ପୁଣେ,୫।୫: ଆଇପିଏଲ ୨୦୨୨ର ୪୯ତମ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଚାରିଥର ଚାମ୍ପିଅନ୍ ଚେନ୍ନାଇ ସୁପର କିଙ୍ଗ୍ସକୁ ୧୩ ରନ୍ରେ ପରାସ୍ତ କରିଛି। ଏହି ମ୍ୟାଚ୍ରେ ଆରସିବି ବ୍ୟାଟ୍ସମ୍ୟାନ ବିରାଟ କୋହଲି ପୁଣି ଥରେ ବ୍ୟାଟିଂରେ ବିଶେଷ କିଛି ପ୍ରଦର୍ଶନ କରିପାରି ନ ଥିଲେ। କୋହଲି ୩୩ ବଲରୁ ୩୦ ରନ ସ୍କୋର କରିଥିଲେ। ଆରସିବି ବ୍ୟାଟିଂ ଚାଲିଥିବାବେଳେ ଚେନ୍ନାଇର ଦ୍ରୁତ ବୋଲର ମୁକେଶ ଚୌଧୁରୀ ବିରାଟ କୋହଲିଙ୍କୁ କ୍ଷମା ମାଗିବାକୁ ପଡିଥିଲା। ପରେ କୋହଲି ଦେଇଥିବା ପ୍ରତିକ୍ରିୟା ସୋସିଆଲ ମିଡିଆରେ ଭାଇରାଲ ହୋଇଛି।
ଆରସିବି ଇନିଂସର ପ୍ରଥମ ଓଭରରେ କୋହଲି ବ୍ୟାଟିଂ କରୁଥିବାବେଳେ ମୁକେଶଙ୍କ ଏକ ବଲକୁ ରକ୍ଷା କରି ଜବରଦସ୍ତ ଥ୍ରୋ’ରେ ପକାଇ ଦେଇଥିଲେ। ଉଇକେଟ୍ ବଲ ବାଜିବା ପରିବର୍ତ୍ତେ ବିରାଟ ଶରୀରରେ ଏହା ବାଜିଥିଲା। କିନ୍ତୁ ଭଲ କଥା ହେଉଛି ସେ ଏହି ଥ୍ରୋ’ ଦ୍ୱାରା କୌଣସି ଗୁରୁତର ଆଘାତ ପାଇନାହାଁନ୍ତି। ତେବେ କୋହଲିଙ୍କୁ ବଲରେ ମାରିବା ପରେ ମୁକେଶ ତାଙ୍କ ଭୁଲକୁ ଗ୍ରହଣ କ୍ଷମା ମାଗିଥିଲେ। କୋହଲି ମଧ୍ୟ ଏହା ହସିଦେଇଥିଲେ। କିନ୍ତୁ ଏହି ଘଟଣା ପରେ କୋହଲିଙ୍କ ପ୍ରଶଂସକମାନେ ମୁକେଶଙ୍କୁ ଟ୍ରୋଲ କରିଥିଲେ।
— Patidarfan (@patidarfan) May 4, 2022
