁରନ୍ତ ସମାଧାନ ପାଇଁ ସାଧାରଣରେ ଦାବି ହେଉଛି। ଏ ସମ୍ପର୍କରେ ପାନୀୟ ଜଳ ଯୋଗାଣ ବିଭାଗ ଯନ୍ତ୍ରୀ ସଞ୍ଜୟ କୁମାର ଦାସ ପଚାରିବାରେ ଖୁବ୍‌ଶୀଘ୍ର ନଳକୂପଗୁଡିକ ମରାମତି କରାଯିବା ସହ ଖରାପ ଥିବା ପାଣି ଏଟିଏମ୍‌ ଓ ସୋଲାର ସିଷ୍ଟମଗୁଡିକ ସଜଡାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?