ଜଳ ସଂରକ୍ଷଣ: ବର୍ଷକରେ ଫେଲ୍‌

ଯାଜପୁର ଅଫିସ,୧୫।୨: ଓଡ଼ିଶାରେ ଜଳ ସଂରକ୍ଷଣ ପାଇଁ ବିବିଧ ପଦ୍ଧତି ପ୍ରୟୋଗ କରାଯାଇଛି। ଏଥିରେ ରୁଫ୍‌ଟପ୍‌ ରେନ୍‌ୱାଟର ହାରଭେଷ୍ଟିଙ୍ଗ ଷ୍ଟ୍ରକ୍ଚର (ଆର୍‌ଆର୍‌ଏଚ୍‌ଏସ୍‌), ଗ୍ରାଉଣ୍ଡ ୱାଟର ରିଚାର୍ଜ, ବାୟୋଡାଇଭର୍ସିଟି ପାର୍କ ଓ ଗ୍ରିନେରୀ, ଗ୍ରାଉଣ୍ଡ୍‌ ୱାଟର ରେଗୁଲେଶନ, ଜଳାଶୟର ଉନ୍ନତୀକରଣ ଇତ୍ୟାଦି ରହିଛି। ହେଲେ ଶିଳ୍ପାଞ୍ଚଳରେ ମନମୁଖୀ ଭୂତଳ ଜଳ ବ୍ୟବହାର ଏବଂ ବିଭିନ୍ନ ପ୍ରକଳ୍ପ କାର୍ଯ୍ୟକାରିତାରେ ବିଭାଗୀୟ ଆନ୍ତରିକତାର ଅଭାବ ଯୋଗୁ ଭୂତଳ ଓ ବର୍ଷାଜଳ ସଂରକ୍ଷଣ ପଦ୍ଧତି ବ୍ୟାହତ ହେଉଥିବା ମତପ୍ରକାଶ ପାଇଛି। ବିଡ଼ମ୍ବନା ଯେ, ୨୦୧୮-୧୯ରେ ଆର୍‌ଆର୍‌ଏଚ୍‌ଏସ୍‌ ନିର୍ମାଣ ପ୍ରକ୍ରିୟା ଆରମ୍ଭ ହୋଇଥିବାବେଳେ ତାହା ବର୍ଷକ ପରେ ଫୁସ୍‌ ହୋଇଯାଇଛି। ଏପରି କି ୨୦୨୦-୨୧ରେ ସରକାରୀ ଓ ବେସରକାରୀ ଭାବେ ୬,୩୦୦ ଆର୍‌ଆର୍‌ଏଚ୍‌ଏସ୍‌ ନିର୍ମାଣ ପାଇଁ ରହିଥିବା ୩୭ କୋଟି ଟଙ୍କା ବିନିଯୋଗ ହୋଇ ନ ପାରି ଫେରିଯାଇଛି। ଏଥିରୁ ଜଳ ସଂରକ୍ଷଣ ପଦ୍ଧତି ପାଇଁ ସରକାରୀ ଯୋଜନା ବାଟ ହୁଡ଼ିଛି ବୋଲି ସ୍ପଷ୍ଟ ହୋଇଯାଉଛି।

