ନୂଆଦିଲ୍ଲୀ,୭।୧୧: ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଟି -୨୦ ବିଶ୍ୱକପ ପରେ ଟି -୨୦ ଦଳର ଅଧିନାୟକତ୍ୱ ଛାଡିବେ। ଚଳିତ ବିଶ୍ୱକପ୍ରେ ନ୍ୟୁଜିଲାଣ୍ଡ ରବିବାର ଏକ ମ୍ୟାଚରେ ଆଫଗାନିସ୍ତାନକୁ ୮ ଉଇକେଟରେ ପରାସ୍ତ କରିଛି। ଏହା ସହିତ ଟିମ ଇଣ୍ଡିଆ ଟି -୨୦ ବିଶ୍ୱକପରୁ ବାଦ ପଡିଛି। ଅଧିନାୟକ ଭାବେ କୋହଲି ଆଉ ଟି -୨୦ବିଶ୍ୱ ଟାଇଟଲ ଜିତିବାକୁ ସକ୍ଷମ ହେବେ ନାହିଁ। କାଣ ସେ ପୂର୍ବରୁ ଘୋଷଣା କରିଛନ୍ତି ଟି-୨୦ ବିଶ୍ୱକପ୍ ପରେ ସେ ଏହି ଫର୍ମାଟରୁ ଅଧିନାୟକ ପଦ ଛାଡିବେ। ସେ ଆଇପିଏଲ ଦଳ ଆରସିବିର ଅଧିନାୟକ ମଧ୍ୟ ଛାଡିଛନ୍ତି। ସେ ଅଧିନାୟକ ଭାବରେ ଆଇପିଏଲ ଟାଇଟଲ ମଧ୍ୟ ଜିତିପାରି ନ ଥିଲେ।
ବିରାଟ କୋହଲି ଏପର୍ଯ୍ୟନ୍ତ ଅଧିନାୟକ ଭାବରେ ଆଇପିଏଲ ଏବଂ ଟି -୨୦ ବିଶ୍ୱକପ ଟାଇଟଲ ଜିତି ନାହାଁନ୍ତି। ଅନ୍ତର୍ଜାତୀୟ ଟି -୨୦ ବିଷୟରେ କହିବାକୁ ଗଲେ ସେ ସର୍ବାଧିକ ରନ ସ୍କୋରର, କିନ୍ତୁ ସେ ତଥାପି ଟି -୨୦ ବିଶ୍ୱକପ ଟାଇଟଲରୁ ଦୂରରେ ଅଛନ୍ତି। ଭାରତ ୨୦୦୭ ରେ ଏକମାତ୍ର ଥର ପାଇଁ ଟି -୨୦ ବିଶ୍ୱକପ ଟାଇଟଲ ଜିତିଛି। କୋହଲି ସେତେବେଳେ ଦଳରେ ନ ଥିଲେ। ଆସନ୍ତା ବର୍ଷ ଅଷ୍ଟ୍ରେଲିଆରେ ଆଉ ଏକ ଟି -୨୦ ବିଶ୍ୱକପ ଅନୁଷ୍ଠିତ ହେବ। ସେତେବେଳେ ଭାରତ ନୂଆ ଅଧିନାୟକଙ୍କ ସହ ପଡିଆକୁ ଓହ୍ଲାଇବ। ତେଣୁ ଅଧିନାୟକ ଭାବେ କୋହଲି ଟି-୨୦ ବିଶ୍ୱକପ୍ ଏବଂ ଆଇପିଏଲ୍ ଜିତିବା ସ୍ବପ୍ନ ଅଧୁରା ରହିଛି।
