ନୂଆଦିଲ୍ଲୀ,୨୯।୧: ଟେଲିକମ୍ କମ୍ପାନୀ ଭୋଡାଫୋନ୍ ଆଇଡିଆ(ଭିଆଇ) ଏହାର ୨୫୯୫ ଟଙ୍କା ପ୍ରିପେଡ ପ୍ଲାନରେ ଉପଭୋକ୍ତମାନଙ୍କୁ ବୋନସ୍ ଡାଟା ଦେଉଛି। କିନ୍ତୁ ଏହା କେବଳ କମ୍ପାନୀର ମୋବାଇଲ୍ ଆପ୍ ମାଧ୍ୟମରେ ରିଚାର୍ଜ କରୁଥିବା ଗ୍ରାହକଙ୍କ ପାଇଁ ଏହି ଅଫର ଉପଲବ୍ଧ। ଏହି ପ୍ଲାନର ବୈଧତା ୧ ବର୍ଷ ଥିବା ବେଳେ ଏହା ଭିଆଇର ମହଙ୍ଗା ପ୍ରିପେଡ଼ ପ୍ଲାନ ଅଟେ।
୨୫୯୫ ଯୋଜନାରେ ଉପଭୋକ୍ତାଙ୍କୁ ଅତିରିକ୍ତ ୫୦ ଜିବି ଡାଟା ଦିଆଯାଉଛି। ଏହା ପ୍ଲାନର ଶେଷ ପର୍ଯ୍ୟନ୍ତ ଅର୍ଥାତ ୩୬୫ ଦିନ ଯାଏ ବ୍ୟବହାର କରିହେବ। ଏହା ଏକ ସୀମିତ ଅଫର ବୋଲି ଆଶା କରାଯାଉଛି।
ଉପଭୋକ୍ତାମାନେ ଏହି ପ୍ଲାନ ସହ ମୋଟ ୭୩୦ଜିବି ଡାଟା ପାଇଥାନ୍ତି। କିନ୍ତୁ ବୋନସ୍ ଡାଟା ମିଶାଇ ଏବେ ଉପଭୋକ୍ତାଙ୍କୁ ୭୮୦ ଜିବି ଡାଟା ମିଳିବ। ଏହାଛଡ଼ା ବ୍ୟବହାରକାରୀଙ୍କୁ ଦୈନିକ ୧୦୦ ଏସ୍ଏମ୍ଏସ୍, ୨ ଜିବି ଦୈନିକ ଡାଟା, ଅସୀମିତ ଭଏସ୍ କଲିଂ ସୁବିଧା ଦିଆଯିବ। ଏକ ବର୍ଷ ପାଇଁ ଜି୫ ପ୍ରିମିୟରର ଏକ ଓଟିଟିର ଲାଭ ମଧ୍ୟ ସେ ପାଇବେ।