ରାଜ୍ୟରେ ଖଣି ଖନନ, ଶିଳ୍ପାୟନ ଓ ଗୃହ ନିର୍ମାଣ ପାଇଁ ବ୍ୟାପକ ଗଛ କଟାଯାଇ ତା’ ପ୍ରତିବଦଳରେ ବୃକ୍ଷରୋପଣ କରା ନ ଯିବା କାରଣରୁ ପ୍ରବହମାନ ଜଳଉତ୍ସଗୁଡିକର ଜଳ ନିର୍ଗମନ କ୍ଷମତା ହ୍ରାସ ପାଉଛି। ସେହି ଜଳଧାରା ଦିନକୁ ଦିନ ଶୁଷ୍କ ହୋଇଯାଉଛି। ଏ ନେଇ ନ୍ୟାଶନାଲ ଗ୍ରୀନ୍‌ ଟ୍ରିବ୍ୟୁନାଲ (ଏନ୍‌ଜିଟି)ରେ ୩୨୫/୨୦୧୫, ୬୦୬/୨୦୧୮ ଏବଂ ୬୭୩/୨୦୧୮ ନମ୍ବରରେ ମାମଲା ରୁଜୁ ହୋଇଛି। ଫଳରେ ରାଜ୍ୟ ସରକାର ୨୦୧୮-୧୯ ବର୍ଷରେ ଆର୍‌ଆର୍‌ଏଚ୍‌ଏସ୍‌ ନିର୍ମାଣ କରିବାକୁ ନିଷ୍ପତ୍ତି ନେଇଥିଲେ। ସେହିବର୍ଷ ସରକାରୀ ଭାବେ ୩୫୮ ଏବଂ ବେସରକାରୀ ଭାବେ ୯୪୩୮ଟି ଆର୍‌ଆର୍‌ଏଚ୍‌ଏସ୍‌ ନିର୍ମାଣ ହୋଇଥିବା ଜଳ ସମ୍ପଦ ବିଭାଗ ପକ୍ଷରୁ ସୂଚନା ମିଳିଛି। କିନ୍ତୁ ୨୦୧୯-୨୦ ଏବଂ ୨୦୨୦ -୨୧ ବର୍ଷରେ ଆର୍‌ଆର୍‌ଏଚ୍‌ଏସ୍‌ ନିର୍ମାଣରେ ଅଗ୍ରଗତି ଶୂନ ରହିଛି। ଏହି ଦୁଇ ଆର୍ଥିକ ବର୍ଷରେ ଯୋଜନାର ପ୍ରକଳ୍ପ ଅନୁମୋଦନ ଲାଭ କରି ନଥିବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିବା ବିଭାଗ ପକ୍ଷରୁ ଦର୍ଶାଯାଇଛି। ସେହିଭଳି ଭୂତଳ ଜଳ ପୁନଃଭରଣ କ୍ଷେତ୍ରରେ ୨୦୧୯-୨୦ରେ ପୋଖରୀ ଓ ଗାଡ଼ିଆରେ କୂପ ଖନନ ମାଧ୍ୟମରେ ୧୭୯ ସମ୍ପୂର୍ଣ୍ଣ ହୋଇଛି। ୨୦୨୦-୨୧ ବର୍ଷର ଡିସେମ୍ବର ସୁଦ୍ଧା ୬୫ଟି ମଧ୍ୟରୁ ମାତ୍ର ୧୫ଟି ଶେଷ ହୋଇପାରିଛି। ବାୟୋ ଡାଇଭର୍ସିଟି ପାର୍କ ଏବଂ ଗ୍ରିନେରୀ/ପ୍ଲାଣ୍ଟେଶନ କ୍ଷେତ୍ରରେ ନଦୀ, ଡ୍ୟାମ୍‌ସାଇଟ୍‌, ବ୍ୟାରେଜ ଏବଂ କେନାଲ କଡ଼ରେ ୨୦୧୮ ବର୍ଷାଋତୁରେ ୧୦,୯୪,୬୯୯ ଚାରାଗଛ ଲଗାଯାଇଥିବା ବିଭାଗ ପକ୍ଷରୁ ଦାବି କରାଯାଉଛି। ହେଲେ ଏହି ଚାରା ପରବର୍ତ୍ତୀ ସମୟରେ ଗଛରେ ପରିଣତ ହୋଇଛି କି ନାହିଁ ତାହା ବିଭାଗ ପାଖରେ କୌଣସି ଖବର ନାହିଁ।

