ମୌସୁମୀ ବର୍ଷାକୁ ଚାହିଁ ରହିଛି ଧାନଗଛ

ରସୁଲପୁର,୨୬ା୬(ରଞ୍ଜିତ ରାଉତ):: ପାଣିପାଗ ସୂଚନା ମୁତାବକ ରାଜ୍ୟର ପ୍ରତି ଜିଲାକୁ ମୌସୁମୀ ବାୟୁ ସ୍ପର୍ଶ କରିସାରିଛି। ହେଲେ ମୌସୁମୀର ସ୍ବଭାବକୁ ନେଇ ଚାଷୀମାନେ ଚିନ୍ତିତ ହୋଇପଡିଛନ୍ତି ା ପାଣିପାଗର ପରିବର୍ତ୍ତୀ ସ୍ଥିତିର ପ୍ରଭାବ ମୌସୁମୀ ବାୟୁକୁ ପ୍ରଭାବିତ କରିଛି ା ଚଳିତବର୍ଷ ମୌସୁମୀ ବାୟୁ ଶୁଷ୍କ ଭଳି ମନେ ହେଉଛି ା ଜୁନ୍‌ରେ ଆଶାନୁରୂପକ ବର୍ଷା ହୋଇନାହିଁ ା ଏଭଳି ସ୍ଥିତିରେ ଯାଜପୁର ଜିଲାର ରସୁଲପୁର ବ୍ଲକକୁ ମୌସୁମୀ ବାୟୁ ସ୍ପର୍ଶ କରିବାକୁ ୨ଦିନ ବିତିଗଲାଣି ା ଅଥଚ ପାଣିପାଗରେ ସେତେଟା ପରିବର୍ତ୍ତନ ପରିଲକ୍ଷିତ ହେଉନାହିଁ ା ଗ୍ରୀଷ୍ମ ପ୍ରଭାବ କମୁ ନାହିଁ କି ବାୟୁମଣ୍ଡଳରେ ଥଣ୍ଡା ଅନୁଭୂତ ହେଉନାହିଁ ା ବର୍ଷା ସମ୍ପୂର୍ଣ୍ଣ ଉଭାନ ହୋଇଯାଇଛି ା ଏଭଳି ସ୍ଥିତିରେ ଚାଷ କାର୍ଯ୍ୟ କେମିତି ଆଗେଇବ ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ା ତେଣେ ଚାଷ ତରତର ନୀତିରେ ଅଧିକାଂଶ ସ୍ଥାନରେ ଚାଷୀ କ୍ଷେତରେ ଧାନ ବୁଣି ଦେଇଛି। କାଁ ଭାଁ ବର୍ଷାରେ କେତେକ ସ୍ଥାନରେ ଧାନ ଗଛ ଉଠି ଗଲାଣି ା ପାଣି ଅଭାବରୁ ଧାନଗଛ ବଢି ପାରୁନାହିଁ ା ଗଜାରୁ ବାହାରି ଦୁଇପତ୍ର ଧାରଣ କରିଥିବା ଧାନଗଛ ଓ ଚାଷୀ ମୌସୁମୀ ବର୍ଷାକୁ ଚାହିଁ ରହିଛନ୍ତି ା
ବର୍ଷା ହେବା ମାତ୍ରକେ ଧାନଗଛ ବଢିଯିବ। ଆଉ ସେହି ଅନୁସାରେ ଚାଷୀ ବେଉଷଣ କାର୍ଯ୍ୟ ଆରମ୍ଭ କରିବ। ଖରାରେ ଧାନ ବେଉଷଣ କାର୍ଯ୍ୟ ଆରମ୍ଭ କରିଦେଲେ ଛୋଟ ଧାନଗଛ ନଷ୍ଟ ହୋଇଯିବ ଚିନ୍ତାକରି ଚାଷୀ ବିଲକୁ ଯାଇପାରୁ ନାହିଁ ା ଫଳରେ ଆଶାନୁରୂପକ ଭାବେ ଚାଷକାର୍ଯ୍ୟ ଆଗେଇ ପାରୁନାହିଁ ା ଏଥର ପାଣିପାଗର ଅଜବ ସ୍ବଭାବକୁ ନେଇ ଚାଷୀଙ୍କ ମଧ୍ୟରେ ଚିନ୍ତା ବଢିଛି ା ପାଣିପାଗର ସ୍ଥିତି ଯୋଗୁଁ ପରିବା ଦର ଆକାଶ ଛୁଆଁ ହୋଇଛି। ସମସ୍ତ ଅତ୍ୟାବଶକୀୟ ସାମଗ୍ରୀର ଦରଦାମ୍‌କୁ ବଜାର ଦର ପ୍ରଭାବିତ କରୁଛି ବୋଲି ଅଭିଯୋଗ ହୋଇଛି ା
