ଭିକି-କ୍ୟାଟ୍ରିନା: କିଛିକଥା

ଭିକି କୌଶଲ ହୁଅନ୍ତୁ ଅବା କ୍ୟାଟ୍ରିନା କୈଫ-ବଲିଉଡ୍‌ରେ ନିଜ ଅଭିନୟ ଦକ୍ଷତା ବଳରେ ଦୁହେଁ ଦର୍ଶକାଦୃତି ହାସଲ କରିବାରେ ସକ୍ଷମ ହୋଇଛନ୍ତି। ଦୁହିଁଙ୍କୁ ନେଇ ଏବେ ଚର୍ଚ୍ଚା। କାରଣ ଏହି ହାଇପ୍ରୋଫାଇଲ ଯୋଡ଼ି ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଚଳିତ ମାସ ୭ରୁ ୯ ପର୍ଯ୍ୟନ୍ତ ଏହି ମ୍ୟାରେଜ ସେରିମନି ରାଜସ୍ଥାନର ଯୋଧପୁରରେ ଚାଲିବ। ହିନ୍ଦୁ ପ୍ରଥା ଅନୁସାରେ ଏହି ବିବାହ ଅନୁଷ୍ଠିତ ହେବ। ଏହି ଉତ୍ସବରେ ବଲିଉଡ୍‌ର ରଥୀ ମହାରଥୀ ଯୋଗଦେବାର କାର୍ଯ୍ୟକ୍ରମ ରହିଛି। ତେବେ ଏହି ଯୋଡ଼ିଙ୍କ ବ୍ୟକ୍ତିଗତ ଜୀବନରେ ଅନେକ ରୋଚକ କଥା ରହିଛି। ହଂକଂରେ ଜନ୍ମିତା କ୍ୟାଟ୍ରିନା ମାତ୍ର ୧୪ ବର୍ଷ ବୟସରୁ ମଡେଲିଂ ସହ ଜଡ଼ିତ ଥିଲେ। ଅଭିନୟ ବ୍ୟତୀତ ସେ ନୃତ୍ୟ ଏବଂ ସଙ୍ଗୀତ ଶୁଣିବାରେ ରୁଚି ରଖନ୍ତି। କ୍ୟାଟ୍ରିନା ଅଭିନୟ କରିଥିବା ପ୍ରତିଟି ଫିଲ୍ମ ରିଲିଜ ହେବା ପୂର୍ବରୁ ସେ ବମ୍ବେସ୍ଥିତ ସିଦ୍ଧି ବିନାୟକ ମନ୍ଦିର, ମାଉଣ୍ଟ ମେରି ଚର୍ଚ୍ଚ ଏବଂ ଆଜମେର ସରିଫ ଦରଘା ଦର୍ଶନ କରିଥାଆନ୍ତି। ଅଭିନୟ ପୂର୍ବରୁ କ୍ୟାଟ୍ରିନାଙ୍କ ପ୍ରକୃତ ନାମ ଥିଲା ଇସାବେଲା କୈଫ। ଜ୍ୟାକି ଶ୍ରଫଙ୍କ ପତ୍ନୀ ଆୟେଶା ତାଙ୍କୁ ଏହି ନାମ ପରିବର୍ତ୍ତନ କରି କ୍ୟାଟ୍ରିନା କୈଫ ରଖିବାକୁ ପରାମର୍ଶ ଦେଇଥିଲେ। ପରବର୍ତ୍ତୀ ସମୟରେ ସେ କ୍ୟାଟ୍ରିନା ନାମରେ ପରିଚିତ ହୋଇଥିଲେ। ଅନ୍ଧାରକୁ ଭାରି ଭୟ କରନ୍ତି ଏହି ଅଭିନେତ୍ରୀ। ଆୟେଶା ଶ୍ରଫଙ୍କ ପ୍ରଯୋଜିତ ‘ବୁମ୍‌’ରେ ପ୍ରଥମେ ବ୍ରେକ୍‌ ମିଳିଥିଲା। ତା’ପରେ ‘ସିଂ ଇଜ୍‌ କିଙ୍ଗ’, ‘ଅଜବ ପ୍ରେମ୍‌ କି ଗଜବ କାହାନୀ’, ‘ଜିନ୍ଦେଙ୍ଗୀ ନା ମିଲେଗି ଦୋବାରା’, ‘ବଡିଗାର୍ଡ’ ଏବଂ ‘ଏକ ଥା ଟାଇଗର’ ଆଦି ସିନେମାରେ ଅଭିନୟ କରିସାରିଛନ୍ତି ସେ।
