ମୁମ୍ବାଇ,୬।୫: ଆଇପିଏଲ ୨୦୨୧ର ୧୪ତମ ସିଜନ ସ୍ଥଗିତ ହେବା ମାତ୍ରେ ଭାରତୀୟ କ୍ରିକେଟ ଦଳ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଅଧିନାୟକ ବିରାଟ କୋହଲି ମୁମ୍ବାଇରେ ପହଞ୍ଚି କରୋନା ରିଲିଫ୍ କାମ ଆରମ୍ଭ କରିଛନ୍ତି। ସମୟକ୍ରମେ ବିରାଟ କୋହଲି କରୋନା ମହାମାରୀ ବିରୋଧରେ ଭାରତର ସଂଗ୍ରାମକୁ ଆଗେଇ ନେବା ପାଇଁ ହାତ ବଢାଇଛନ୍ତି।
କୋହଲିଙ୍କୁ ନିକଟରେ ଯୁବ ସେନାର ସଦସ୍ୟ ରାହୁଲ ଏନ କନଲଙ୍କ ସହ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା। ରାହୁଲ କନଲ ତାଙ୍କ ଅଫିସିଆଲ ଟୁଇଟର୍ରେ ବିରାଟ କୋହଲିଙ୍କ କିଛି ଫଟୋ ଶେୟାର କରିଛନ୍ତି। ଏହି କଷ୍ଟଦାୟକ ସମୟ ମଧ୍ୟରେ ମହାମାରୀରୁ ମୁକ୍ତି ପାଇବା ପାଇଁ ରାଜ୍ୟ ତଥା ଦେଶର ସମର୍ଥନ ପାଇଁ ଏକ ବୈଠକ କରିଥିଲେ କୋହଲି। ରାହୁଲ ଏହି ଫଟୋଗୁଡ଼ିକୁ ଶେୟାର କରି କହିଛନ୍ତି ଯେ ଆଇପିଏଲ ୨୦୨୧ ସ୍ଥଗିତ ପରେ ମୁମ୍ବାଇରେ କୋହଲି କରୋନା ରିଲିଫ ପାଇଁ କାମ ଆରମ୍ଭ କରିଛନ୍ତି। ତାଙ୍କର ଉଦ୍ୟମ ପାଇଁ କୌଣସି ଶବ୍ଦ ନାହିଁ … କେବଳ ସମ୍ମାନ ଏବଂ ପ୍ରାର୍ଥନା।
ସୂଚନାଯୋଗ୍ୟ, କରୋନା ଯୋଗୁ ଭାରତୀୟ ପ୍ରିମିୟର ଲିଗର ୧୪ ତମ ସିଜିନକୁ ଅର୍ନିଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଛି। ସନରାଇଜର୍ସ ହାଇଦ୍ରାବାଦ ଉଇକେଟ କିପର ବ୍ୟାଟ୍ସମ୍ୟାନ ରିଦ୍ଧିମାନ ସାହା ଏବଂ ଦିଲ୍ଲୀ କ୍ୟାପିଟାଲ୍ସ ସ୍ପିନର ଅମିତ ମିଶ୍ର ପଜିଟିଭ୍ ଚିହ୍ନଟ ହେବା ପରେ ଆଇପିଏଲକୁ ସ୍ଥଗିତ ରଖାଯାଇଥିଲା। ଆଇପିଏଲ ସ୍ଥଗିତ ରଖିବା ପରେ ଖେଳାଳିମାନେ ନିଜ ନିଜ ଘରକୁ ଫେରୁଛନ୍ତି।
Meeting our Captain…Respect and love for the movement he has started working on for COVID relief… No words just Respect and Prayers for all his efforts !!! @imVkohli 🙏 pic.twitter.com/qZEQEKzgM7
— office@Rahool N Kanal (@RahoolNKanal) May 5, 2021