ଏନ୍‌ଜିଟି ମାମଲା ଉପରେ ଜଳ ସମ୍ପଦ ବିଭାଗ (ବେସିନ ପ୍ଲାନିଂ ଆଣ୍ଡ କ୍ଲାଇମେଟ୍‌ ଚେଞ୍ଜ୍‌) ମୁଖ୍ୟଯନ୍ତ୍ରୀ ବିଶ୍ୱମୋହନ ଆଚାର୍ଯ୍ୟ ଏକ ରିପୋର୍ଟ ପ୍ରସ୍ତୁତ କରି ଦର୍ଶାଇଛନ୍ତି ଯେ, ୨୦୧୧ରେ ‘ଦ ଓଡ଼ିଶା ଗ୍ରାଉଣ୍ଡ୍‌ ୱାଟର ଆଇନ’ କାର୍ଯ୍ୟକାରୀ ହୋଇଥିଲା। ତାହା ୨୦୧୯ଠାରୁ ଫଳପ୍ରଦ ହୋଇଛି। ଏଥିରେ ସେଣ୍ଟ୍ରାଲ ଗ୍ରାଉଣ୍ଡ୍‌ ୱାଟର ବୋର୍ଡ(ସିଜିଡବ୍ଲ୍ୟୁବି) ଏବଂ ଡିଷ୍ଟ୍ରିକ୍ଟ ଲେଭଲ ଇଭାଲ୍ୟୁଶନ କମିଟି(ଡିଏଲ୍‌ଇସି) ଶିଳ୍ପାଞ୍ଚଳରେ ଶୋଷୁଥିବା ଭୂତଳ ଜଳ ଉପରେ କଡ଼ା ନିୟନ୍ତ୍ରଣ କରିବେ ବୋଲି ଆଇନ ରହିଛି। ପ୍ରତି ୧୦ ବର୍ଷରେ ଗ୍ରାଉଣ୍ଡ ୱାଟର ଡେଭଲପମେଣ୍ଟର ମୁଖ୍ୟଯନ୍ତ୍ରୀ ଏବଂ ନିର୍ଦ୍ଦେଶକ ପର୍ଯ୍ୟାଲୋଚନା କରିବେ। ଏହାବାଦ ୨୮ା୧ା୨୦୨୧ ସୁଦ୍ଧା ରାଜ୍ୟରେ ୦.୫ ଏକର ଲେଖାଏ ଜଳସେଚନ କରୁଥିବା ୨୬,୭୯୯ଟି ଜଳାଶୟ ଚିହ୍ନଟ କରାଯାଇଛି। ଏନ୍‌ଜିଟି ଏବଂ କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ(ସିପିସିବି)ଙ୍କ ନିର୍ଦ୍ଦେଶ ଅନୁସାରେ ଜଳାଶୟର ପୁନରୁଦ୍ଧାର କରିବାକୁ ଏକ କାର୍ଯ୍ୟାନ୍ବୟନ ଯୋଜନା ପ୍ରସ୍ତୁତ କରାଯିବ ବୋଲି ଆଚାର୍ଯ୍ୟ ରିପୋର୍ଟରେ ଦର୍ଶାଇଛନ୍ତି।

