ମୁମ୍ବାଇ,୨୦।୨ : ମଧ୍ୟପ୍ରଦେଶର ବହୁ ଚର୍ଚ୍ଚିତ ଭ୍ୟାପମ ଦୁର୍ନୀତି ମାମଲରେ ରାୟ ଆସିଛି। ଏହି ମାମଲାରେ ଦୋଷୀ ସାବ୍ୟସ୍ତ ହୋଇଥିବା ୭ ଜଣଙ୍କୁ ୭ ବର୍ଷ ଲେଖାଏଁ ଜେଲ ଦଣ୍ଡାଦେଶ ହୋଇଛି। ପ୍ରତ୍ୟେକଙ୍କୁ ୧୦,୦୦୦ ଟଙ୍କା ଜରିମାନା ମଧ୍ୟ ଲାଗୁ କରାଯାଇଛି। ୧୨ ଜଣ ଅଭିଯୁକ୍ତ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ ହୋଇଛନ୍ତି। ୨୦୧୩ ରେ ଏହି ନିଯୁକ୍ତି ପରୀକ୍ଷା ସ୍କାମ ସାମ୍ନାକୁ ଆସିଥିଲା।
ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ ୧୦ ବର୍ଷ ମଧ୍ୟରେ ୪୧ ଜଣ ଅଭିଯୁକ୍ତଙ୍କ ମୃତ୍ୟୁ ଘଟିଛି। ଏହି ଘଟଣାର ତଦନ୍ତ ମଧ୍ୟପ୍ରଦେଶର ତତ୍କାଳୀନ ରାଜ୍ୟପାଳ ରାମ ନରେଶ ଯାଦବଙ୍କ ପୁଅ ଶୈଲେଶ ଯାଦବଙ୍କ ନିକଟରେ ପହଞ୍ଚିଥିଲା। କିନ୍ତୁ ୨୫ ମାର୍ଚ୍ଚ ୨୦୧୫ ରେ ଶୈଲେଶଙ୍କ ଆକସ୍ମିକ ମୃତ୍ୟୁ ଯୋଗୁ ଏହି ମାମଲା ନୂଆ ମୋଡ ନେଇଥିଲା। ଘରେ ସନ୍ଦେହଜନକ ଅବସ୍ଥାରେ ଶୈଲେଶଙ୍କ ମୃତଦେହ ମିଳିଥିଲା। ଏହି ମାମଲାରେ ରାମ ନରେଶ ମଧ୍ୟ ଜଣେ ଅଭିଯୁକ୍ତ ଥିଲେ। ସେ ସେହି ସମୟରେ ମୁଖ୍ୟମନ୍ତ୍ରୀ ଥିବା ଶିବରାଜ ଚୌହ୍ବାନଙ୍କ ସ୍କାନରରେ ଆସିଥିଲେ।
ମଧ୍ୟପ୍ରଦେଶର ବୃତ୍ତିଗତ ପରୀକ୍ଷା ବୋର୍ଡ (ଭ୍ୟାପମ) ମଧ୍ୟପ୍ରଦେଶରେ ଡାକ୍ତରୀ ପାଠ୍ୟକ୍ରମର ପ୍ରବେଶିକା ପରୀକ୍ଷା, ଇଞ୍ଜିନିୟରିଂ ପ୍ରବେଶିକା ପରୀକ୍ଷା, ନିଯୁକ୍ତି ପରୀକ୍ଷା କରିଥାଏ। ସମସ୍ତ ପରୀକ୍ଷା ସମ୍ବନ୍ଧୀୟ ପ୍ରକ୍ରିୟା କେବଳ ଭ୍ୟାପମ ଦ୍ୱାରା କରାଯାଇଥାଏ, କିନ୍ତୁ ଭ୍ୟାପମ ବିରୋଧରେ ଅଭିଯୋଗ ଆସିବାକୁ ଲାଗିଲା ଯେ ସରକାରୀ ଚାକିରୀ ପାତରଅନ୍ତର କରି ଶାଗମାଛ ଭାବେ ବଣ୍ଟନ କରାଯାଇଥାଏ। ଏଥିପାଇଁ ମେଡିକାଲ ଏବଂ ଇଞ୍ଜିନିୟରିଂ କଲେଜଗୁଡ଼ିକରେ ଆଡମିଶନରେ ଜାଲିଆତି କରାଯାଇଥାଏ। ଏକ ହଜାର ନକଲି ନିଯୁକ୍ତି ବିଷୟରେ ଗୁଜବ ଆରମ୍ଭ ହେବା ପରେ ଏହି ଘଟଣା ସାମ୍ନାକୁ ଆସିଥିଲା। ମେଡିକାଲ କଲେଜରେ ମଧ୍ୟ ୫୧୪ ନକଲି ନିଯୁକ୍ତି ନେଇ ସନ୍ଦେହ ହୋଇଥିଲା।
୨୦୧୩ ମସିହାରେ,ଏମବିବିଏସ ନିଯୁକ୍ତି ପରୀକ୍ଷା ସମୟରେ ପୋଲିସ ନକଲି ପ୍ରାର୍ଥୀଙ୍କୁ ଧରିଥିଲା। ଅନୁସନ୍ଧାନରୁ ଏକ ନକଲି ନିଯୁକ୍ତି ଗ୍ୟାଙ୍ଗର ପର୍ଦ୍ଦାଫାଶ ହୋଇଥିଲା। ପଚରାଉଚରା ବେଳେ ଡକ୍ଟର ଜଗଦୀଶ ସାଗରଙ୍କ ନାମ ଆସିଥିଲା, ଯିଏ ପଚରାଉଚରା ସମୟରେ ତତ୍କାଳୀନ ଶିକ୍ଷା ମନ୍ତ୍ରୀ ଲକ୍ଷ୍ମୀକାନ୍ତ ଶର୍ମାଙ୍କ ବିଷୟରେ ପ୍ରକାଶ କରିଥିଲେ। ୧୬ ଜୁନ ୨୦୧୪ ରେ ଲକ୍ଷ୍ମୀକାନ୍ତ ଶର୍ମା, ଯିଏକି ସେହି ସମୟରେ ଭ୍ୟାପମର ଚେୟାରମ୍ୟାନ ଥିଲେ, ତାଙ୍କୁ ଗିରଫ କରାଯାଇଥିଲା। ଏହା ପରେ ଅରୋବିନ୍ଦୋ ମେଡିକାଲ କଲେଜର ଚେୟାରମ୍ୟାନ ଡକ୍ଟର ବିନୋଦ ଭଣ୍ଡାରୀ ଏବଂ ଭ୍ୟାପମର କଣ୍ଟ୍ରୋଲର ପରୀକ୍ଷକ ଡକ୍ଟର ପଙ୍କଜ ତ୍ରିବେଦୀଙ୍କୁ ଗିରଫ କରାଯାଇଥିଲା। ଚାକିରି ବଦଳରେ ଟଙ୍କା ନେଇ ପୂର୍ବତନ ମନ୍ତ୍ରୀ ଓପି ଶୁକ୍ଲାଙ୍କୁ ଧରାଯାଇଥିଲା।
पुलिस आरक्षक भर्ती परीक्षा-2013 में 7 दोषियों को 7-7 साल की सजा https://t.co/43qvADRUOO #MadhyaPradesh #Vyapam #Vyapamscam #MPPEB #Policebharti #BREAKING_NEWS #MPNews #LatestNews #hindinews #TheSootr
— TheSootr (@TheSootr) February 20, 2024