ଅନ୍ୟପକ୍ଷରେ ବମ୍ବେରେ ଜନ୍ମିତ ଭିକି କୌଶଲ ଅଭିନୟ ବ୍ୟତୀତ ବହି ପଢ଼ିବା, ଡ୍ୟାନ୍ସ ଏବଂ ଟ୍ରାଭେଲିଂରେ ରୁଚି ରଖନ୍ତି। ଇଞ୍ଜିନିୟରିଂରେ ଡିଗ୍ରୀ ହାସଲ କରିବା ପରେ ତାଙ୍କୁ ଚାକିରି ପାଇଁ ଅଫର ମିଳିଥିଲା। ହେଲେ ସେ ଅଭିନେତା ହେବାର ନିଶା ତାଙ୍କୁ ପାଗଳ କରିଦେଇଥିଲା। ସେ ଚାକିରିରେ ଯୋଗ ନ ଦେଇ ଆକ୍ଟିଂ ପ୍ରତି ମନୋନିବେଶ କରିଥିଲେ। ବଡ଼ ପରଦାରେ ମୁହଁ ଦେଖାଇବା ପୂର୍ବରୁ କିଶୋର ନମିତ କପୁରଙ୍କ ଅଧୀନରେ ସେ ଆକ୍ଟିଂ ଓ୍ବାର୍କଶପରେ ଯୋଗ ଦେଇଥିଲେ। ସେଠାରେ ସେ ଶତାଧିକ ଥିଏଟର ନାଟକରେ ଅଭିନୟ କରି ନିଜକୁ ଜଣେ ନାମୀ ଥିଏଟର ଅଭିନେତା ଭାବରେ ପରିଚିତ କରାଇଥିଲେ। ଭାରତୀୟ ଖାଦ୍ୟ ବ୍ୟତୀତ ଚାଇଜିନ୍‌ ଫୁଡ୍‌ ଖାଇବାକୁ ପସନ୍ଦ କରନ୍ତି ଭିକି। ତାଙ୍କର ମନ ପସନ୍ଦର ଅଭିନେତା ହେଲେ ହ୍ରିତିକ ରୋଶନ ଏବଂ ନଓ୍ବାଜଉଦ୍ଦିନ୍‌ ସିଦ୍ଦିକ। ଭିକିଙ୍କ ଅଭିନୀତ ‘ମାସାନ୍‌’ ପାଇଁ ସେ ୮ କିଗ୍ରା ଓଜନ କମାଇଥିଲେ। ଏହି ଫିଲ୍ମଟି ତାଙ୍କୁ ରାତାରାତି ଷ୍ଟାର ମାନ୍ୟତା ପ୍ରଦାନ କରିଥିଲା। ଏଥିପାଇଁ ସେ ସମ୍ମାନଜନକ ଆଇଫା ପୁରସ୍କାର ହାସଲ କରିବାରେ ସକ୍ଷମ ହୋଇଥିଲେ। ଏହାବ୍ୟତୀତ ‘ରମନ ରାଘବ ୨.୦’, ‘ରାଜି’, ‘ସଞ୍ଜୁ’, ‘ମନମର୍ଜିୟା’ ଏବଂ ‘ଉରି-ସର୍ଜିକାଲ ଷ୍ଟାଇକ୍‌’ ଆଦି ଫିଲ୍ମ ତାଙ୍କ କ୍ୟାରିୟରକୁ ଆହୁରି ମାଇଲେଜ ଦେଇଥିଲା।