ସୂଚନା ଅନୁଯାୟୀ, ଖରିଫ ଋତୁରେ ରସୁଲପୁର ବ୍ଲକର ଶତକଡା ୭୦ଭାଗ ଚାଷ ଜମିରେ ଧାନ ଚାଷ ହୋଇଥାଏ। ଚାଉଳର ବଜାର ଦରରେ ଅହେତୁକ ବୃଦ୍ଧି ଘଟିବା ସହ ଧାନର ସରକାରୀ ଦରରେ ବୃଦ୍ଧି ଘଟିଛି ା ଏହାକୁ ଦୃଷ୍ଟି ଦେଇ ଅଧିକାଂଶ ଚାଷୀ ଧାନଚାଷ ଉପରେ ଗୁୁରୁତ୍ୱ ଦେଉଛନ୍ତି ା ଉପରୋକ୍ତ ଅଞ୍ଚଳରେ ଚାଷ ଜମିରେ ମାଟିର ଉର୍ବରତା ଯୋଗୁଁ ଗୋଟିଏ କ୍ଷେତରେ ଏକାଧିକ ଫସଲ ଅମଳ କରିବାରେ ଚାଷୀମାନେ ସିଦ୍ଧହସ୍ତ ଅଟନ୍ତି। ଖରିଫରେ ସଅଳ କିସମର ଧାନକୁ ଅମଳ କରି ପରେ ପନିପରିବା ଚାଷ କରି ଲାଭବାନ ହେବାକୁ ଲକ୍ଷ୍ୟ ରଖିଥିବା ଚାଷୀମାନଙ୍କୁ ବର୍ଷା ନିରାଶ କରିଛି ା ପୂର୍ବ ବର୍ଷ ଭଳି ଚଳିତବର୍ଷ ଠିକ୍‌ ସମୟରେ ମୌସୁମୀ ବର୍ଷା ହେବ ବୋଲି ଆଶାକରି ଚାଷୀମାନେ କ୍ଷେତ ପ୍ରସ୍ତୁତ କରିଥିଲେ। ମାତ୍ର ମୌସୁମୀ ଆସିବାରେ ବିଳମ୍ବ ହେବା ଯୋଗୁ ଚାଷୀମାନଙ୍କ ଆଶା ପୂରଣ ହୋଇପାରିବ ନାହିଁ ବୋଲି ଚାଷୀମାନଙ୍କ ମଧ୍ୟରେ ଆଲୋଚନା ହେଉଛି ା ବିଶେଷ କରି ଓଡିଆମାନଙ୍କ ଗଣପର୍ବ ରଜ ପୂର୍ବରୁ ଧାନ ବୁଣାବୁଣି ହୋଇଥାଏ ା ଗୁଣ୍ଡିଚା ଯାତ୍ରା ବେଳକୁ ଧାନ ବିଲ ବଛାବଛି ଶେଷ ହୋଇଯିବା କଥା ା ରଜ ସରିବାକୁ ଗୋଟିଏ ସପ୍ତାହରୁ ଊର୍ଦ୍ଧ୍ୱ କାଳ ବିତିଗଲାଣି। ତଥାପି ଅନେକ ଧାନ କିଆରୀରେ ଗଛ ଉଠି ନାହିଁ ା ଏଭଳି ସ୍ଥିତିରେ ଧାନ ଅମଳର ଭବିଷ୍ୟତକୁ ନେଇ ଚାଷୀକୂଳ ସ୍ଥିର ନିଶ୍ଚିତ ହୋଇପାରୁନାହିଁ। ଏଭଳି ସ୍ଥିତିରେ ଜମିରୁ ଏକାଧିକ ଫସଲ ଅମଳ କରିବ କେମିତି ବୋଲି ଚାଷୀମାନେ ପ୍ରଶ୍ନ କରୁଛନ୍ତି ା ତେଣେ ଖରାଟିଆ ପନିପରିବା ଚାଷ ମଧ୍ୟ ଆଗେଇ ପାରୁନାହିଁ ା ପ୍ରଚଣ୍ଡ ରୌଦ୍ରତାପରେ ପରିବା ଗଛର ଫୁଲଫଳ ଶୁଖି ଯାଉଛି ା ଚାଷୀମାନେ ପରିବା କ୍ଷେତକୁ ଆବଶ୍ୟକ ମୁତାବକ ପାଣି ଯୋଗାଇ ପାରୁ ନ ଥିବାରୁ ଅମଳ ମଧ୍ୟ କମି ଯାଉଛି ା ଅଧିକ ଖର୍ଚ୍ଚ କରାଯାଉଛି, ହେଲେ ସେହି ମୁତାବକ ଉପତ୍ାଦନ ହୋଇପାରୁ ନ ଥିବାରୁ ଚାଷୀକୁ କ୍ଷତି ସହିବାକୁ ପଡୁଛି ା କ୍ଷେତର ଏଭଳି ସ୍ଥିତି ବଜାର ଦରକୁ ପ୍ରଭାବିତ କରୁଥିବା ବେଳେ ସାଧାରଣ ଲୋକଙ୍କ ଦୈନନ୍ଦିନ ତେଲଲୁଣ ସଂସାରର ଚଳଣିକୁ ପ୍ରଭାବିତ କରୁଛି ବୋଲି କ୍ଷୁଦ୍ର ଓ ନାମମାତ୍ର ଚାଷୀମାନେ ମତବ୍ୟକ୍ତ କରିଛନ୍ତି ା ପରିବର୍ତ୍ତିତ ପାଣିପାଗ ସ୍ଥିତିରେ ସୁଧାର ଆଣିବାରେ କାହାର କ୍ଷମତା ନାହିଁ ବୋଲି ବିଭାଗୀୟ ଅଧିକାରୀମାନେ ମତ ରଖିଛନ୍ତି ା ମିଳିତ ପ୍ରୟାସରେ ଏଥିରେ ସୁଧାର ଅଣାଯାଇ ପାରିବ ା ସବୁ ବର୍ଗର ଲୋକମାନେ ପ୍ରକୃତି ପ୍ରେମୀ ହେବା ସହ ଅଧିକରୁ ଅଧିକ ଚାରା ରୋପଣ କରି ପରିବେଶରେ ସନ୍ତୁଳନ ଆଣିବାକୁ ପ୍ରୟାସ କଲେ ଏଭଳି ସ୍ଥିତିରେ ପରିବର୍ତ୍ତନ ଆସିପାରିବ ବୋଲି ପରିବେଶବିତ୍‌ମାନେ କହିଛନ୍ତି ା


