ମୋହାଲି,୭।୩: ଭାରତ ପ୍ରଥମ ଟେଷ୍ଟରେ ଶ୍ରୀଲଙ୍କାକୁ ଇନିଂସ ଏବଂ ୨୨୨ ରନ୍ରେ ପରାସ୍ତ କରିଛି। ଏହି ମ୍ୟାଚ ଉଭୟ ଦଳ ପାଇଁ ସ୍ବତନ୍ତ୍ର ଥିଲା। ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲି ନିଜର ୧୦୦ ତମ ଟେଷ୍ଟ ମ୍ୟାଚ ଥିବାବେଳେ ଶ୍ରୀଲଙ୍କା ଦଳ ୩୦୦ ତମ ମ୍ୟାଚ ଖେଳିଥିଲା। ୧୦୦୦ ତମ ଟେଷ୍ଟ ମ୍ୟାଚ ଖେଳିବାରେ ବିରାଟ ଦ୍ୱାଦଶ ଭାରତୀୟ ଖେଳାଳି ହୋଇଥିଲେ। ତେବେ ଏହି ଐତିହାସିକ ମ୍ୟାଚରେ ସେ ମାତ୍ର ୪୫ ରନ ସ୍କୋର କରିଥିଲେ। ବିରାଟ ବ୍ୟାଟିଂରେ ସେତେଟା ଭଲ ପ୍ରଦର୍ଶନ କରି ନ ଥିଲେ ମଧ୍ୟ ତାଙ୍କ କାର୍ଯ୍ୟ ସହିତ ପ୍ରଶଂସକଙ୍କ ହୃଦୟ ଜିତିଥିଲେ। ମ୍ୟାଚର ତୃତୀୟ ଦିନରେ ସେ ପଡ଼ିଆରେ ନାଚିଥିଲେ, ଯାହାର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ମୋହାଲି ଟେଷ୍ଟର ତୃତୀୟ ଦିନରେ ରବୀନ୍ଦ୍ର ଜାଡେଜା ଶ୍ରୀଲଙ୍କା ଇନିଂସର ୫୧ ଓଭରରେ ଲାସିଥ ଆମ୍ବୁଲଡେନିଆଙ୍କୁ ଆଉଟ୍ କରିଥିଲେ। କୋହଲି ପଡିଆ ମଝିରେ ଫିଲ୍ମ ‘ପୁଷ୍ପା’ ଷ୍ଟାଇଲ୍ରେ ‘ମେନ ଝୁକେଗା ନେହଁି’ ଷ୍ଟେପ୍ କରିଥିଲେ। ବିରାଟଙ୍କ ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହୋଇଛି। ପୂର୍ବରୁ ମଧ୍ୟ ଅନେକ ଖେଳାଳି ପଡିଆରେ ‘ପୁଷ୍ପା’ ଫିଲ୍ମ ଷ୍ଟାଇଲରେ ସେଲିବ୍ରେଶନ କରୁଥିବା ଦେଖାଯାଇଥିଲା।
ବିରାଟଙ୍କ ୧୦୦ ତମ ଟେଷ୍ଟ ପାଇଁ ବିସିସିଆଇ ୫୦ ପ୍ରତିଶତ ପ୍ରଶଂସକଙ୍କୁ ଷ୍ଟାଡିୟମକୁ ଆସିବାକୁ ଅନୁମତି ଦେଇଥିଲା। ପ୍ରଶଂସକମାନେ ଉତ୍ସାହର ସହିତ କୋହଲିଙ୍କ ୭୧ ତମ ଶତକକୁ ଅପେକ୍ଷା କରିଥିଲେ। କିନ୍ତୁ ତାହା ହୋଇପାରିଲା ନାହ। ସିରିଜର ଦ୍ୱିତୀୟ ଟେଷ୍ଟ ମ୍ୟାଚ ବେଙ୍ଗାଲୁରୁରେ ଖେଳାଯିବ।
https://twitter.com/Mr_Cupid_ForEvr/status/1500422837563052038
https://twitter.com/imVKohliOne8/status/1500324569722195969