Enter your email to get our daily news in your inbox.

All Right Reserved By Dharitri.Com

ମୁମ୍ବାଇର ବିଭିନ୍ନ ସ୍ଥାନରେ ଏନ୍‌ସିବି ପକ୍ଷରୁ ଚଢାଉ: ଅଢେଇ କୋଟି ଟଙ୍କାର ନିଶାଦ୍ରବ୍ୟ ଜବତ

ମୁମ୍ବାଇ,୧୦।୧୨-ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ସହ ଜଡିତ ଡ୍ରଗ୍ସ କାରାବାର ମାମଲାରେ ନାର୍କୋଟିକ୍ସ କଣ୍ଟୋଲ ବ୍ୟୁରୋ(ଏନ୍‌ସିବି)ମୁମ୍ବାଇର ବିଭିନ୍ନ ସ୍ଥାନରେ ଚଢାଉ କରି ଅଢେଇ...

୩୭ ବର୍ଷରେ ସାଉଥ୍‌ ଫିଲ୍ଟ ଷ୍ଟାର୍‌ ଆଲୁ ଅର୍ଜୁନ: ଆକ୍ସନ୍‌ ସିନ୍‌ ଭାରି ପସନ୍ଦ

ଚେନ୍ନାଇ: ସାଉଥ୍‌ ଫିଲ୍ଟ ଷ୍ଟାର୍‌ ଆଲୁ ଅର୍ଜୁନ ବୁଧବାର ୩୭ ବର୍ଷରେ ପାଦ ଦେଇଛନ୍ତି। ସେ ୧୯୮୩ ଏପ୍ରିଲ ୮ରେ ଚେନ୍ନାଇଠାରେ ଜନ୍ମଗ୍ରହଣ କରିଥିଲେ। ଛୋଟ...

ମନିଲଣ୍ଡରିଂ ମାମଲା ରୁଜୁକଲା ଇଡି

ନୂଆଦିଲ୍ଲୀ,୧।୮: ବଲିଉଡ୍‌ ଅଭିନେତା ସୁଶାନ୍ତ ସିଂ ରାଜପୁତ ଆତ୍ମହତ୍ୟା ଘଟଣାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ ଶୁକ୍ରବାର ମନିଲଣ୍ଡରିଂ ମାମଲା ରୁଜୁ କରାଯାଇଛି। ଏହି କେନ୍ଦ୍ରୀୟ...

ସରକାରଙ୍କୁ ରିଷି କପୁରଙ୍କ ଅନୁରୋଧ: ସନ୍ଧ୍ୟାରେ ଖୋଲାଯାଉ ମଦ ଦୋକାନ

ମୁମ୍ବାଇ,୨୮।୩: କରୋନା ଭାଇରସର ଭୟାବହତାକୁ ଦେଖି ସାରା ଦେଶ ଲକ୍‌ଡାଉନ୍‌ ଥିବା ବେଳେ ଏହାକୁ ନେଇ ସମୟ ସମୟରେ ବଲିଉଡ୍‌ର ଭେଟେରାନ କଳାକାର ରିଷି କପୁର...

ନିଜଠୁ ୪ ବର୍ଷ ବଡ଼ ଏହି ଅଭିନେତ୍ରୀଙ୍କ ପ୍ରେମରେ ପଡ଼ିଥିଲେ ମହେଶ ବାବୁ, ପରିବାରରେ ପ୍ରଥମେ ଜଣାଇଥିଲେ ….

ସାଉଥ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ମହେଶ ବାବୁ ନିଜର ଦୃଢ଼ ଅଭିନୟ ଏବଂ ସୁନ୍ଦର ଚେହେରା ସହିତ ଦର୍ଶକଙ୍କ ହୃଦୟ ଜିତିଛନ୍ତି। ଚଳିତ ବର୍ଷ ମହେଶ...

ପ୍ରଭାସଙ୍କ ସହ ନଜର ଆସିବେ ଦୀପିକା

ମୁମ୍ବାଇ: ବାହୁବଳୀ ରିଲିଜ୍‌ ହେବା ପରେ ସାଉଥ୍‌ ସୁପରଷ୍ଟାର ପ୍ରଭାସଙ୍କ ଷ୍ଟାରଡମ୍‌ ସାରା ଭାରତରେ ଛାଇ ଯାଇଥିଲା। ଏହି ଫିଲ୍ମ ତାଙ୍କୁ ଇଣ୍ଟରନ୍ୟାଶନାଲ ଷ୍ଟାର ମଧ୍ୟ...

ବିଗ୍‌ ବିଙ୍କ ଜୀବନର ଗତିପଥ ବଦଳାଇ ଦେଇଥିଲା ‘ଆନନ୍ଦ’

ମୁମ୍ବାଇ: ବିଗ ବି ଅମିତାଭ ବଚ୍ଚନଙ୍କୁ ପ୍ରଥମେ ବଲିଉଡ୍‌ରେ ବହୁ ସଂଘର୍ଷ କରିବାକୁ ପଡ଼ିଛି। ଷ୍ଟାର ମାନ୍ୟତା ପାଇବା ପାଇଁ ବିଗ୍‌ ବିଙ୍କ ଆଖିରୁ ନିଦ...

୨୭ରେ ବିବାହ କରିବେ ମୌନୀ ରୟ, ଜାଣନ୍ତୁ କ’ଣ କରନ୍ତି ଭାବି ସ୍ବାମୀ

ଅଭିନେତ୍ରୀ ମୌନୀ ରୟ ଖୁବ୍‌ଶୀଘ୍ର ପ୍ରେମିକ ସୁରଜ ନାମ୍ବିଆର୍‌ଙ୍କୁ ବିବାହ କରିବେ। ଅଭିନେତ୍ରୀ ୨୭ ଜାନୁୟାରୀ ୨୦୨୨ରେ ଗୋଆରେ ଏକ ସମୁଦ୍ରକୂଳରେ ବିବାହ କରିବେ। କରୋନାକୁ...

Advertisement
Archives

Model This Week