ପୁଣେ,୨୭।୩: ଭ୍ରମଣକାରୀ ଇଂଲଣ୍ଡ ଦଳ ପ୍ରଥମ ଦିନିକିଆରେ ପରାଜୟ ପରେ ଜବରଦସ୍ତ ପ୍ରତ୍ୟାବର୍ତ୍ତନ କରିଛି। ମହାରାଷ୍ଟ୍ର କ୍ରିକେଟ ଆସୋସିଏଶନ ଗ୍ରାଉଣ୍ଡରେ ଶୁକ୍ରବାର ଖେଳାଯାଇଥିବା ଦ୍ୱିତୀୟ ଦିକିକିଆରେ ୬ ଉଇକେଟରେ ଭାରତକୁ ପରାସ୍ତ କରିଛି ଦଳ। ଟସ୍ ହାରି ପ୍ରଥମ ବ୍ୟାଟିଂ କରି ଭାରତ ୩୩୬ରନ୍ର ବିଶାଳ ସ୍କୋର କରିଥିଲା। ହେଲେ ଇଲଣ୍ଡ ୪୩.୩ ଓଭରରେ ବିଜୟ ଲକ୍ଷ୍ୟ ହାସଲ କରିନେଇଥିଲା। ଏହି ଲଜ୍ଜାଜନକ ପରାଜୟ ପରେ ସିରିଜ ୧-୧ ବରାବର ସ୍ଥିତିରେ ପହଞ୍ଚିଥିବା ବେଳେ ଭାରତୀୟ ଅଧିନାୟକ ବିରାଟ କୋହଲି ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ବେୟାରଷ୍ଟୋ(୧୨୪) ଏବଂ ବେନ୍ ଷ୍ଟୋକ୍ସ(୯୯)ଙ୍କ ଭାଗିଦାରୀ ସମୟରେ ତାଙ୍କ ପାଖରେ ଅନ୍ୟୋପାୟ ନ ଥିଲା। ଯେତେବେଳେ ଶ୍ରେଷ୍ଠ ଦୁଇ ଟିମ୍ ଖେଳିଥାନ୍ତି, ସେତେବେଳେ ଗୋଟି, ଟିମ୍ ସହଜରେ ବିଜୟ ଲାଭ କରିଥାଏ। ଆମେ ଭଲ ସ୍କୋର କରିଥିଲୁ। କାକରର ସେଭଳି କିଛି ଭୂମିକା ନ ଥିଲା। ହେଲେ ପରେ ଉଇକେଟ ବ୍ୟାଟିଂ ପାଇଁ ଭଲ ହୋଇଥିଲା। ହେଲେ ସେଭଳି ବାହାନା ଦେବାକୁ ଚାହୁଁନାହୁଁ। ଗତ ଥର ଆମେ ପ୍ରତ୍ୟାବର୍ତ୍ତନ କରିଥିଲୁ। ଚଳିତ ଥର ଇଂଲଣ୍ଡ ଆମକୁ ସେ ସୁଯୋଗ ଦେଲା ନାହିଁ ବୋଲି ସେ କହିଛନ୍ତି।