ଆର୍ଥିକ ଅଭିବୃଦ୍ଧି ପାଇଁ ଶିଳ୍ପାୟନ ଉପରେ ଅଧିକ ଗୁରୁତ୍ୱ ଦିଆଯାଉଥିବାରୁ ରାଜ୍ୟ ସରକାର ଭୂତଳ ଜଳସ୍ତର ହ୍ରାସ ଘଟଣାକୁ ଆଖିବୁଜି ଦେଇଛନ୍ତି। ଶିଳ୍ପ କାରଖାନାଗୁଡିକ ଚୁକ୍ତିଠାରୁ ବହୁ ଗୁଣରେ ଭୂତଳ ଜଳ ବ୍ୟବହାର କରୁଛନ୍ତି। ଏହା ହିଁ ଭୂତଳ ଜଳ ହ୍ରାସର ମୁଖ୍ୟ କାରଣ ବୋଲି କୁହାଯାଉଛି। ୨୦୧୬ ମେ ମାସରେ ରାଜ୍ୟରେ ଜଳ ସଂରକ୍ଷଣ ଓ ଭୂତଳ ଜଳ ପୁନଃଭରଣ ପାଇଁ ସ୍ବତନ୍ତ୍ର ଆକ୍ସନ ପ୍ଲାନ ପ୍ରସ୍ତୁତି ଓ କାର୍ଯ୍ୟକାରିତା ଲାଗି ପଦକ୍ଷେପ ସମ୍ପର୍କରେ ବିଧାନସଭାରେ ପ୍ରଶ୍ନ ଉଠିଥିଲା। ଏହାପରେ ଆର୍‌ଡବ୍ଲ୍ୟୁଏସ୍‌ଏସ୍‌ର ଇଞ୍ଜିନିୟର ଇନ୍‌ ଚିଫ୍‌ ତାଙ୍କ ପତ୍ରସଂଖ୍ୟା ୬୦୮୩/୧୦ା୬ା୨୦୧୬ ଓ ୩୪୭୪/୧ା୬ା୨୦୧୬ରେ ବିଭାଗୀୟ ନିର୍ବାହୀ ଯନ୍ତ୍ରୀମାନଙ୍କୁ ଆକ୍ସନ ପ୍ଲାନ ପ୍ରସ୍ତୁତ କରିବାକୁ ପରାମର୍ଶ ଦେଇଥିଲେ। ଏହାବାଦ୍‌ ଗ୍ରାମ୍ୟ ଉନ୍ନୟନ ବିଭାଗର ଉପସଚିବ ସୁଭାଷ ଚନ୍ଦ୍ର ଦାସ ତାଙ୍କ ପତ୍ରସଂଖ୍ୟା ୩୪୭୪/୧ା୬ା୨୦୧୬ରେ ଆର୍‌ଡବ୍ଲ୍ୟୁଏସ୍‌ଏସ୍‌ର ଇଆଇସିଙ୍କୁ ଜଳ ସଂରକ୍ଷଣ ଓ ଭୂତଳ ଜଳ ପୁନଃଭରଣ ଉପରେ ପଦକ୍ଷେପ ନେବାକୁ ପତ୍ର ଲେଖିଥିଲେ। କିନ୍ତୁ ଏଯାଏ ଆଖିଦୃଶିଆ ପଦକ୍ଷେପ ଗ୍ରହଣ କରାଯାଇ ପାରିନାହିଁ।

ହର୍ଷବର୍ଦ୍ଧନ ବେହେରା


Enter your email to get our daily news in your inbox.

All Right Reserved By Dharitri.Com

ଟ୍ରେନ ଆଗକୁ ଡେଇଁ ବିଇଡ଼ି ଛାତ୍ରଙ୍କ ଆତ୍ମହତ୍ୟା

ବ୍ରହ୍ମପୁର ଅଫିସ,୨୫ା୧୧: ରେଳବାଇ ପୋଲିସ(ଜିଆରପି) ଶୁକ୍ରବାର କନିଷି-ଶିହଳା ରେଳଧାରଣାରୁ ଜଣେ ଯୁବକଙ୍କ ମୃତଦେହ ଜବତ କରିଛି। ସେ ହେଲେ ଆସିକା ଝଗଡ଼େଇର ସଂଗ୍ରାମ ବେହେରା(୨୪)। ପୋଲିସ...

ଅବକାରୀ ବିଭାଗ, ଫ୍ଲାଇଂ ସ୍ବାଡ୍‌ର ମିଳିତ ଚଢ଼ାଉ: ୩୫୦ ଲିଟର ମଦ ଜବତ

ପଦ୍ମପୁର,୧।୩(ଡି.ଏନ୍‌.ଏ.): ଭଦ୍ରକ ଜିଲା ଅବକାରୀ ବିଭାଗ ଓ ଫ୍ଲାଇଂ ସ୍ବାଡ୍‌ ରବିବାର ମିଳିତ ଚଢ଼ାଉ କରି ୩ ଶହ ୫୦ ଲିଟର ରନ୍ଧାମଦ ଜବତ କରିଛି।...

ବାଲିଗୁଡ଼ା ଏସ୍‌ଡିପିଓଙ୍କ ଦାରିଙ୍ଗବାଡ଼ି ଥାନା ପରିଦର୍ଶନ: ଚୋରାମଦ କାରବାର ରୋକିବା ଦିଗରେ ଆଲୋଚନା

ଦାରିଙ୍ଗବାଡ଼ି,୧୭।୧୧(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ଥାନାକୁ ବାଲିଗୁଡ଼ା ଏସ୍‌ଡିପିଓ ମାନସ ରଞ୍ଜନ ବାରିକ ପରିଦର୍ଶନ କରିଛନ୍ତି। ସେ ଏସ୍‌ଡିପିଓ ଭାବେ ବାଲିଗୁଡ଼ା ଉପଖଣ୍ଡ କାର୍ଯ୍ୟାଳୟରେ ଯୋଗଦେବା...

