କ୍ୱିଭ,୩୧ ।୭: ରୁଷିଆ-ୟୁକ୍ରେନ୍ ଯୁଦ୍ଧକୁ ୬ମାସ ହୋଇଥିଲେ ବି ଏବେବି ଉଭୟ ପକ୍ଷରୁ ଆକ୍ରମଣ ଜାରି ରହିଛି । ଏବେ ଦୋନେସ୍କରେ ଉଭୟ ଦେଶ ଆକ୍ରମଣକୁ ଯୋରଦାର କରିଛନ୍ତି । ଖେରସନରେ ବି ଭିଷଣ ଯୁଦ୍ଧ ଜାରି ରହିଛି । ଅନ୍ୟପଟେ ପଶ୍ଚିମ ଦେଶରୁ ୟୁକ୍ରେନ ନିକଟରେ ଯୁଦ୍ଧାସ୍ତ୍ର ପହଞ୍ଚୁ ଥିବାରୁ ସେ ଆହୁରି ମଜଭୁତ ଢଙ୍ଗରେ ଆକ୍ରମଣ ଜାରି ରଖିଛି । ଏବେ ୟୁକ୍ରେନ ଦାବି କରିଛି ଯେ ସେ ଖେରସନରେ ଅନେକ ରୁଷିଆ ସେନାଙ୍କୁ ମାରି ଦେଇଛି ।
ଏପଟେ ଦୋନେସ୍କରେ ବି ରୁଷିଆ ସେନା ମିଶାଇଲା ଆକ୍ରମଣ ଜାରି ରଖିଛନ୍ତି । ଏହାକୁ ଦୃଷ୍ଟିରେ ରଖି ୟୁକ୍ରେନ୍ ରାଷ୍ଟ୍ରପତି ଭୋଲୋଡେମିର ଜେଲନସ୍କି ଦୋନେସ୍କର ସୀମାବର୍ତ୍ତି ଅଞ୍ଚଳକୁ ଖାଲି କରିବାକୁ ଜନତାଙ୍କୁ ଅନୁରୋଧ କରିଛନ୍ତି । ଏହାସହ ସେଠାକାର ଲୋକଙ୍କୁ ସାହାଯ୍ୟ କରିବାକୁ ସେନାଙ୍କୁ କୁହାଯାଇଛି ।
ୟକ୍ରେନ ସେନା ଦାବି କରିଛି ଯେ ସେ ହରାଇଥିବା ଖେରସନର କିଛି ଅଞ୍ଚଳକୁ ପୁଣିଥରେ ଫେରାଇ ଆଣିବାକୁ ସଂଘର୍ଷ ଜାରି ରଖିଛି । ଏହି ଆକ୍ରମଣ ସମୟରେ ବୋମା ମାଡରେ ଅନେକ ରୁଷିଆ ସେନା ନିହତ ହୋଇଥିବା ୟୁକ୍ରେନ୍ ଦାବି କରିଛି ।