Enter your email to get our daily news in your inbox.

All Right Reserved By Dharitri.Com

ମୟୂରଭଞ୍ଜରେ କାର୍ଯ୍ୟକ୍ଷମ ହେବ ଦ୍ୱିତୀୟ ବିଶ୍ୱଯୁଦ୍ଧ ସମୟର ବିମାନବନ୍ଦର

ଭୁବନେଶ୍ୱର,୧୭ା୭: ମୟୂରଭଞ୍ଜ ଜିଲାସ୍ଥିତ ଅମର୍ଦା ରୋଡ୍‍ ରାସଗୋବିନ୍ଦପୁର ବିମାନବନ୍ଦରକୁ ଖୁବ୍‍ ଶୀଘ୍ର କାର୍ଯ୍ୟକ୍ଷମ କରାଯିବ । ଏ ନେଇ ବାଣିଜ୍ୟ ଓ ପରିବହନ ମନ୍ତ୍ରୀ ବିଭୂତି...

ଆଗରୁ ବ୍ଲେଡ୍‌ରେ କାଟିଥିଲେ, ଏବେ ପନିକିରେ କାଟି ଜୀବନ ହାରିଲେ ଯୁବକ

କେନ୍ଦୁଝର,୧୭ା୭(ନରେଶ ଚନ୍ଦ୍ର ପଟ୍ଟନାୟକ): ପନିକିରେ ନିକ ବେକ କାଟି ଜଣେ ଯୁବକ ଆତ୍ମହତ୍ୟା କରିଥିବା ଜଣାପଡ଼ିଛି। ସେ ହେଲେ ସଦର ଥାନା ଅନ୍ତର୍ଗତ ବାଉରୀପଦା ପଞ୍ଚାୟତ...