ଫିଲ୍ମରେ ଦିବ୍ୟାଙ୍ଗମାନଙ୍କୁ ସୁଯୋଗ ଦେବାକୁ ଅଭିନବ ପ୍ରୟାସ: ପ୍ରତିଭା ଦେଖାଇବେ ‘ସୁପର୍‌ ୨୨’

ଭୁବନେଶ୍ୱର, ୩।୧୧(ବ୍ୟୁରୋ): ସେମାନେ ଦିବ୍ୟାଙ୍ଗ। ହେଲେ ନାଚିବା, ଗାଇବା ଓ ଅଭିନୟ କରିବା ପାଇଁ ତାଙ୍କ ନିକଟରେ ଯଥେଷ୍ଟ ଦକ୍ଷତା ରହିଛି। ସକ୍ଷମଙ୍କ ଭଳି ସବୁକିଛି...

ବାଲୁକା କଳାରେ କରୋନା ଯୋଦ୍ଧାଙ୍କୁ ସମ୍ମାନ

ବାରିପଦା ଅଫିସ, ୭ା୫- ବାଲୁକା କଳାରେ କରୋନା ଯୋଦ୍ଧାକୁ ସଲାମ ଜଣାଇଛନ୍ତି ଠାକୁରମୁଣ୍ଡାର ବାଲୁକା କଳାଶିଳ୍ପୀ ଦଶରଥ ମହାନ୍ତ। ବୁଧବାର ସେ ଠାକୁରମୁଣ୍ଡା ବ୍ଲକ ବାଉଁଶଡିହା...

ଚିହ୍ନଟ ହୋଇ ନ ଥିଲେ ଉଚ୍ଛେଦ

ଅନୁଗୋଳ ଅଫିସ,୬।୮:  ଜାଗା ମିଶନରେ ଅନୁଗୋଳ ଜିଲାର ବସ୍ତି ବାସିନ୍ଦାଙ୍କ ପାଇଁ କାର୍ଯ୍ୟକାରୀ ହେଉଥିବା ଜିଲା ପୌର ଉନ୍ନୟନ ଏଜେନ୍ସି (ଡୁଡା)ର ବିଭିନ୍ନ କାର୍ଯ୍ୟକ୍ରମର କାର୍ଯ୍ୟକାରିତା...

ଉପକୂଳରେ ମେଘୁଆ ପାଗ: କିଛି ସ୍ଥାନରେ ଲାଗିରହିଛି ବର୍ଷା

ଭୁବନେଶ୍ୱର,୨୩।୯(ବ୍ୟୁରୋ): ସମୁଦ୍ର ପତ୍ତନ ଠାରୁ ୧.୫ ରୁ ୪.୫ କିମି ଉଚ୍ଚତା ମଧ୍ୟରେ ବାୟୁମଣ୍ଡଳରେ ଏକ ନିମ୍ନଚାପ ରେଖା ଉତ୍ତରପଶ୍ଚିମ ବଙ୍ଗୋପସାଗର ଅଞ୍ଚଳରୁ ବାହାରି ଉତ୍ତର-ଓଡିଶା,...

‘ଢେଲା ମାଡ଼ ପ୍ରମାଣିତ ହେଲେ ରାଜନୀତି ଛାଡିଦେବି, କମିଶନର ଚାକିରି ଛାଡିବେ କି’

ଭୁବନେଶ୍ୱର,୧୨।୧୨(ବ୍ୟୁରୋ): ମମିତା ମେହେର ହତ୍ୟା ଘଟଣାର ପ୍ରତିବାଦ ତଥା ନ୍ୟାୟ ପ୍ରଦାନ ଦାବିରେ ଶୁକ୍ରବାର ଛାତ୍ର କଂଗ୍ରେସର ବିଧାନସଭା ଘେରାଉ ଉଦ୍ୟମକୁ ପୋଲିସ ଦମନ କରିଥିଲା।...

Advertisement
Archives

Model This Week