ରୋମ୍, ୮ା୩(ପି.ଟି.)-ମାଟେଓ ପେଲିକନ୍ ର଼୍ୟାଙ୍କିଙ୍ଗ ସିରିଜ ଇଭେଣ୍ଟରେ ଭାରତର ଷ୍ଟାର ରେସ୍ଲର ଭିନେଶ ଫୋଗତ୍ ୫୩ କେଜି ଶ୍ରେଣୀରେ ସ୍ବର୍ଣ୍ଣ ପଦକ ହାସଲ କରିବା ସହ ବିଶ୍ୱର ନମ୍ବର ଓ୍ବାନ୍ ର଼୍ୟାଙ୍କ୍କୁ ପ୍ରତ୍ୟାବର୍ତ୍ତନ କରିଛନ୍ତି। ଅନ୍ୟପକ୍ଷରେ ବଜରଙ୍ଗ ପୁନିଆ ପୁରୁଷ ୬୫କେଜି ଇଭେଣ୍ଟ ଫାଇନାଲରେ ପ୍ରବେଶ କରିଛନ୍ତି। ଦୁଇ ସପ୍ତାହ ମଧ୍ୟରେ ଏହା ହେଉଛି ତାଙ୍କର ଦ୍ୱିତୀୟ ସ୍ବର୍ଣ୍ଣ। ୨୬ ବର୍ଷୀୟା ବ୍ରୋଞ୍ଜ ବିଜୟିନୀ ଏଠାରେ ଟାଇଟଲ ମୁକାବିଲାରେ କାନାଡାର ଡାଏନା ମେରୀ ହେଲେନ୍ ଓ୍ବିକରଙ୍କୁ ୪-୦ରେ ହରାଇ ଦେଇଛନ୍ତି। ଭିନେଶ ଗତ ସପ୍ତାହରେ କିଭ୍ଠାରେ ଏକ ସ୍ବର୍ଣ୍ଣ ଜିତିଥିଲେ। ଦୁଇଟି ସ୍ବର୍ଣ୍ଣ ପଦକ ଯୋଗୁ ଟୋକିଓ ଅଲିମ୍ପିକ୍ସ ପାଇଁ ପ୍ରସ୍ତୁତିରେ ତାଙ୍କ ଆତ୍ମବିଶ୍ୱାସ ବୃଦ୍ଧି ପାଇବ। ଭାରତର ଅନ୍ୟ ଜଣେ ରେସଲର ସରିତା ମୋର୍ ଶନିବାର ୫୭କେଜି ଶ୍ରେଣୀରେ ଏକ ରୌପ୍ୟ ଜିତିଛନ୍ତି।