ମା’ ତାରିଣୀଙ୍କ ପୀଠରେ ଜିଭ କାଟିଲେ ଜଣେ ଭକ୍ତ, କାରଣ ଜାଣିଲେ…

କେନ୍ଦୁଝର,୧୭ା୭(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲାର ଘଟଗାଁସ୍ଥିତ ମା’ ତାରିଣୀଙ୍କ ମନ୍ଦିର ସମ୍ମୁଖରେ ଜିଭକୁ ବ୍ଲେଡ୍‌ରେ କାଟି ଦେବା ଘଟଣା ଚର୍ଚ୍ଚାର ବିଷୟ ହୋଇଛି। ମଙ୍ଗଳବାର...

ସାଙ୍ଗପିଲା ଖାଦ୍ୟ ଖାଇ ଦେବାରୁ ରାଗିଯାଇ ହଷ୍ଟେଲ ଛାଡ଼ି ଚାଲିଆସିଲେ ଛାତ୍ରୀ, ଆଉ ତା’ ପରେ…

ମୋରଡ଼ା,୧୭ା୭(ସ୍ମାରକ ମାଜୀ): ଜଣେ ନାବାଳିକା ଛାତ୍ରୀ ବିଦ୍ୟାଳୟ ହଷ୍ଟେଲରୁ ରାଗି କି ଚାଲି ଆସିଥିଲେ। ତେବେ  ପ୍ରାୟ ୪୦ କିଲୋମିଟରରୁ ଅଧିକ ଚାଲି ଚାଲି ମୟୂରଭଞ୍ଜ...

ଶ୍ରୀଜିଉଙ୍କ ସୁନାବେଶ: ମହଣ ମହଣ ସୁନାରେ ହେଲେ ସଜେଇ

ପୁରୀ,୧୭ା୭: ବୁଧବାର ରଥ ଉପରେ ଶ୍ରୀଜିଉଙ୍କ ସୁନାବେଶ ହୋଇଛି। ମହଣ ମହଣ ସୁନାରେ ସୁସଜ୍ଜିତ ହୋଇ ଭକ୍ତଙ୍କୁ ଦର୍ଶନ ଦେଇଛନ୍ତି ମହାପ୍ରଭୁ ଶ୍ରୀ ଜଗନ୍ନାଥ, ଶ୍ରୀ...

ସୁନା ଅଳଙ୍କାରରେ ଝଲସିଲେ ଶ୍ରୀଜିଉ

କେନ୍ଦୁଝର,୧୭ା୭(ନରେଶ ଚନ୍ଦ୍ର ପଟ୍ଟନାୟକ): ବୁଧବାର ବଡ଼ ଏକାଦଶୀ ତିଥିରେ କେନ୍ଦୁଝରର ଆରାଧ୍ୟଦେବ ଶ୍ରୀଶ୍ରୀ ବଳଦେବଜୀଉ, ଶ୍ରୀ ଜଗନ୍ନାଥ ଏବଂ ଦେବୀ ସୁଭଦ୍ରାଙ୍କ ସୁନାବେଶ ଅନୁଷ୍ଠିତ ହୋଇଯାଇଛି।...

ସୁନାବେଶରେ ଚମକିଲେ ଚତୁର୍ଦ୍ଧାମୂର୍ତ୍ତି

ମୋରଡ଼ା,୧୭ା୭(ସ୍ମାରକ ମାଜୀ): ମୟୂରଭଞ୍ଜ ଜିଲା ମୋରଡ଼ା ବ୍ଲକର ପ୍ରସିଦ୍ଧ ଚିତ୍ରଡ଼ା ରଥଯାତ୍ରାର ବାହୁଡ଼ା ପର୍ବ ମଙ୍ଗଳବାର ଶେଷ ହୋଇଥିବା ବେଳେ ଚତୁର୍ଦ୍ଧାମୂର୍ତ୍ତି ଆଜି ଭକ୍ତଙ୍କୁ ସୁନାବେଶରେ...

ରତ୍ନଭଣ୍ଡାର ଖୋଲାହେବା ପୂର୍ବରୁ କଟକଣା ଜାରି କଲେ ଶ୍ରୀମନ୍ଦିର ପ୍ରଶାସକ

ପୁରୀ,୧୭।୭: ପୁଣି ଖୋଲିିବ ଶ୍ରୀମନ୍ଦିର ରତ୍ନଭଣ୍ଡାର। ଗୁରୁବାର ପୁଣିଥରେ ଭିତର ଭଣ୍ଡାର ଖୋଲାଯାଇ ଯାଞ୍ଚ କରାଯିବ। ଏନେଇ ସମସ୍ତ ପ୍ରସ୍ତୁତି ଶେଷ ହୋଇଛି। ତେବେ ଭିତର...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri