କାଠମାଣ୍ଡୁ,୧୩।୪:ଯଦି ଏକ କ୍ରିକେଟ ମ୍ୟାଚରେ ବ୍ୟାଟିଂ କରୁଥିବା ଦଳ ୬ଟି ବଲରେ ୬ଟି ଉଇକେଟ ହରାଇଥାଏ, ତେବେ ବୋଧହୁଏ ଏହାକୁ ସହଜରେ କେହି ବିଶ୍ୱାସ କରି ପାରିବେ ନାହିଁ, କିନ୍ତୁ ନେପାଳର କ୍ଲବ କ୍ରିକେଟ (ନେପାଳ ପ୍ରୋ କ୍ଲବ ଚାମ୍ପିଅନସିପ)ରେ ଏହି ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଥିଲା। କ୍ରିକେଟ ଇତିହାସରେ ପ୍ରଥମ ଥର ପାଇଁ ଗୋଟିଏ ଦଳ ୬ଟି ବଲରେ ୬ଟି ଉଇକେଟ ହରାଇଥିଲା।
ନେପାଳ ପ୍ରୋ କ୍ଲବ ଚାମ୍ପିଅନସିପରେ ମାଲେସିଆ କ୍ଲବ ଏକାଦଶ ଏବଂ ପୁଷ ସ୍ପୋର୍ଟସ ଦିଲ୍ଲୀ ମଧ୍ୟରେ ଏକ ଟି -୨୦ ମ୍ୟାଚ ଖେଳାଯାଇଥିଲା। ଏଥିରେ ପୁଷ ସ୍ପୋର୍ଟସ ଦିଲ୍ଲୀ ଦଳ ୬ଟି ବଲରେ ୬ଟି ଉଇକେଟ ହରାଇଥିଲା। ଏହି ଐତିହାସିକ ଓଭରକୁ ମାଲେସିଆ କ୍ଲବ ଏକାଦଶ ପକ୍ଷରୁ ଭିରନଦୀପ ସିଂ ବୋଲିଂ କରିଥିଲେ।
ଏହି ମ୍ୟାଚରେ ପୁସ ସ୍ପୋର୍ଟସ ଦିଲ୍ଲୀର ସ୍କୋର ଏକ ସମୟରେ ତିନି ଉଇକେଟ ହରାଇ ୧୩୧ ରନ୍ ଥିଲା। କିନ୍ତୁ ଏହି ଦଳର ଇନିଂସର ଶେଷ ଓଭର ଏପରି ଥିଲା ଯାହା ସମଗ୍ର କ୍ରିକେଟ ଜଗତକୁ ଆଶ୍ଚର୍ଯ୍ୟ କରିଥିଲା। ମାଲେସିଆ କ୍ଲବ ଏକାଦଶ ବୋଲର ଭିରନଦୀପ ସିଂ ଚମତ୍କାର ବୋଲିଂ କରିଥିଲେ। ମାଲେସିଆ କ୍ଲବ ଏକାଦଶ ବୋଲର ଭିରନଦୀପ ପ୍ରଥମ ବଲ ଓ୍ବାଇଡ୍ ବୋଲିଂ କରିଥିଲେ। ଏହା ପରେ, ପରବର୍ତ୍ତୀ ବଲରେ ପୁସ ସ୍ପୋର୍ଟସ ଦିଲ୍ଲୀ ବ୍ୟାଟ୍ସମ୍ୟାନ ମୃଗାଙ୍ଗ ପାଠକ ୩୯ ରନ ସ୍କୋର କରିପରେ ଅହମ୍ମଦ ଫୈଜ୍ଙ୍କ ଦ୍ୱାରା କ୍ୟାଚ୍ ଆଉଟ୍ ହୋଇଥିଲେ। ଦ୍ୱିତୀୟ ବଲରେ ୧୯ ରନ ସ୍କୋର କରିବା ପରେ ଇଶାନ ପାଣ୍ଡେ ରନ୍ଆଉଟ ହୋଇଥିଲେ।
ଏହା ପରେ ଭିରନଦୀପ ପରବର୍ତ୍ତୀ ଚାରିଟି ବଲରେ ଚାରିଟି ଉଇକେଟ ନେଇଥିଲେ। ସେ ଆଡିନୋ ନହରେଙ୍କୁ ଟର୍ନିଂ ବଲରେ ବୋଲ୍ଡ କରିଥିଲେ। ଏହା ପରେ, ବିଶେଷ ସରୋହା ମଧ୍ୟ ବଡ଼ ସଟ ଖେଳିବା ପ୍ରକ୍ରିୟାରେ ବୋଲ୍ଡ ହୋଇଥିଲେ। ଏହା ପରେ ଭିରନଦୀପ ଜତିନ ସିଙ୍ଗଲଙ୍କୁ ଆଉଟ୍ କରି ହ୍ୟାଟ୍ରିକ ନେଇଥିଲେ। ଏହା ପରେ ସେ ଇନିଂସର ଶେଷ ବଲରେ ସ୍ପର୍ଶଙ୍କ ବୋଲ୍ଡ ଆଉଟ୍ କରିଥିଲେ। ଭିରନଦୀପ ଏହି ଓଭରରେ ୫ଟି ଉଇକେଟ୍ ନେଇଥିଲେ ଏବଂ ଜଣେ ବ୍ୟଟ୍ସମ୍ୟାନ୍ ରନ୍ ଆଉଟ୍ ହୋଇଥିଲେ। ଅର୍ଥାତ୍ ଶେଷ ଓଭରରେ ମୋଟ ୬ଟି ଉଇକେଟ ପଡିଥିଲା। ଶେଷରେ, ପୁସ ସ୍ପୋର୍ଟସର ସ୍କୋର ୨୦ ଓଭରରେ ୯ ଉଇକେଟ ୧୩୧ ରନ କରିଥିଲା।
6️⃣ wickets in 6️⃣ balls – have you ever seen it before?! 🤯
Five wickets for Malaysia XI's Virandeep Singh plus a run-out in the final over against Push Sports Delhi in the Nepal Pro Club Championship 🔥 pic.twitter.com/eBTrlNwLuY
— Cricinfo (@cricinfo) April 12, 2022
