ଜୟପୁର,୭ା୮(ପବନ ପାଣିଗ୍ରାହୀ): ଲାଞ୍ଚ ନେଇ ଭିଜିଲାନ୍ସ ହାତରେ ରବିବାର ଧରାପଡିଥିବା ଆମ୍ବାଗୁଡା ଫାଣ୍ଡି ଅଧିକାରୀ ପ୍ରଶାନ୍ତ ମହାନ୍ତିଙ୍କୁ ସୋମବାର ଗିରଫ କରାଯାଇଛି। ସେ ସେଠାରେ ଏସ୍ଆଇ ରୂପେ କାର୍ଯ୍ୟ କରୁଥିଲେ। ସେ ଏକ ମାମଲାକୁ ରଫାଦଫା କରିଦେବାକୁ ଛତ୍ରିପୁଟ ଗ୍ରାମର କୃଷ୍ଣ ଗାଦବାଙ୍କଠାରୁ ୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଥିଲେ। ମାମଲା ପାଇଁ ଗାଦବାଙ୍କୁ ଟଙ୍କା ଦେବାକୁ କହିବାରୁ ସେ ସମ୍ମତି ଦେଇଥିଲେ। ତାଙ୍କୁ ଏସ୍ଆଇ ମହାନ୍ତି ଟଙ୍କା ଧରି ଉମୁରି ନିକଟକୁ ଆସିବାକୁ କହିଥିଲେ। ଏନେଇ ଗାଦବା ଜୟପୁର ଭିଜିଲାନ୍ସରେ ଜଣାଇଥିଲେ। ତାଙ୍କଠାରୁ ଉମୁରିଠାରେ ଏସ୍ଆଇ ମହାନ୍ତି ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ପୂର୍ବରୁ ସେଠାରେ ଜଗି ରହିଥିବା ଭିଜିଲାନ୍ସ ଅଧିକାରୀମାନେ ତାଙ୍କୁ ଧରିଥିଲେ। ପରେ ଭିଜିଲାନ୍ସ ପକ୍ଷରୁ ଜୟପୁର ସଦର ଥାନା, ଥାନା ପରିସରରେ ଥିବା ମହାନ୍ତିଙ୍କ କ୍ୱାଟର୍ସ ଓ ଦାମନଯୋଡି ଭଡା ଘର ଉପରେ ଚଢାଉ କରାଯାଇଥିଲା। ତାଙ୍କ ବାସଭବନରୁ ୫ ଲକ୍ଷରୁ ଊର୍ଦ୍ଧ୍ୱ ନଗଦ ଟଙ୍କା ଜବତ କରାଯାଇଛି ା ସମସ୍ତ ତଥ୍ୟପ୍ରମାଣକୁ ଭିତ୍ତି କରି ଏସଆଇ ମହାନ୍ତିଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଥିବା ଭିଜିଲାନ୍ସ ପକ୍ଷରୁ କୁହାଯାଇଛି ା ତାଙ୍କର ସ୍ତାବର ଓ ଅସ୍ଥାବର ସମ୍ପତ୍ତିର ଆକଳନ ଜାରି ରହିଛି ା
